Matayi 24:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Baprofete badi ne mashimi ba bungi nebabike, nebahambuishe ba bungi,

MUKANDA WA MYIDI MUKULU

¹¹ Bambi ba dishima ba bungi nebamueneke. Nebadinge bantu bavule.

Matayi 24:11 Marejeleo ya Msalaba

Matayi 24:12

Dinanga dia ba bungi nedikehe, bualu bua tshishiku tshiakudiunda munda muabo.

Matayi 24:24

Bualu bua ba-Kilisto ba mashimi nebalue, ne baprofete ba mashimi, nebaleshe bantu bimanyinu binene ne malu a kukema bualu bua kuhambuisha badi basungula kadi Nzambi mene mene; biamanyabo mua kuenza nunku.

Matayi 24:5

Bualu bua ba bungi nebalue mu dina dianyi, bamba ne, Meme ndi Kilisto; nebahambuishe bantu ba bungi.

Matayi 7:15

Nuende badimuke kudi baprofete badi ne mashimi, batu balua kunudi baluate biseba bia mikoko, kadi munda muabo mudi nkashama idi ne luonji.

Marke 13:22

bualu bua ba-Kilisto ba mashimi nebalue, ne baprofete ba mashimi, nebaleshe bantu bimanyinu ne malu a kukema bua kuhambuisha badibo basungula kudi Nzambi mene, biamanyabo mua kuenza nunku.

Bienzedi 20:30

bantu nebabike munkatshi muenu mene, bambila bantu malu adi kâi malelela bua kukokabo bayidi ku nyima kuabo.

1 Timote 4:1

Kadi Nyuma udi wamba batoke ne, Halua bikondo bia kunshikidilu ha buihi, bantu bakuabo nebalekele ditabusha diabo, balamata ku nyuma idi ihambuisha ne ku mayisha a bademon;

2 Petro 2:1

Kadi baprofete ba mashimi bakabika munkatshi mua bantu kabidi, bu mudi bayishi ba mashimi balua kubika munkatshi muenu, nebalue mu musokoko ne malu manutahulule ku dibutuke, bavila Mukelenge wakabahikula, badivuishila dibutuka dia lukasa.

1 Yone 2:18

Bana banyi, didi diba dia kunshikidilu; ne mbu munuakunvua ne, Mufuilakanyi ne Kilisto ukadi ha kulua, ne katataka bafuilakanyi ne Kilisto bakumana kulua ba bungi; bua malu â tudi bamanye ne, Didi diba dia kunshikidilu.

1 Yone 2:26

Nakunufundila malu â bua bobo badi basue kunuhambuisha.

1 Yone 4:1

Bananga, kanuitabushi nyuma yonso, kadi nutete nyuma ne, Idi ya Nzambi, anyi; bualu bua baprofete ba bungi ba mashimi bakamuangalaka ha buloba.

Yuda 1:4

Bualu bua bantu bakuabo bakabombelela munkatshi muenu mu musokoko; bobo bakadi ne malu abo mafundibue diambedi ku dihila edi; badi kabai ba Nzambi, bandamuna ngasa wa Nzambi wetu ku malu a masandi, badi babenga Nfumu wetu umue umuehele, udi kabidi Mukelenge wetu, Yesu Kilisto.

Didimanyisha 19:20

Nyama wa luonji wakakuatshibua, ne bakamukuata ne muprofete wa mashimi wakenza bimanyinu ku mpala kuandi biakadingeye nʼabi bantu bakangata tshimanyinu tshia nyama wa luonji ne bakakukuila tshifuanyikishi tshiandi, bubidi buabo bakedibua ne muoyo mu dishiba dia kahia kadi katema ne soufre.