Marke 9:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Petelo wakandamuna Yesu ne, Labi, hatudi kunoko mbimpe, tuenzai bitanda bisatu, tshikuabo ntshiebe, tshinga ntshia Mose, tshikuabo ntshia Eliya.

MUKANDA WA MYIDI MUKULU

⁵ Ke Petro kuambila Yezu ne: — Mulongeshi, bidi bimpe tuikale muaba ewu. Tuase nzubu ya ntenta isatu, umue webe, mukuabu wa Moshe ne munga wa Eliya.

Marke 9:5 Marejeleo ya Msalaba

Misambu 84:10

Bualu bua dituku dimue mu biendedi bia mu tshitendelelu tshiebe didi dihita matuku tshinunu a kukuabo buimpe. Nakadi kusungula bua kuimana ku mbelu kua nsubu wa Nzambi wanyi ku mpala kua kushikama mu ntenta ya malu mabi.

Matayi 17:4

Petelo wakambila Yesu ne, Mukelenge, hatudi kunoko mbimpe; biwasua, nengase bitanda bisatu, tshikuabo ntshiebe, tshinga ntshia Mose, tshikuabo ntshia Eliya.

Matayi 23:7

badi basue bantu babasekelele mu bisalu, badi basue bantu bababikile ne, Labi.

Matayi 23:8

Kadi nuenu kanubikidibu ne, Labi, bualu bua nuenu nudi ne muyishi umue, buonso buenu nudi bana ba muntu umue.

Marke 9:4

Eliya ne Mose bakamueneka kudibo; bakadi bayikila ne Yesu.

Marke 9:6

Yeye kakamanya dî dia kubakudimuna, bualu bua bobo bakadi batshina.

Luke 9:33

Hakadi balume aba bumuka kudiye, Petelo wakambila Yesu ne, Mukelenge, hatudi kunoko mbimpe, tuasai bitanda bisatu, tshikuabo ntshiebe, tshinga ntshia Mose, tshikuabo ntshia Eliya; Petelo kakamanya tshiakadiye wamba.

Yowanane 4:31

Hakadibo benza nunku, bayidi bakamusengelela ne, Labi, diaku.

Filipe 1:23

Kadi adi mujikila hankatshi ha malu â abidi: ndi njinga bua kumuka hanu bua kuikala ne Kilisto; bua bualu ebu budi butamba buimpe;

1 Yone 3:2

Bananga, katataka tudi bana ba Nzambi; kadi kabuena buanze kumanyibua mutuikala. Tudi bamanye ne, Biamueneshibueye, netuikale bafuanangane nʼandi; bualu bua netumumone bu mudiye.