Matayi 24:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Kadi malu â adi tshibangidilu tshia kanyinganyinga.

MUKANDA WA MYIDI MUKULU

⁸ Malu onsu awu neikale bu makenga a kumpala adi akuata mukaji pa lulelu.

Matayi 24:8 Marejeleo ya Msalaba

Yeshaya 10:4

Nenumanye anu mua kusokoma munkatshi mua bena lukuna badi bakuatshibue mu nvita, nenubatame munkatshi mua bitalu bia bantu bashihibue! Bua malu â onso tshiji tshiandi katshiena tshikudimuke, kadi tshianza tshiandi tshitshidi tshiolola.

Yeshaya 9:12

Bena Sulia ku luseke lua esete, ne Bena Peleshete ku luseke lua wesete bakudia Bena Isalele mukana muabo mubulula. Bua malu â onso tshiji tshiandi katshiena tshikudimuke, kadi tshianza tshiandi tshitshidi tshiolola.

Yeshaya 9:17

Nunku Mukelenge kena usanka bua bansongalume babo, kena ufuila bana babo ba nshiya ne bakashi babo ba mu lufuila luse. Bualu bua muntu yonso wa munkatshi muabo udi muhidi wa bualu bua Nzambi ne udi muenji wa malu mabi, ne mukana muonso mudi muamba mei mabi. Bua malu â onso tshiji tshiandi katshiena tshikudimuke, kadi tshianza tshiandi tshitshidi tshiolola.

Yeshaya 9:21

Manashe wakudia Efelayima, ne Efelayima wakudia Manashe, ne bubidi buabo bakubunda Yuda. Bua malu â onso tshiji tshiandi katshiena tshikudimuke, kadi tshianza tshiandi tshitshidi tshiolola.

Osheya 13:13

Didinyenga didi dikuata mukashi udi wamba kulela nedibakuate mene, kadi bobo mbana ba balume badi kabayi ne meji: bualu bua tshikondo etshi kantshikondo tshia kujanguluka mu difu.

Marke 13:8

Tshisamba tshikuabo netshiluangane ne tshinga, bukelenge bukuabo nebuluangane ne bunga, buloba nebukanke ku nseke ne ku nseke, biole nebikaleku; malu au adi tshibangidilu tshia kanyinganyinga kakole.

Luke 21:12

Kadi malu â onso kâi manze kulua, nebanukuate, nebanukengeshe, nebanufile mu nsunagoga ne mu nsubu ya lukanu, nebalue nʼenu ku mesu kua banfumu ne bangovena bua dina dianyi.

Dielulula 28:59

hashishe Yehowa neanuenzele masama a kukema ne bana badi banulonda; masama makole neashale kunudi musangu mule ne makenga manene neashale kunudi musangu mule kabidi.

1 Tesalonike 5:3

Hatshidibo bamba ne, Tudi ne ditalala, katui ne bualu; ahu dibutuka dia tshintuluntulu dilualua kudibo, bu mudi kanyinganyinga kalua kudi mukashi udi ne difu; ne bobo kabena bahanduka nasha kakese.

Yakobe 5:1

Ahu nuenu, bantu babanshi, nudile bienu, nuele mbila bualu bua makenga akadi ba kulua kunudi.