Lewitiki 4:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Yeye neatuale muana mulume wa ngombe ku butshika bua tshitudilu, neamuoshe ha kahia bu muakenzeye ne muana mulume wa ngombe wa kumudilu eu udi mulambu wa kubuikila nʼau bubi bua bantu bonso.

MUKANDA WA MYIDI MUKULU

²¹ Pashishe bintu bionsu bidi bishale, mutuangaji umuke nabi mu mitanda, aye kubiosha bu mudibu bosha bintu bidi bishale bia ngombe mulume, padibu bakobolola mutuangaji munene. Mulambu ewu mbua kukobolola nawu bena Izrayele, bua Mvidi Mukulu abafuile luse.

Lewitiki 4:21 Marejeleo ya Msalaba

Ezela 8:35

Bantu bakumuka mu buhika bakafila milambu ya kuosha kudi Nzambi wa Isalele, balume ba ngombe dikumi ne babidi bua Bena Isalele bonso, ne bimpanga makumi tshitema ne bisambombo ne bana ba mikoko makumi muanda mutekete ne muanda mutekete, ne mpumbu ya mbushi dikumi ne ibidi bu milambu ya kubuikila nʼai mibi yabo: bionso ebi biakadi milambu ya kuoshela Yehowa.

Ekesode 29:14

Kadi wewe newoshe munyinyi wa muana mulume wa ngombe, ne tshiseba ne tunvi ne kahia ku butshika bua tshitudilu ebu mbualu bua kubuikidila bubi bua bantu.

Yezekiyele 45:22

Mu dituku adi mukokeshi alongolole bua bualu buandi ne bua bantu bonso ba mu buloba mulumʼa ngombe bu mulambu wa kujimisha nʼau bubi.

Lewitiki 16:15

Nunku yeye neashihe mbushi wa mulambu wa kubuikila nʼau bubi bua bantu, nealue ne mashi andi ku nyima kua tshilulu tshikudika, nênze bu muakenzeye ne mashi a muana mulume wa ngombe, neamiamine mashi ku tshibuikilu tshia mushete wa Nzambi ne ku mpala kua tshi kabidi.

Lewitiki 16:21

Alona neatentekashe bianza biandi bibidi ha mutu ha mbushi udi ne muoyo, neatondele Bena Isalele mabi yabo ne disambuka diabo dionso dia mikenji ne malu mabi abo onso, neatentekashe malu mabi onso ha mutu ha mbushi, nebamuihate mu tshihela ku tshianza tshia muntu wakasunguleye diambedi,

Lewitiki 16:27

Muana mulume wa ngombe wa mulambu wa kubuikila nʼau bubi ne mbushi wa mulambu wa kubuikila nʼau bubi miena mashi akaluabo nʼau bua ku buikila bubi mu muaba wa tshijila nebaye nʼai ku butshika bua tshibi dilu, neboshe biseba biai ne munyinyi wai ne tuma tuai mu kahia.

Lewitiki 4:13

Bienza Bena Isalele bonso bualu bubi, ne bikala bualu ebu busokome ku mesu kuabo, bienzabo bualu budi Yehowa uhidia ne biahilabo,

Lewitiki 4:20

Yeye nênze nunku ne muana mulume wa ngombe, bu muakenzeye ne muana mulume wa ngombe wa mulambu wa kubuikila nʼau bubi bua bantu, muakuidi neafile mulambu wa kubuikila nʼau bubi buabo nunku, ne bubi buabo nebuikale bubuikidibue.

Lewitiki 6:11

Neavule bilulu ebi, nealuate bilulu bikuabo, neatuale butue ku butshika bua tshitudilu ku muaba mutoke.

Lewitiki 6:23

Mulambu wonso udi muakuidi ufila nebawoshe ne kahia, kabadi mulambu eu.

Lewitiki 8:17

Kadi ngombe ne tshiseba tshiandi ne munyinyi wandi ne tunvi tuandi yeye wakabioshila ku butshika bua tshitudilu, bu muakambila Yehowa Mose.

Dibadika 15:24

bikala bualu buenjibue ku mpukahuka, bantu ba tshisumbu kabayi babumanye, bantu bonso nebafile muana mulume wa ngombe bu mulambu wa kuosha ha kahia bua kutuisha dihembu dimpe kudi Yehowa, ne mulambu wandi wa bukula ne mulambu wandi wa bintu bidibo banua, ne muana mulume wa mbushi bu mulambu wa kubuikila nʼau bubi, bu mudi mukenji wamba.

Matayi 20:28

nunku kabidi Muana wa muntu kakuluila bua bantu bamukuatshile mudimu, wakuluila bua kubakuatshila mudimu ne bua kufila muoyo wandi bua kuhikula nʼau bantu ba bungi.

2 Korente 5:21

Yeye nguakadi kai mumanye bubi, Nzambi wakamuvuisha bubi bua bualu buetu; bua tuetu tuikale buakane bua Nzambi munda muandi.

Ebrewu 13:11

Bualu bua mibidi ya nyama, miena mashi adi muakuidi mimene ulua nʼau mu muaba wa tshijila bu mulambu wa kubuikidila nʼau mibi ya bantu idi yoshibua ku butshika kua tshitudilu.