Matayi 19:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Yeye wakandamuna ne, Nuenu kanuakubala ne, Ku tshibangidilu mufuki wakabafuka mulume ne mukashi,

MUKANDA WA MYIDI MUKULU

⁴ Yezu kuandamuna ne: — Kanuena babale tshidi mukanda wa Mvidi Mukulu ulongesha anyi? Badi bafundamu ne: “Ku tshibangidilu, Mufuki wakabenza ewu mulume, ewu mukaji.”

Matayi 19:4 Marejeleo ya Msalaba

Genese 1:27

Nzambi wakafuka muntu ne tshifuanyikishi tshiandi, wakamufuka ne tshifuanyikishi tshia Nzambi, wakabafuka balume ne bakashi.

Genese 2:18

Yehowa Nzambi wakamba ne, Kambimpe bua mulume ashale nkayandi nansha, nemmufukile mukuatshishi bu mudiye.

Genese 2:23

Mulume wakamba ne, Eu udi mufuba wa mifuba yanyi ne musunyi wa misunyi yanyi, nebamuedike ne, Mukashi, bualu bua bakamuangata kudi mulume.

Genese 5:2

wakabafuka mulume ne mukashi, wakabasankisha, wakabidika ne, Adama, mu dituku diakabafukeye.

2 Kulondolola 24:3

Yehoyada wakamubakisha bakashi babidi; yeye wakalela nʼabo bana ba balume ne bana ba bakashi.

Malaki 2:15

Nzambi kakatufuka ne kakatuha muoyo, anyi? Yeye udi ukeba tshinyi? Udi ukeba bana badi banemeka Nzambi. Nunku nudimuke bienu bua umue wenu kalekedi mukashi wa ku bunsongalume buandi.

Matayi 12:3

Kadi yeye wakabambila ne, Kanuakubala bualu buakenza Davidi, hakadiye ne nsala, ne bakuabo bakadi nʼandi, anyi?

Matayi 21:42

Yesu wakabakonka ne, Kanuena banze kubala mu Mukanda wa Nzambi anyi, ne, Dibue diakahidiabo kudi bibaki ba nsubu Bakaditeka ku mutu kua ditumba; Eu mudimu wa Mukelenge, Udi bu bualu bua kukema ku mesu kuetu?

Matayi 21:6

Bayidi bakaya, bakenza bu muakabambila Yesu,

Matayi 22:31

Bualu bua dibika dia bafue ku lufu nuenu kanuakabala dî diakanuambila Nzambi, anyi, ne,

Marke 12:10

Kanuakubala dî dia mu Mukanda wa Nzambi, anyi, ne, Dibue diakahidiabo kudi bibaki ba nsubu Bakaditeka ku mutu kua ditumba;

Marke 12:26

Kadi bualu bua bantu bafue ne bua dibisha diabo ku lufu, kanuakubala mukanda wa Mose mu luseke lua bualu bua Katshi, anyi? Nzambi wakamuambila ne, Ndi bianyi Nzambi wa Abalahama, ne Nzambi wa Isaka, ne Nzambi wa Yakoba.

Marke 2:25

Yeye wakabakonka ne, Nuenu kanuakubala bualu buakenza Davidi, hakadiye utata ne hakadiye ne nsala, yeye ne bakuabo bakadi nʼandi, anyi?

Luke 10:26

Yesu wakamukonka ne, Bakafunda tshinyi mu mikenshi ya Mose? Udi ubala munyi?

Luke 6:3

Yesu wakabakonka ne, Nuenu kanuakubala bualu buakenza Davidi, hakadiye ne nsala, yeye ne bakuabo bakadi nʼandi, anyi?