Matayi 8:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Kapitene wakamuandamuna ne, Mukelenge, meme tshiena muntu mimene mua wewe kubuela mu nsubu muanyi; wewe wamba anu dî diebe, Buntu wanyi neasangale.

MUKANDA WA MYIDI MUKULU

⁸ Mulombodi kuamba ne: — Mfumu, tshiena mukumbane bua wewe kubuela mu nzubu muanyi to. Kadi tuma amu diyi, disama dia muena mudimu wanyi nedijike.

Matayi 8:8 Marejeleo ya Msalaba

Genese 32:10

Tshiena ne buimpe bua kudiangatshila tshituha tshia luse ne bulelela biwakalesha muntu webe, nakasabuka musulu eu wa Yadene anu ne tshibangu, katataka nakulua bisumbu bibidi bia bintu.

Misambu 10:17

Yehowa, wewe wakunvua kulomba kua badi ne mitshima mihuekele; udi ujadika mitshima yabo, udi uteleja matshu ebe kudibo.

Misambu 107:20

Wakabatumina dî diandi, wakashikisha masama abo, wakabahandisha mu dibutuka diabo.

Misambu 33:9

Bualu bua yeye wakamba dî diandi, ne buloba buakadiku; wakela mukenji, buakajalama.

Dibadika 20:8

Angata mulangala, usangishe bantu bonso ne wewe ne Alona mukuluʼebe, wewe wambile dibue didi ku mesu kuabo, dihatule mai, wewe neubahatuile mai ku dibue, wewe neubanuishe mai ne bimuna biabo.

Matayi 3:11

Bulelela, ndi nubatiza mu mai bualu bua nuenu nukudimune mitshima yenu; kadi udi ulua ku nyima kuanyi udi muntambe meme, tshiena ne buakane bua kutuala bisabata biandi; yeye neanubatize mu Nyuma Muimpe ne mu kahia;

Matayi 3:14

Yone wakamba kubenga ne, Meme ndi ne bualu bua wewe kumbatiza meme, munyi muwakulua kundi?

Matayi 8:3

Yesu wakolola tshianza tshiandi, wakamulenga ne, Ndi musue, wikale mulengeshibue. Nsudi yandi yakashika lukasa.

Matayi 8:7

Yesu wakamuambila ne, Nendue kushikisha disama diandi.

Matayi 8:9

Meme kabidi ndi ku nyima kua bakuabo, ndi ne masalayi ku nyima kuanyi; ntu ngambila edi disalayi ne, Ya, yeye waya; ntu ngambila dikuabo ne, Lua, yeye walua; ntu ngambila Buntu wanyi ne, Enza bualu ebu, yeye wenza.

Luke 15:19

Tshiena bianyi muimpe kabidi bua kumbikilabo ne, Muanʼebe, umbueshe mu mudimu bu bena mudimu bebe bakuabo.

Luke 15:21

Muana wakamuambila ne, Tatu, nakuenzela diulu bibi, nakuenza bibi ku mesu kuebe kabidi; tshiena bianyi muimpe kabidi bua kumbikilabo ne, Muanʼebe.

Luke 5:8

Hakamona Simona Petelo bualu ebu, wakadihonena hanshi ku binu bia Yesu, wakamba ne, Mukelenge, Umuka kundi, bualu bua meme ndi muntu bubi.

Yowanane 1:27

yeye mene ulualua ku nyima kuanyi, tshiena ne buakane bua kusulula mionshi ya bisabata biandi.