Matayi 26:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Hakamanya Yesu dî edi diakambabo, yeye wakabambila ne, Nudi nutatshishila mukashi tshinyi? Yeye wakungenzela bimpe.

MUKANDA WA MYIDI MUKULU

¹⁰ Bu muvua Yezu mumanye tshiyuabu bamba, kubabelaye ne: — Nudi nutatshisha mukaji ewu bua tshinyi? Mmungenzele bualu buimpe.

Matayi 26:10 Marejeleo ya Msalaba

Nehemya 2:18

Nakabambila bua tshianza tshia Nzambi wanyi tshiakadi tshimpe kundi, ne bua mei a mukelenge akangambileye. Bobo bakamba ne, Tubikai, tuasai. Nunku bakakolesha maboko abo bua mudimu eu muimpe.

Yobe 13:7

Nudi basue kuakuila Nzambi ne mei adi kâyi makane, anyi? Nudi basue kuamba mei a mashimi bua bualu buandi, anyi?

Matayi 26:11

Nudi ne bahele matuku onso munkatshi muenu, kadi kanuena nʼanyi meme matuku onso.

Matayi 26:9

Bakadi kunjiana ku bintu bia bungi bia kuha bantu bahele.

Marke 14:6

Kadi Yesu wakamba ne, Numulekele; nudi numutatshishila tshinyi? Yeye wakungenzela bimpe.

Luke 8:49

Hakadiye wamba nunku, muntu wakafuma ku nsubu wa mukelenge wa nsunagoga, wakamba ne, Muanʼebe udi mufue, kutatshishi Muyishi.

2 Korente 9:8

Nzambi udi mumanye mua kukumbasha ngasa yonso kunudi; bua nuenu, bua misangu yonso nudi ne dikumbana dionso mu muanda wonso, nukumbane mu mudimu muimpe wonso;

Ngalate 1:7

ludi kalui lumu luimpe. Kadi bakuabo badiku badi banutatshisha, badi bakeba kusesuisha lumu luimpe lua Kilisto.

Ngalate 5:12

Nakadi kusua ne badi banutombuesha baditungule kabidi.

Ngalate 6:17

Nunku muntu kantatshishi kabidi; bualu bua ndi utuala bimanyinu bia Yesu, bibangu bangosha hamʼbidi hanyi.

Efeze 2:10

Tuetu iudi mudimu wandi wakenzeye, tuakafukibua mu Kilisto Yesu bua tuetu tuenze midimu mimpe yakadianjila Nzambi kulongolola bua tuetu kuendamu.

Kolose 1:10

ne bua nuenu nuende mu bienzedi bidi biakanangane ne Mukelenge ku dimusankisha dionso, ne bua nuenu nukuame mamuma mu mudimu wonso muimpe, ne bua nuenu nudiundadiunde mu kumanya kuenu kua Nzambi;

2 Tesalonike 2:17

anusambe mitshima yenu, aijadike mu mudimu muimpe wonso ne mu dî dimpe dionso.

1 Timote 3:1

Dî edi didi mua kueyemenyibua ne, Biasua muntu kuangata mudimu wa mukulu-mutangidi, yeye udi usua mudimu muimpe.

1 Timote 5:10

udi ne lumu luimpe lua bienzedi biandi bimpe, bikaleye mudiundishe bana bandi, bikaleye musangele benyi, bikaleye mume makasa a basanto, bikaleye mukuatshishe bena makenga, bikaleye munanukile kulonda midimu mimpe yonso.

2 Timote 2:21

Nunku biumusha muntu malu mabi â munda muandi, yeye neikale bu tshitekelu tshiteka bua buneme, tshia tshijila, tshikumbane mudimu wa mukelenge, tshilongolola bua mudimu muimpe wonso.

Tite 1:16

Bobo badi bamba ne, Tudi bamanye Nzambi; kadi badi bamudiula ne bienzedi biabo; mbena tshinyangu, mbena buhidia, babengibue kadi Nzambi bua kuenza mudimu muimpe wonso.

Tite 2:14

Yeye wakadifila bua bualu buetu, bua kutuhikula ku malu mabi onso, ne bua kudilengeshila bantu badi mua kuikala bandi bine, bikala ne lukunukunu lua kuenza midimu mimpe.

Tite 3:1

Ubavuluishe bua kukokelabo banfumu ne bakokeshi, batumikile dî diabo, bikale balongolodibue bua mudimu muimpe wonso;

Tite 3:14

Bantu betu bayile kabidi mua kunanukila mu midimu mimpe bua kuhetabo bintu bidibo nʼabi bualu; bua kabikadi bu bantu badi kabai bakuama mamuma.

Tite 3:8

Dî edi didi mua kueyemenyibua; ne bua malu â ndi musue wewe kuâmba, mumanye ne, Nga bushua, hua bantu bakumana kuitabusha Nzambi bananukile mu midimu mimpe. Malu â adi mimpe ne adi avuishila bantu mushinga muimpe;

Ebrewu 13:21

anuvuishe bakane tshishiki mu bualu buimpe buonso bua kuenza bu mu disua diandi, wenza munda muetu bualu budi buimpe ku mesu kuandi bita Yesu Kilisto; butumbi buikale kudiye ku bikondo ne ku bikondo. Amen.

1 Petro 2:12

nuikale ne bienzedi bienu bimpe munkatshi mua bisamba bia bende, bualu bua, mu mianda idibo banusonguela nuenu bu benji ba malu mabi, bobo batumbishe Nzambi mu dituku dialueye, bua midimu yenu mimpe idibo bamona.