Misambu 118:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Mbila ya disanka ne ya luhandu lua mu nvita idi yunvuika mu nsubu ya ntenta ya bantu bakane; tshianza tshia bukole tshia Yehowa tshidi tshienza malu a bukitu;

MUKANDA WA MYIDI MUKULU

¹⁵ Bitabi ba Mvidi Mukulu badi bela mbila ya disanka, mu ntenta yabu bua lupandu ludibu bapete, bamba ne: “Diboku dia Maweja-Nangila nditshimune.

Misambu 118:15 Marejeleo ya Msalaba

Misambu 111:2

Midimu ya Yehowa idi minene, idi mikononona kudi bonso badi basanka bualu buai.

Misambu 119:111

Nakuangata mikenji yebe bu bubianyi tshiendelele, bualu bua idi disanka dia mu mutshima wanyi.

Misambu 119:54

Mikenji yebe mifunda yakuikala misambu yanyi mu nsubu mundi mushikame bu muena luendu.

Misambu 32:11

Nuikale ne disanka mu Yehowa, nusanke bikole, nuenu bantu bakane; elai mbila bua disanka dienu, buonso buenu badi bakane mu mitshima yenu!

Misambu 44:3

Bualu bua kabakadinyengela buloba abu ku muele wabo wa nvita, ne diboko diabo kadiakabasungila mu nvita; kadi tshianza tshiebe tshia balume ne diboko diebe ne munya wa ha mpala hebe biakabasungila. Bualu bua wewe wakadi nʼabo luse.

Misambu 45:4

Mu butumbi buebe wende biebe utamba bukole mu nvita bua malu a bushuwa, a kalolo ne a buakane. Tshianza tshiebe tshia balume tshikuyishe bienzedi bidi bikuatshisha bantu buowa.

Misambu 5:12

Bualu bua wewe, Yehowa, udi uvudishila muntu muakane disanka; udi amunyunguluka ne diakalengele bu mudibo benza ne ngabu.

Misambu 60:12

Bituikala ne dikuatshisha dia Nzambi, nebenze bienzedi bia bukitu; bualu bua nyeye udi udiatakasha badi nʼetu lukuna muinshi mua makasa andi.

Misambu 68:3

Kadi bantu bakane bikale ne disanka, balumbile ku mpala kua Nzambi; e, basanke bikole mu disanka diabo.

Misambu 89:13

Wewe udi ne diboko didi ne bukole; tshianza tshiebe tshidi tshikole, tshianza tshiebe tshia balume tshidi tshibandishibue kulu.

Misambu 98:1

Nuimbile Yehowa musambu muhia-muhia, bualu bua wakuenza malu manene a kukema. Tshianza tshiandi tshia balume ne diboko diandi dia tshijila biakumuhetela luhandu.

Ekesode 15:6

Yehowa, tshianza tshiebe tshia balume tshidi ne butumbi ne bukole, Yehowa, tshianza tshiebe tshia balume tshidi tshisunsula bantu badi nʼetu lukuna.

Yeshaya 65:13

Nunku Mukelenge Yehowa udi wamba ne, Tangilai, bantu banyi nebadie, kadi nuenu nenuikale ne nzala; tangilai, bantu banyi nebanue, kadi nuenu nenuikale ne nyota; tangilai, bantu banyi nebasanke, kadi nuenu nenufuishibue bundu;

Luke 1:51

Wakenza malu makole ne diboko diandi; Wakatangalasha badi badisua bua meshi mabi akadi mu mitshima yabo.

Bienzedi 16:34

Wakabanda nʼabo mu nsubu muandi, wakabalongoluela mesa, wakatamba kusanka ne nsubu wandi yonso, bamane kuitabusha Nzambi.

Dielulula 12:12

Nenuikale ne disanka dia Yehowa, Nzambi wenu, ne nuenu ne bana benu balume ne bana benu bakashi, ne bahika benu balume ne bahika benu bakashi, ne Bena Lewi badi ku mbelu kuenu badi kabayi ne buhianyi kunudi.

Didimanyisha 18:20

Nusanke bua bualu buau, wewe diulu, ne nuenu basanto, ne nuenu bapostolo, ne nuenu baprofete; bualu bua Nzambi wakamulumbuluisha ne dilumbuluisha dienu.