Matayi 21:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Nuambile muana mukashi wa Siona ne, Monai, Mukelenge webe ulualua kûdi, Udi ne kalolo, udi wenda ha nyima ha nyama wa mpunda.

MUKANDA WA MYIDI MUKULU

⁵ “Ambilayi bena mu Siyone ne: Ke mukalenga wenu awu udi ufika kunudi. Udi mudipuekeshe bikole, mubande pa nyama wa mpunde mukaji, ne pa muana wa nyama wa mpunde.”

Matayi 21:5 Marejeleo ya Msalaba

Genese 49:10

Dikombo dia bukelenge kadiena diumuka kudi Yuda, tshibangu tshia bukokeshi katshiena tshiumuka hankatshi ha makasa andi to ne halua Shilo, ne bantu bonso nebakukukuile.

2 Samuele 16:2

Mukelenge wakakonka Siba ne, Udi wenza tshinyi ne bintu ebi? Siba wakamba ne, Nyama ya mpunda nya ba mu nsubu wa mukelenge kubandabu; mampa ne mamuma mbua bansongalume kudia; ne nvinyo nya badi bahanga mu tshihela banue.

1 Bakalenga 1:33

Mukelenge wakabambila ne, Angatai bantu ba mukelenge wenu, nuendeshe Solomo, muanʼanyi, ha nyima ha mpunda wanyi mene, nuye nʼandi ku Gihona.

1 Bakalenga 10:26

Solomo wakadisangishila makalu ne bantu bakenda ha nyima ha tubalu: wakadi ne makalu tshinunu tshimue ne nkama inai, ne bantu bakenda ha nyima ha tubalu binunu dikumi ne bibidi biakatekeye mu misoko ya makalu andi ne mu Yelushalema hehi ne mukelenge.

Misambu 9:14

bua meme kumanyisha bantu bua butumbi buebe buonso, bua meme kusanka bua luhandu luebe ku bibi bia muana wa bakashi wa Siona.

Yeshaya 12:6

Bandisha dî diebe, ela mbila, wewe muena musoko wa Siona; bualu bua udi munene munkatshi muebe nyeye Wa Tshijila wa Isalele.

Yeshaya 40:9

Wewe udi wambila ba mu Siona lumu luimpe, banda ha mutu ha mukuna mule; wewe udi wambila ba mu Yelushalema lumu luimpe, bandisha dî diebe bikole, udikoleshe, kutshinyi; Wambile ba mu misoko ya mu Yuda ne, Tangilai Nzambi wenu!

Yeshaya 62:11

Monai, Yehowa wakuela mukenji tô ne kunfudilu kua buloba ne, Ambilai muana mukashi wa Siona ne, Tangila, luhandu luebe ludi lulua; tangila, yeye udi ulua ne bukenji buandi, ne udi utuma difutu diandi ku mpala kuandi.

Yezekiyele 34:24

Ne meme, Yehowa, nengikale Nzambi wai, ne muntu wanyi Davidi neikale mukokeshi wai; meme, Yehowa, nakuamba dî edi.

Yezekiyele 37:24

Muntu wanyi Davidi neikale mukelenge ku mutu kuabo; buonso buabo nebikale ne mulami wa mikoko umue; nebende mu malu andi mbambila, nebatumikile mikenji yanyi, nebayenze.

Osheya 1:7

Kadi nenfuile Bena Yuda luse; nembahandishe ku bukole bua Yehowa Nzambi wabo, tshiena mbahandisha ku buta, anyi ku muele wa nvita, anyi ku nvita anyi ku tubalu anyi kudi bena tubalu.

Mika 5:2

Kadi wewe, Betelehema Efelata, udi mukese munkatshi mua biota bia Yuda, mukuabo nealuhuke munda muebe bua bualu buanyi, bua kuikala mukokeshi wa Bena Isalele; tshibangidilu tshiandi tshidi tshia kale kale, tshia ku ntuadishila mene

Dibadika 24:19

Muntu nealuhuke kudi Yakoba, neikale ne bukelenge butambe, neashihe tshituha tshia bantu badi bashala mu musoko.

Matayi 11:29

Angatai mutshi wanyi wa tshikokedi ha nshingu yenu, nuyile malu kundi; bualu bua meme ndi ne kalolo ne kanemu mu mutshima wanyi; nunku nenusangane dikisha mu mitshima yenu.

Matayi 2:2

Udi muledibue Mukelenge wa Bayuda udi kudi kunyi? Tuakutangila mutoto wandi ku esete, tuakuluila kumukukuila.

Matayi 2:6

Wewe Beteleheme, buloba bua Yudaya, Kuena tshianana munkatshi mua banfumu ba mu Yudaya, Bualu bua ngovena nealuhuke munda muebe, Yeye neikale mulami wa Isalele, bantu banyi.

Matayi 21:6

Bayidi bakaya, bakenza bu muakabambila Yesu,

Luke 24:27

Wakabangila ku Mose ne ku baprofete bonso, wakabajinguluila malu akafundabo mu Mukanda wa Nzambi wonso bualu buandi.

Yowanane 1:49

Natanaele wakamuandamuna ne, Labi, wewe udi Muana wa Nzambi, wewe udi Mukelenge wa Isalele.

2 Korente 10:1

Meme Paulo, ndi nusengelela bua kalolo ne lutulu bia Kilisto, meme hangikala ku mesu kuenu, ndi muhuekele munkatshi muenu, hangikala tshi nʼenu, ndi ne dikima kunudi;

Dielulula 17:16

Kadi yeye kena ne bualu bua kudikumbashila tubalu tua bungi, anyi bua kuhingisha bantu mu Ejipitu bua kuheteye tubalu tua bungi; bualu bua Yehowa wakamana kunuambila ne, Kanuhinganyi mu nshila au kabidi.

Balombodi 12:14

Yeye wakadi ne bana balume makumi anai ne bikulu makumi asatu bakenda ha nyima ha bana ba nyama ya mpunda makumi muanda mutekete; yeye wakalumbulula Bena Isalele bidimu muanda mukulu.

Balombodi 5:10

Nuenu, badi babanda ha nyima ha tubalu tutoke, ambai bualu; nuenu bantu badi bashikama ha biala bia bubanji, ne nuenu badi benda mu nshila, ambai bualu ebu.