Marke 12:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Yesu wakabanga kubambila malu mu nsumuinu. Muntu wakatentula mionshi ya mamuma a nvinyo mu budimi buandi, wakelela budimi luhangu lua mitshi idi isasa, wakimbamu dinu dia kukamina mamuma, wakasa nsubu wa batentekedi mule, wakabushîa mu bianza bia ba bidime, wakaya biandi ku luseke lukuabo kule.

MUKANDA WA MYIDI MUKULU

¹ Yezu kubanga kubambila malu mu nsumuinu ne: — Kusua muntu mukune mionji ya nwinyo mu budimi. Kubuelaye mu lupangu, kumbulaye tshiina tshia tshikaminu tshia tumuma, kuibakaye kazubu ka batentekedi.” Pashishe kushilaye bafutshidi budimi abu, kuyaye ku luendu.

Marke 12:1 Marejeleo ya Msalaba

Yeshaya 7:23

Mu dituku adi, mu muaba wonso muakadi mionshi ya tumuma tua nvinyo tshinunu, yakadi mushinga wa bituha bia argent tshinunu, nemuikale buloba budi bumenesha anu meba ne mingonge.

Yirmeya 2:21

Kadi nakakutentula bu muonshi mutambe buimpe, bu muonshi wakadi anu ne maminu makane; wakandamuka kundi bu matamba munyanguke a muonshi wa bende munyi?

Yezekiyele 20:49

Hashishe nakamba ne, Aka, Mukelenge Yehowa! Badi bamba bualu buanyi ne, Yeye kena muedi wa nsumuinu, anyi?

Matayi 13:3

Yeye wakabambila malu a bungi mu nsumuinu ne, Mumiaminyi wakaya bua kumiamina maminu;

Matayi 21:28

Nudi nuamba tshinyi? Muntu wakadi ne bana balume balela babidi; wakalua kudi wa kumudilu, wakamba ne, Muanʼanyi, ya biebe lelu wenze mudimu mu budimi bua mamuma a nvinyo.

Matayi 21:33

Unvuai lusumuinu lukuabo: Muena budimi wakadiku, wakatentula mionshi ya mamuma a nvinyo mu budimi buandi, wakelela budimi luhangu lua mitshi idi isasa, wakimbamu dina dia kukamina mamuma, wakasa nsubu wa batentekedi mule, wakabushia mu bianza bia ba bidime, wakaya biandi ku luseke lukuabo kule.

Matayi 21:34

Hakalua tshidimu tshia mamuma ha buihi, yeye wakatuma bantu bandi kudi ba bidime bua kuangata mamuma andi.

Matayi 25:14

Bukelenge bua mu diulu budi bu muntu wakamba kuya ku luseke lukuabo, wakabikila bantu bandi, wakafila bintu biandi mu bianza biabo.

Marke 11:33

Bakandamuna Yesu ne, Katuena bamanye. Yesu wakabambila ne, Meme kabidi tshiena nuambila bua bukokeshi bundi ngenza nʼabu malu â.

Marke 13:34

Bualu ebu budi bu muntu wakaya ku luendu ku luseke lukuabo; wakashîa nsubu wandi, wakabanyina bantu bandi bukokeshi, muntu mudimu wandi muntu mudimu wandi, wakambila kabidi mulami wa ku tshibi ne, Udimuke.

Marke 3:23

Yeye wakababikila, wakabelela nsumuinu ne, Satana udi mumanye mua kumusha Satana munyi?

Marke 4:2

Yeye wakabayisha malu a bungi mu nsumuinu, wakabambila mu diyisha diandi ne,

Luke 15:13

Hakahita matuku makese, muana muakunyi wakasangisha bintu biandi bionso, wakaya mu luendu kule ku luseke lukuabo; wakatangadishaku bintu biandi bionso ku malu mabi akenzenzeye.

Luke 19:12

Wakamba ne, Muntu munene wakadiku, wakaya ku luseke lukuabo kule bua kuangata bukelenge buandi, ne bua kuhingana kabidi.

Luke 22:9

Bakamukonka ne, Udi musue tuetu tulongoluela kudi kunyi?

Luke 8:10

Yeye wakamba ne, Bakunuha bienu lungenyi lua kumanya malu a bukelenge bua Nzambi adi masokoka; kadi badi bambila bakuabo malu anu mu nsumuinu; nunku hamonabo, kabena bamona bimpe; hunvuabo, kabena bajingulula.

Bienzedi 7:38

Yeye nguakadi mu ekelesia wa mu tshihela ne muanjelo wakadi wakula nʼandi ku mukuna wa Sinai, wakadi kabidi ne bankambua betu; yeye wakangata mei a muoyo a kutuha bietu;