Matayi 4:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Yesu wakamuambila ne, Satana, umuka; bualu bua bakuanda dî ne, Kukuila Mukelenge Nzambi webe, umuenzele yeye nkayandi mudimu.

MUKANDA WA MYIDI MUKULU

¹⁰ Kadi Yezu kumuandamuna ne: — Diabolu, umbuka! Bualu Mukanda wa tshijila udi wamba ne: “Kukuila Maweja-Nangila Mvidi Mukulu webe. Umuenzele amu Yeye nkayende mudimu.”

Matayi 4:10 Marejeleo ya Msalaba

1 Kulondolola 21:1

Satana wakimana ku mpala kua Bena Isalele, wakasonsola mutshima wa Davidi bua kubaleye Bena Isalele.

Yobe 1:12

Nunku Yehowa wakambila Satana ne, Mona, bintu bionso bidiye nʼabi bidi mu bianza biebe; kadi kumulengi tshianza tshiebe. Nunku Satana wakaluhuka ku mesu kua Yehowa.

Yobe 1:6

Dituku dikuabo hakadisangisha bana balume ba Nzambi ku mesu kua Yehowa, Satana kabidi wakamueneka munkatshi muabo,

Yobe 2:1

Dituku dikuabo, hakalua bana halume ba Nzambi kudimuenesha ku mesu kua Yehowa, Satana kabidi wakalua munkatshi muabo bua kudimuenesha ku mesu kua Yehowa.

Misambu 109:6

Sungula biebe muntu mubi bua kuikaleye ku mutu kuandi; mumubandi wandi imane ku tshianza tshiandi tshia balume.

Ekesode 23:25

Nuenu nenutendelele Yehowa, Nzambi wenu, yeye neayudishe disanka ku bidia bienu ne ku mai enu, nennumushile disama munkatshi muenu.

Yeshaya 30:22

Nenunyange tshiamu tshia argent tshinudi balamike ku mpingu yebe misonga, ne tshiamu tshia or tshinudi balamike ku mpingu yebe mifudibue; nenubimashe bu tshilulu tshinyanguke ne bukoya; nenubambile ne, Umukai kutudi!

Matayi 16:23

Kadi yeye wakatshinguluka, wakambila Petelo ne, Satana, yila ku nyima kuanyi, wewe udi tshilenduishi tshianyi, bualu bua wewe kuena welangana meshi a malu a Nzambi, udi welangana meshi anu a malu a bantu.

Marke 1:13

Yeye wakadi mu tshihela matuku makumi anai, bamuteya kudi Satana; yeye wakadi ne nyama ya mu tshisuku; banjelo bakadi bamukuatshisha ne biakadiye nʼabi bualu.

Luke 10:18

Yeye wakabambila ne, Nakadi nmona Satana mukuluke mu diulu muhone bu muele wa nvula.

Luke 11:18

Ne Satana kabidi biahandulukeye, bukelenge buandi budi bumanye mua kujalama munyi? Bua nuenu nudi nungamba ne, Udi umusha bademon mu dina dia Belezebula.

Luke 13:16

Mukashi eu udi muana wa Abalahama, wakadi musuika kudi Satana bidimu ebi dikumi ne muanda mukulu; kabiakadi bimpe bia kumusulula dituku dia Lumingu, anyi?

Luke 22:3

Satana wakahuela munda mua Yudasa, wakadibo babikila ne Isakaliote, yeye wakadi wabo wa ba dikumi ne babidi.

Luke 22:31

Yesu wakamba ne, Simona, Simona, mona, Satana wakalomba mua kunuangata bualu bua kunusengeye bu ntete;

Luke 4:8

Yesu wakamuandamuna ne, Bakafunda dî ne, Kukuila Mukelenge Nzambi webe, umuenzele yeye nkayandi mudimu.

Yowanane 13:27

Hakangateye tshihesa, Satana wakabuela munda muandi. Yesu wakamuambila ne, Enza bûdi wenza lukasa.

Bienzedi 26:18

bua wewe kubulula mesu abo, bakome nyima ku midima batangile ku munya, bakoma nyima ku bukole bua Satana batangile kudi Nzambi, bua bobo bahete dijimisha dia mibi yabo ne buhianyi munkatshi mua badi balengeshibue ku ditabusha didibo bangitabusha nʼadi.

Bienzedi 5:3

Kadi Petelo wakamba ne, Anania, bualu kai Satana wakûsha mutshima webe tente bua wewe kudinga Nyuma Muimpe ne bua kusokoka tshituha tshia mushinga wa budimi?

1 Korente 5:5

bua kufila muntu wa nunku kudi Satana bua kushihesha malu a mubidi, bua nyuma wandi asungidibue mu dituku dia Mukelenge Yesu.

1 Korente 7:5

Kanuedianganyi, anu hanuahunga dî bua tshikondo, bua kuikala ne musangu wa kutendelela Nzambi, ne bua kudisangisha kabidi, bua Satana kanuteyi bua dihanga dia kudikanda kuenu.

2 Korente 11:14

Ne kembualu bua kukema nasha; bualu bua Satana mene udi udiandamuna bu muanjelo wa munya.

2 Korente 12:7

Bua meme tshitambi kuanyishibua bua bunene bua kubuluibua kua malu kundi, nakahebua tshintu bu dieba mu mubidi wanyi bu muanjelo wa Satana bua kunkengeshakengesha, bua meme tshitambi kuanyishibua.

2 Korente 2:11

bua Satana kikadi ne muaba wa kutuhitshila budimu; bualu bua tuetu katuena tuhanga kumanya madimu andi.

Dielulula 10:20

Nutshine Yehowa, Nzambi wenu, numuenzele mudimu, nulamate kudiye, nuditshihe kudi dina diandi.

Yakobe 4:7

Nunku nudikokeshe kudi Nzambi; kadi nukandamene diabolo ne yeye neanunyeme.

Yoshua 24:14

Nunku nutshine Yehowa, numukuatshile mudimu ne muoyo wonso udi kauyi ne lubombo, nûmushe nzambi yakakuatshila bankambua bena mudimu dishiya dia musulu wa Pelata ne mu Ejipitu; nukuatshile Yehowa mudimu.

1 Petro 5:9

numutantamene bajalame mu ditabusha dienu; bualu bua nudi bamanye ne makenga momumue adi makumbashibue mu bana benu ba mu Kilisto badi ha buloba ebu.

1 Samuele 7:3

Samuele wakambila Bena Isalele bonso ne, Binuasua kuhingana kudi Yehowa ne mitshima yenu yonso, nunku numushe nzambi ya bende ne ya Bashela munkatshi muenu, kudimunai mitshima yenu kudi Yehowa, numukuatshile yeye nkayandi mudimu; ne yeye neanusungile mu bianza bia Bena Peleshete.