Lewitiki 7:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Bana balume bonso ba bakuidi nebaudie mu muaba wa tshijila, etshi ntshintu tshitambe tshijila.

MUKANDA WA MYIDI MUKULU

⁶ Nanku anu bantu balume ba mu meku a batuangaji ke badi mua kudia munyinyi wa mulambu awu. Kadi baudile muaba wa tshijila, bualu udi wa tshijila menemene.

Lewitiki 7:6 Marejeleo ya Msalaba

Yezekiyele 42:13

Yeye wakangambila ne, Nsubu ya ku luseke lua node ne nsubu ya ku luseke lua sude idi mitangile ku muaba wa coudées makumi abidi idi nsubu ya tshijila, idi miaba idi bakuidi badi basemena ha buihi ne Yehowa ne bua kudila bintu bihite tshijila, idibo ne bua kutekamu bintu bihite tshijila, milambu ya bia kudia, milambu ya kubuikila nʼai mibi ne milambu ya disambuka dia mikenji; bualu bua muaba eu udi wa tshijila.

Lewitiki 2:3

ne tshituha tshia bukula tshidi tshishale netshikale tshia Alona ne bana bandi balume ntshintu tshidi tshitambe tshia tshijila tshia mulambu wa kuoshila Yehowa ha kahia.

Lewitiki 21:22

Yeye udi mua kudia bidia bia Nzambi wandi ne bidia bidi bitambe tshijila ne bia tshijila,

Lewitiki 6:11

Neavule bilulu ebi, nealuate bilulu bikuabo, neatuale butue ku butshika bua tshitudilu ku muaba mutoke.

Lewitiki 6:29

Bana balume bonso ba bakuidi nebaudie, etshi ntshintu tshitambe tshijila.

Lewitiki 7:5

neabioshe ha tshioshelu bu mulambu wa kuoshila Yehowa ha kahia eu udi mulambu wa disambuka dia mikenji.

Agayi 2:12

Biatuala muntu munyinyi wa tshijila mu luzemba lua tshivualu tshiandi, bialenga luzemba luandi mampa, anyi bialengalu bintu bia mu tshifuadi, anyi nvinyo, anyi manyi, anyi tshia kudia tshia mushindu wonso, bintu ebi nebikale bia tshijila, anyi? Bakuidi bakamukudimuna ne, Nansha.

1 Korente 10:18

Tangilai badi Bena Isalele mu buntu buabo; bantu badi badia milambu ya ha tshioshelu kabena ne buobumue ne tshioshelu, anyi?

1 Korente 9:13

Kanuena bamanye ne badi benza mudimu ne bintu bia tshijila, badi badia bintu bia mu ntempelo; ne badi bakuata mudimu wa tshioshelu badi bangata tshituha tshiabo ku tshioshelu, anyi?