Matayi 3:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² tshihehudi tshiandi tshidi mu tshianza, yeye neatokeshe tshituilu tshiandi bimpe; yeye neasangishe mponda wandi mu mudiba, kadi yeye neoshe bisote mu kahia kadi kakai kajima tshiendelele.

MUKANDA WA MYIDI MUKULU

¹² Yeye ke udi ne lubenji mu bianza biende, bua kupepula bisote, kushiya ntete. Neateke ntete mu diyeba. Kadi bisote neabioshe mu kapia kadi kakayi kajima.

Matayi 3:12 Marejeleo ya Msalaba

Yobe 21:18

Misangu ya bungi idibo bu bisonsa ku luhehele, ne bu bisote bidi nvunde uhehula?

Misambu 1:4

Bantu babi kabena nunku nansha, kadi badi bu bisote bidi luhehele luhehula.

Misambu 35:5

Bikale biabo bu bisote ku mpala kua luhehele, hatshidi muanjelo wa Yehowa ubihata.

Yeshaya 1:31

Muntu mukole neikale bu tshikanfu tshia kutemesha, ne mudimu wandi newikale bu lusase lua kahia. Bubidi buabi nebihie bohamue, kakuena wa kubijima.

Yeshaya 17:13

Ba mu bisamba bia bantu badi mua kuenda lubilu bu dihueka dia lukasa dia mai a bungi, kadi Yehowa neababele, ne nebanyeme kule, nebihatshibue bu mudi bisote bia ku tshituilu tshia ha mukuna bihehudibua halua luhehele, ne bu mudi luhuishi lunyunguluka ne nvunde.

Yeshaya 27:4

Tshiji katshiena munda muanyi. Nakadi kusua ne meba ne mingonge bikale ku mpala kuanyi bua kuluangana nʼanyi nvita! Nakadi kubidiata muinshi mua makasa, nakadi kubiosha kaba kamue.

Yeshaya 28:28

Badi babotesha maminu adibo benza nʼau bidia, anyi? Nansha, muntu katu wâshihula musangu ne musangu; kadi habungulusheye nkata wa dikalu diandi ne hendesheleye tubalu tuandi ha mutu hau, kena wâbotesha nansha.

Yeshaya 30:24

Ngombe ne nyama ya mpunda idi ibila buloba mu budimi buebe neyidie bia kudia bimpe bisangisha ne luehu, bia kudia mene bidibo bahehula ne tshikasu tshia mpau ne tshihehudi.

Yeshaya 41:16

Neuyibehuishe, ne luhehele neluyihehule, ne nvunde neayimuangalashe; ne wewe neusanke mu Yehowa, neutumbile mu Wa Tshijila wa Isalele.

Yeshaya 5:24

Nunku bu mudi ludimi lua kahia luosha misengeleke ya mponda, ne bu mudi bisonsa biume bihona hanshi mu kahia, muji wabo newikale bu tshintu tshibole, tshilongo tshiabo netshibande mulu bu mudi luhuishi luenza, bualu bua bakuhita diyisha dia mikenji ya Yehowa wa misumba, bakulengulula dî dia Wa Tshijila wa Isalele.

Yeshaya 66:24

Nebaluhuke, nebatangile bitalu bia bantu bakuntombokela; bualu bua tshikusu tshiabo katshiena tshilua, kahia kabo kakena kajima, ne bobo nebikale bintu bidi bantu bonso bahetula.

Yirmeya 15:7

Nakubahehula ne tshihehudi ku bibuelelu bia mu buloba buabo; nakubanyenga bana bakalelabo, nakubutula bantu banyi, kadi kabakalekela bienzedi biabo bibi.

Yirmeya 17:27

Kadi binuahidia kungunvuila mu muanda eu wa kujidila dituku dia Lumingu, kanuyi badikande bua kutuala bujitu anyi kubuela nʼabu ku bibi bia ku Yelushalema dituku dia Lumingu, ka nentemeshe kahia ku bibi ebi, ne koko nekoshe nsubu ya banfumu ya mu Yelushalema, ne kakena kajima nansha.

Yirmeya 4:11

Mu tshikondo atshi nebambile bantu aba ne ba mu Yelushalema ne, Luhehele ludi luosha ludi lufuma ku miaba ya hatuhu ya ha mutu ha mikuna ya mu tshihela, nelufike kudi muana mukashi wa bantu banyi, kaluyi luhehula, kaluyi lutokesha.

Yirmeya 51:2

Nentumine Bena Babulona bahehudi balualua kubahehula, nebashiye buloba buabo butuhu; bua mu dituku dia makenga abo nebabaluishe ku nseke yonso.

Yirmeya 7:20

Nunku Mukelenge Yehowa udi wamba ne, Monai, nempongolole tshiji tshianyi ne njiya yanyi ha muaba eu, ha bantu, ha nyama, ha mitshi ya mu madimi ne ha bia kudia bidi buloba bumenesha; biobi nebibioshe bu kahia kadi kakayi kajima.

Osheya 13:3

Bua muanda eu nebikale bu ditutu dia lunkelu, ne bu mume udi ukama lukasa, bu bisote bidi nvunde uhehula ku tshishihuidi, anyi bu muishi wa kahia udi uhatuka mu dididishi.

Amosa 9:9

Monai, nengele dî dianyi, nennyungishe tshisamba tshia Bena Isalele munkatshi mua bisamba bionso, bu mudi muntu usenga manvua mu munyingu, diteta nansha dimue kadiyi dihona hanshi.

Malaki 4:1

Yehowa wa misumba udi wamba ne, Monai, dituku nedilue didi diosha bu kahia ka mu tshikutu, ne bonso badi badisue ne benji ba malu mabi honso nebikale bu bisonsa; ne dituku adi didi dilua nedibashidishe, kadiena dibashila nansha muji nansha ditamba.

Matayi 13:30

Bubidi buabi bidiunde hohamue tô ne halua dia kunowa; halua dia kunowa, nengambile banowi ne, Diambedi nusungulule luhela nulusuike mu bisumbu bua kuluosha; hadi nusangishe mponda mu diyeba dianyi.

Matayi 13:41

Muana wa muntu neatume banjelo bandi, nebasungule mu bukelenge buandi benji ba malu mabi ne bintu bionso bidi bilenduisha bantu,

Matayi 13:42

nebabiele mu tshikutu tshia kahia; muadi newikalemu ne kusumakana menu,

Matayi 13:43

Dituku diadia bantu bakane nebakenke bu diba mu bukelenge bua Tatu wabo. Udi ne matshu unvue biandi.

Luke 3:16

Yone wakabandamuna buonso buabo ne, Bulelela, ndi nubatiza ne mai, kadi udi muntambe meme ulualua, tshiena ne buakane bua kusulula mionshi ya bisabata biandi; yeye neanubatize mu Nyuma Muimpe ne mu kahia;

Luke 3:17

tshihehudi tshiandi tshidi mu tshianza, yeye neatokeshe tshituilu tshiandi bimpe, neasangishe mponda mu mudiba wandi, kadi yeye neoshe bisote mu kahia kadi kakai kajima tshiendelele.

Yowanane 15:2

Ditamba dianyi dionso didi kadî dikuama mamuma, yeye neadiumushe, kadi ditamba dionso didi dikuama mamuma yeye neadilengeshe bua kukuamadi mamuma makuabo.