Lewitiki 9:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ kadi yeye wakosha dianyi ne tumuma ne lukutu lua mutshima bia mulambu wa kubuikila nʼau bubi ha tshioshelu, bu muakambila Yehowa Mose.

MUKANDA WA MYIDI MUKULU

¹⁰ Kuoshilaye Maweja-Nangila mafuta onsu, ne tuonyi tubidi, ne lutandatanda lua ku mutshima, bu muvua Maweja-Nangila muambile Moshe.

Lewitiki 9:10 Marejeleo ya Msalaba

Misambu 51:17

Milambu idi Nzambi mua kuitabusha idi mutshima wa majia. Wewe Nzambi, kuena uhetula mutshima wa majia ne udi unyingalala bua bubi buau.

Ekesode 29:13

Angata dianyi dionso didi ku mala ne lukutu lua ku mutshima ne tumuma tubidi ne, dianyi diabi, ubioshile ha tshioshelu.

Nsumuinu 23:26

Muanʼanyi, Umpe mutshima webe, mesu ebe atangile nshila yanyi.

Yeshaya 53:10

Kadi Yehowa wakasua kumukuma, yeye wakamusamisha. Halueye kufila muoyo wandi bu mulambu wa kubuikila nʼau mibi, yeye neatangile tunkanunuma tuandi, nealeheshe matuku a muoyo wandi, ne muanda udi Yehowa musungule bua kuwenza newikale ne diakalengele mu tshianza tshiandi.

Yeshaya 57:15

Bualu bua Wa mu Diulu ne udi Mubandishibue mulu udi mushikame mujadikibue mu nkuasa wandi wa butumbi tshiendelele, udi dina diandi ne, Wa Tshijila, udi wamba ne, Ndi mushikame mu muaba udi mulu ne udi wa tshijila, ndi mushikame kabidi ne muntu udi ne mutshima munyingalale ne mudihuekeshe, bua kusangasha nyuma wa udi mudihuekeshe ne bua kusangasha mutshima wa muntu udi unyingalala bua bubi.

Yeshaya 66:2

Yehowa udi wamba ne, Bua tshianza tshianyi tshiakufuka bintu ebi bionso, ne bintu ebi bionso biakulua bianyi. Kadi eu mmuntu undi ntekemena, nyeye udi ne mutshima muhuekele ne wa majia, udi uzakala ku dî dianyi.

Lewitiki 9:11

Wakosha munyinyi ne tshiseba ku butshika bua tshitudilu.

Lewitiki 9:9

Bana balume ba Alona bakamulesha mashi, yeye wakatua munu wandi mu mashi, wakâlaba ku nsengu ya ku tshioshelu, wakalongolola mashi ku tshitaku tshia tshioshelu,