Matayi 19:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Bakamukonka kabidi ne, Bualu kai Mose wakamba ne, Bamuhe mukanda wa kushiha dibaka, bamumushe?

MUKANDA WA MYIDI MUKULU

⁷ Baparushe kumukonka ne: — Kadi Moshe uvua muele mukenji, bua mulume apeshe mukajende mukanda wa dishipa dia dibaka, padiye musue kulekelangana nende, bua tshinyi?

Matayi 19:7 Marejeleo ya Msalaba

Yeshaya 50:1

Yehowa udi ukonka ne, Mukanda wa kushiha kua dibaka unakuha mamu webe hanakumûmusha udi hanyi? Nakukuhana kudi musombeshanganyi kai? Mona, bakukuhana bua malu mabi ebe, ne bua mantombokela ebe bakûmusha mamu webe.

Yirmeya 3:8

Nakumusha Isalele ne nakamuha mukanda wa kushiha kua dibaka dietu nʼandi, bualu bua yeye wakenda masandi misangu yonso; kadi Yuda, muanʼabo mukashi ne Isalele ne muena dikamakama, kakadi ne ditshina; yeye kabidi wakaya kuenda masandi.

Malaki 2:16

Yehowa, Nzambi wa Isalele, udi wamba ne, Ndi nkina dishiha dia dibaka; Yehowa wa misumba udi wamba ne, Ndi nkina muntu udi ukengesha mukashi wandi nunku. Nudimuke bienu, bua nuenu kanulekedianganyi.

Matayi 1:19

Yosefe, bayandi, wakadi muntu muakane, yeye kakasua kumulesha kudi bantu, wakamba kumulekela mu musokoko.

Matayi 19:6

Nunku kabena bantu babidi kabidi, badi mubidi umue. Bua bualu ebu muntu kahanduludi tshidi tshibumbakanya kudi Nzambi.

Matayi 19:8

Yeye wakabambila ne, Bualu bua bukole bua mitshima yenu Mose wakitabusha bua nuenu numushe bakashi benu; kadi ku tshibangidilu kakuakadi nunku.

Matayi 5:31

Bakuamba kabidi ne, Biahidia mulume mukashi wandi, ahe mukashi makanda wa kushiha dibaka;

Marke 10:4

Bakamba ne, Mose wakitabusha bualu bua kufunda mukanda wa kushiha dibaka, ne bua kumumusha.