Matayi 11:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Hakaya bayidi ba Yone, Yesu wakabanga kuambila bisumbu bia bantu bualu bua Yone ne, Nuakuyila mu tshihela bua kutangila tshintu kai? Bua kutangila disele didibo banyungisha kudi luhehele, anyi?

MUKANDA WA MYIDI MUKULU

⁷ Balongi ba Yowanane bamane kumuka, Yezu kukonka bantu bua Yowanane ne: — Mu tshipela nuvua baye kumona tshinyi? Nuvua bamone lushiba ludibu banyungisha kudi lupepele anyi? Nansha kakese!

Matayi 11:7 Marejeleo ya Msalaba

Genese 49:4

Wewe udi bu mai adi asaba ha kalua, atutukila muiku, wewe kuena wikala ne bukokeshi ku mutu kua bantu, bualu bua wewe wakabanda ha bulalu bua tatuʼebe, wakenzahu bualu bubi wakabanda ha bulalu buanyi.

Matayi 11:8

Nuakuyila bua kutangila tshintu kai? Bua kutangila muntu muluate bilulu binefuke, anyi? Badi baluata bilulu binefuke batu bikala mu nsubu ya banfumu.

Matayi 12:20

Yeye kena utshibula disele didi diamba kukoseka, Kena ujima kalulu ka muinda kadi kafuima muinshi Tô ne hatumeye malu andi mimpe bua kuhita malu mabi.

Matayi 21:25

Dibatiza dia Yone diakafuma kudi kunyi? Mu diulu, anyi kudi bantu? Bobo bakelangana meshi munda munda ne, Bituamba ne, Mu diulu, yeye neatuebeshe ne, Bualu kai kanuakamuitabusha?

Matayi 3:5

Bena Yelushalema bakumuka, ne bantu ba mu luseke luonso lua Yudaya, ne ba mu luseke luonso lua hehi ne musula wa Yadene, bakaya kudiye;

Luke 8:18

Dimukai munudi nunvua; bua udi ne bintu nebamuhe binga, kadi udi kai ne tshintu nebamunyenge tshidiye wela meshi ne, Ndi nʼatshi.

Yowanane 1:38

Yesu wakatshinguluka, wakabamona bamulonda, wakabakonka ne, Nudi nukeba tshinyi? Bakamuebesha ne, Labi (kukudimuna kua muaku ne, Muyishi), wewe udi wikala kudi kunyi?

Yowanane 5:35

Yeye wakadi muinda utema ukenka; nuenu nuakitabusha bua kusanka mu dinkenka diandi musangu.

Efeze 4:14

Wakenza nunku bua tuetu katuikadi bu bana kabidi badi batshikishibua eku ne eku ne badi batambakashibua ku luhehele luonso lua diyisha, ku majimbu a bantu, ku budimu budibo balonda mu mashimi abo;

Yakobe 1:6

Kadi alombe biandi ne ditabusha, kai ne mpata; bualu bua udi wela mpata udi ufuana divuala dia mai manene diendeshibua kudi luhehele ne diedibua mulu.