Lewitiki 4:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ muakuidi neafue munu wandi mu mashi, neamiamine mashi misangu muanda mutekete ku mpala kua tshilulu tshikudika tshidi hankatshi ha nsubu wa tshitendelelu ku mesu kua Yehowa.

MUKANDA WA MYIDI MUKULU

⁶ Atue munu mu mashi awu, amiamine mashi misangu muanda mutekete ku luseke ludi lumueneka lua tshilamba tshidi tshilembeleja muaba wa tshijila udi Maweja-Nangila.

Lewitiki 4:6 Marejeleo ya Msalaba

Ekesode 40:21

Wakalua ne mushete mu nsubu wa tshitendelelu, wakakudika tshilulu, wakajibikila mushete bu muakambila Yehowa Mose.

Ekesode 40:26

Wakateka tshioshelu tshia or mu nsubu wa tshitendelelu ku mpala kua tshilulu,

Lewitiki 14:16

neafue munu wandi wa ku tshianza tshia balume mu manyi adi mu tshianza tshiandi tshia bakashi, neamiamine manyi ne munu wandi misangu muanda mutekete ku mpala kua Yehowa.

Lewitiki 14:18

manyi adi ashala mu tshianza tshia muakuidi, nêle ha mutu ha muntu udiye musue kulengesha, muakuidi neafile mulambu wa kubuikila nʼau bubi buandi ku mpala kua Yehowa.

Lewitiki 14:27

muakuidi neamiamine ne munu wandi wa ku tshianza tshia balume manyi adi mu tshianza tshiandi tshia bakashi misangu muanda mutekete ku mpala kua Yehowa,

Lewitiki 14:7

yeye neamiamine mashi hamʼbidi ha muena nsudi udiye musue kulengesha misangu muanda mutekete, neambile bantu ne, Muntu eu udi muakane, nealekele nyunyu utshidi ne muoyo mu tshisuku.

Lewitiki 16:14

Neangate mashi a muana mulume wa ngombe, neamiamine mashi ne munu wandi ku tshibuikilu tshia mushete ku luseke lua ku esete, neamiamine mashi ku mpala kua tshibuikilu tshia mushete ne munu wandi kabidi misangu muanda mutekete.

Lewitiki 16:19

Neamiamine mashi ne munu wandi ha mutu hatshi misangu muanda mutekete, neatshilengeshe, neatshijidile bua bubi bua Bena Isalele.

Lewitiki 25:8

Wewe neubale bidimu bia kubanda kua buloba muanda mutekete, bidimu muanda mutekete misangu muanda mutekete, neubale nunku bidimu muanda mutekete bia kubanda kua buloba misangu muanda mutekete tô ne ku bidimu makumi anai ne tshitema.

Lewitiki 26:18

Binuahidia kunvua di dianyi meme mumane kunuenzela malu au onso, nennukengeshe bikole misangu muanda mutekete bualu bua mibi yenu.

Lewitiki 26:24

meme nennuhidie kabidi, nennukume misangu muanda mutekete bualu bua mibi yenu.

Lewitiki 26:28

meme nennuhidie kabidi, nengikale nʼenu tshiji nennukengeshe misangu muanda mutekete bualu bua mibi yenu.

Lewitiki 4:17

muakuidi nealue munu wandi mu mashi, neamiamine misangu muanda mutekete ku mpala kua tshilulu tshikudika ku mesu kua Yehowa.

Lewitiki 4:25

Muakuidi nealue munu wandi mu mashi makuabo a mulambu, nealabe ku nsengu ya ku tshioshelu tshia kahia, neahongolole mashi makuabo ku tshitaku tshia tshioshelu tshia kahia.

Lewitiki 4:30

Muakuidi neafue munu wandi mu mashi makuabo, nealabe ku nsengu ya ku tshioshelu tshia kahia, neahongolole mashi makuabo ku tshiaku tshia tshioshelu.

Lewitiki 4:34

Muakuidi neafue munu wandi mu mashi makuabo, neâlabe ku nsengu ya ku tshioshelu tshia kahia, neahongolole mashi onso makuabo ku tshitaku tshia tshioshelu.

Lewitiki 8:11

Wakantumina manyi ku tshioshelu misangu muanda mutekete ne ku malonga atshi onso ne ku tshiowelu ne ku tshitaku tshiatshi bua kubijidila.

Lewitiki 8:15

Mose wakamushiha, wakangata mashi, wakitaba ku nsengu ya ku tshioshelu ne munu wandi, wakajidila tshioshelu, wakela mashi ku tshitaku tshia tshioshelu bua kutshijidila, bua kubuikila bubi bua bantu.

Lewitiki 9:9

Bana balume ba Alona bakamulesha mashi, yeye wakatua munu wandi mu mashi, wakâlaba ku nsengu ya ku tshioshelu, wakalongolola mashi ku tshitaku tshia tshioshelu,

Dibadika 19:4

ne Eleazâ muakuidi neangate mashi andi ku munu wandi, neamiamine mashi ku luseke lua tshibuelelu tshia ntenta wa kusambakena misangu muanda mutekete.

Yoshua 6:4

Bakuidi muanda mutekete nebaye ne mpungi muanda mutekete ya nsengu ya bimpanga ku mpala kua mushete wa tshihungidi; dituku dia muanda mutekete nenunyunguluke musoko misangu muanda mutekete, ne bakuidi nebele mpungi.

Yoshua 6:8

Hakambila Yoshua bantu nunku, bakuidi muanda mutekete bakadi baya ne mpungi muanda mutekete ya nsengu ya bimpanga ku mpala kua Yehowa, bakahita, bakela mpungi; mushete wa tshihungidi tshia mei a Yehowa wakabanda ku nyima.