Matayi 4:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Bantu bakadi bashikame mu midima Bakatangila dinkenka dinene, Munya wakatemena bantu bakadi bashikame mu muaba wa lufu Ne mu mundidimbi walu.

MUKANDA WA MYIDI MUKULU

¹⁶ Bantu badi basomba mu midima nebamone butooke bunene! Bantu badi basomba mu ditunga dia lufu mu midima, butooke nebubakenkele!”

Matayi 4:16 Marejeleo ya Msalaba

Yobe 10:22

Budi buloba budi ne mufitu bu midima mikole, bua mundidimbi wa lufu ne bua kutompakasha kua malu, kudi munya bu midima mikole.

Yobe 3:5

Mîdima ne mufidi mufike fitutû bidiangate. Difutu dishikamehu; bintu bionso bidi bifikisha difuku adi biditshinyishe.

Yobe 34:22

Kakuena midima, kakuena mufitu mukole kudi benji ba malu mabi bamanye mua kusokomena.

Misambu 44:19

bua wewe wakuntshibula bituha bituha bua muanda eu mu muaba wa mizeu, ne bua wewe wakutubuikila mu mîdima mikole.

Yeshaya 9:1

Kadi mufitu kawena wikalaku kabidi ha buloba buakadi ne kanyinganyinga diambedi. Mu tshikondo tshia diambedi yeye wakafuisha buloba bua Zebulona ne buloba bua Nafatale bundu, kadi mu matuku atshidi alua neavuishe butumbi kudi buloba budi mu nshila udi uyila ku mai manene, budi dishiya dia Yadene, Galela wa munkatshi mua bisamba bia bantu.

Yeshaya 9:2

Bakadi benda mu midima bakumona munya munene; ha bantu bakadi bashikame mu buloba bua mîdima mikole hakatemena munya au.

Yirmeya 13:16

Tumbishai Yehowa Nzambi wenu, diambedi yeye kayi muanze kunutumina mîdima, diambedi makasa enu kayi manze kulenduka ha mutu ha mikuna idi ne mîdima, ne hantshidi nukeba munya, yeye neawandamune bua kuikalau mufitu, neauvuishe mîdima mikole.

Amosa 5:8

Yeye wakafuka mitoto ya Tshidiminanzashi ne ya Nyama ne Mbua ne Muntu, udi ukudimuna mundidimbi wa lufu bua kuluau bu dinda, udi ukudimuna munya bua kuluau butuku; udi Ubikila mai a mu mai manene kudiye, ne udi wahongoluela ha buloba; Yehowa ndina diandi.

Mika 7:8

Kusanki bua dikenga dianyi, wewe muena lukuna wanyi; binahona hanshi, nembike kabidi; nansha hanashikama mu midima, Yehowa neikale munya wanyi.

Luke 2:32

Munya wamueneka kudi bisamba bia bende Ne butumbi bua Isalele, bantu bebe.