Malaki 2:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Bua malu â nennuvuishe bantu bahetudibue ne bahuekeshibue ku mpala kua bantu bonso, bualu bua kanuena nulama mei anyi, kadi nudi nulesha bantu kansungusungu mu diyisha dia mikenji.

MUKANDA WA MYIDI MUKULU

⁹ Nanku, meme nensake bena Izrayele bonsu bua banupepeje, banufuishe bundu, bualu kanuena nuenza mundi musue. Nudi nuenzela bantu malu ne kansungansunga.”

Malaki 2:9 Marejeleo ya Msalaba

1 Samuele 2:30

Nunku Yehowa, Nzambi wa Isalele, udi wamba ne, Nakadianjila kuamba ne, Ba mu nsubu webe ne ba mu nsubu wa tatu webe nebende ku mesu kuanyi tshiendelele; kadi katataka Yehowa udi wamba ne, Bualu ebu bumuke kundi, bualu bua badi bantumbisha nembatumbishe, ne badi bampetula, nembalengulule.

Dielulula 1:17

Kanuikadi ne kansungusungu hanualumbulula bilumbu; nunvue dî dia muntu mukese ne dia muntu munene muomumue; kanutshinyi mpala wa muntu; bualu bua kulumbulula kua bilumbu kudi kua Nzambi: tshilumbu tshidi tshihita bukole, nulue nʼatshi kundi, meme nentshiunvue.

Ngalate 2:6

Kadi bantu aba bakadi ne butumbi munkatshi muabo (ne bakadi banganyi diambedi kembualu kundi; Nzambi kena ubala mpala wa muntu) ndi ngamba ne, Bantu aba bakadi ne butumbi kabakanyisha bualu.

Luke 11:42

Kadi nuenu Bafalese, mulau ulualua kunudi, bualu bua nuenu nutu nuafila tshia dikumi tshia luenyi ne tshia tshikote ne tshia midioko yonso, kadi nudi nuhetula dilumbulula dijalame ne luse bia Nzambi; biakadi bimpe bia nuenu kuenza malu â a itu nyima, kambimpe nuhidie kuenza malu au a ku mpala kabidi.

Luke 10:29

Kadi yeye wakasua kudibingisha, wakakonka Yesu ne, Mukuetu nganyi?

Malaki 2:8

Kadi Yehowa wa misumba udi wamba ne, Nuenu nuakusesuka mu nshila; nuakulenduisha ba bungi ku diyisha dienu; nuakunyanga dihungila dia Bena Lewi.

Yezekiyele 13:21

Nempande bitambala bienu, nensungile bantu banyi mu bianza bienu, bua kabashadi mu bianza bienu kabidi bua nuenu kukeba mioyo yabo; nunku nenumanye ne, Ndi Yehowa.

1 Bakalenga 22:28

Mikaya wakamuambila ne, Biwahingana talalâ, bulelela, Yehowa kena mungambile bualu. Yeye wakamba ne, Nuenu bantu bonso, unvuai.

Malaki 2:3

Monai, nentekeshe maboko enu, nendabe tunvi ha mpala henu, tunvi tua nyama mifila bu milambu mu bidia bienu bia disanka; nebaye nʼenu ku muaba udibo batuimasha.

Nsumuinu 10:7

Tshivulukidi tshia muntu muakane tshidi tshivudisha disanka, kadi dina dia bantu babi nedibole.

Yezekiyele 7:26

Kubutuka nekulonde ha nyima ha kubutuka kukuabo, ne lumu nelulonde ha nyima ha lumu lukuabo; nebakebe tshikena kumona kudi muprofete, kadi diyisha dia mikenji kudi muakuidi nedishike, ne bakulu kabena bikala ne bukole bua kulesha bakuabo meji.

Mika 3:11

Badi ha mutu ha musoko budi balumbulula bilumbu anu bua mbueshilu, bakuidi badi bayisha anu bua difutu, ne baprofete badi bajingulula bantu malu anu bua kuheta argent. Kadi badi beyemena Yehowa, ne badi bamba ne, Yehowa kena munkatshi muetu, anyi? Bualu bubi kabuena mua kutukuata.

Nahume 3:6

Nenkuele bintu bia bukoya hamʼbidi hebe, nenkufuishe bundu, nenkuvuishe tshintu tshidi bantu batangila ne dihetu.

Yobe 32:21

Ndi nnusengelela ne, Meme tshikadi ne kansungusungu kudi muntu yonso nansha; tshitumbishi muntu ne mei a lubombo.

Nsumuinu 12:8

Badi banyisha muntu muakane bu mudi meji andi, kadi badi bahetula muntu udi ne mutshima wa tshishiku.