Lewitiki 3:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Muakuidi neabioshe ha tshioshelu etshi ntshintu tshia kudia tshidibo bafila bu mulambu wa kuoshila Yehowa ha kahia.

MUKANDA WA MYIDI MUKULU

¹¹ Mutuangaji oshe bintu bionsu abi pa tshilambuilu, bualu mmulambu udibu boshila Maweja-Nangila.

Lewitiki 3:11 Marejeleo ya Msalaba

Misambu 22:14

Ndi muhongoloke bu mai, mifuba yanyi yonso idi mihauke mu manungu ai; mutshima wanyi udi bu dihula, wakufingatuka munda muanyi.

Yezekiyele 44:7

bualu bua nuakulua ne bantu ba mu bisamba bia bende mu tshitendelelu tshianyi, badi kabayi batengula mu mutshima ne kabayi batengula mu mubidi, bua kunyengabo nsubu wanyi, hanuafila bia kudia bianyi, manyi ne mashi mene! Nuakushiha tshihungidi tshianyi, hanuakutentekasha bubi ebu ha mutu ha malu mabi enu onso a tshinyangu.

Lewitiki 21:17

Wambile Alona ne, Muntu yonso wa munkatshi mua bana bebe tô mu bikondo biabo bionso udi ne tshilema kena mua kulua ha buihi bua kufileye milambu kudi Nzambi wandi.

Lewitiki 21:6

Bobo nebikale ba tshijila kudi Nzambi wabo, kabanyangishi dina dia Nzambi wabo, bualu bua bobo badi bafila milambu ya kuoshila Yehowa ha kahia nunku bobo nebikale ba tshijila.

Lewitiki 21:8

Nunku wewe neumujidile bualu bua yeye udi ufila milambu kudi Nzambi webe, bualu bua meme Yehowa wakamuidika, ndi wa tshijila.

Lewitiki 22:25

Kanuitabushi mulambu ei ku bianza bia benyi bua kuyifila kudi Nzambi wenu, mulambu ei idi ne bilema, tshiena nyitabusha bualu bua idi munyanguke.

Lewitiki 3:16

Muakuidi neabioshe ha tshioshelu etshi ntshintu tshia kudia tshidibo bafila bu mulambu wa kuoshila Yehowa ha kahia, bu tshintu tshidi tshitua dihembu, dianyi dionso ndia Yehowa.

Lewitiki 3:5

Bana balume ba Alona nebabioshile ha tshioshelu, ha nkunyi idi mu kahia tshintu etshi ntshintu tshia mulambu wa kuosha ha kahia, bu tshintu tshidi tshitua dihembu kudi Yehowa.

Malaki 1:12

Kadi nuenu nudi nunyanga dina dianyi, hanuamba ne, Mesa a Yehowa adi mabiha, ne bia kudia biandi, milambu ya ha mesa, mbintu bia kulengulula.

Malaki 1:7

Nudi nufila bia kudia binyanguka ha tshioshelu tshianyi. Nudi nunkonka ne, Tuakubinyanga kudi kunyi? Nudi nubinyanga hanuamba ne, Mesa a Yehowa adi tshintu tshia kulengulula.

Dibadika 28:2

Wambile Bena Isalele ne, Nulue ne milambu, ne bintu binudi nuosha ha kahia, bidi bitua dihembu kundi, mu matuku anakasungula.

Dibadika 28:24

Nenufile milambu ya buatshia-buatshia nunku, milambu ya kuosha ha kahia tô matuku muanda mutekete, idi itua dihembu kudi Yehowa, nenufile milambu ei ku mutu kua milambu mudi nuosha buatshia-buatshia ne milambu ya bintu bidibo banua.

Rome 8:32

Yeye kakimina Muana wandi mene, kadi wakamufila bua buonso buetu, munyi muahidieye kutuha nʼandi kabidi bintu bionso hatuhu?

1 Korente 10:21

Kanuena mua kunua luhanza lua Mukelenge ne luhanza lua bademon hohamue; kanuena mua kudisanga ku mesa a Mukelenge ne ku mesa a bademon hohamue.

Didimanyisha 3:20

Tangila, ndi mudimanyike ku tshibi, ndi nkokelaku. Biunvua muntu dî dianyi, ne udi ungunzuluila tshibi, nembuele kudiye, nendie nʼandi bidia, ne yeye neadie nʼanyi.