Lewitiki 26:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ nennuhe nvula mu tshidimu tshia nvula, ne buloba nebukuame bintu bia bungi, ne mitshi ya mu madimi neyikuame mamuma a bungi.

MUKANDA WA MYIDI MUKULU

⁴ nendokeshe mvula pa diba diende, bua nupete biakudia bia bungi mu madimi enu, kabidi bua mitshi ikuame bimuma.

Lewitiki 26:4 Marejeleo ya Msalaba

1 Bakalenga 17:1

Eliya, Muena Tishebe, wakadi usomba mu Gilada, wakambila Ahaba ne, Bu mudi Yehowa, Nzambi wa Isalele, ne muoyo, undi ngimana ku mpala kuandi, nansha mume nansha nvula kabiena bimueneka bidimu ebi anu ku dî dianyi.

Yobe 5:10

udi Ulokesha nvula ha buloba, udi utuma mai mu madimi;

Misambu 104:13

Udi utuma mai ha mikuna mafume ku nsubu wandi wa mulu. Buloba budi bûle tente ne mamuma a ku mudimu webe.

Misambu 67:6

Buloba buakukuamisha bintu biabu bivule; Nzambi, Nzambi wetu mene, neatuvudishile disanka.

Misambu 67:7

Nzambi neatuvudishile disanka, ne bonso ba kunfudilu kua buloba nebamutshine!

Misambu 68:9

Wewe, Nzambi, wakalokesha nvula ya bungi; wakakankamasha ba mu buhianyi buebe hakambabo kuhungila.

Misambu 85:12

Bulelela, Yehowa neatuheshe masanka adi mimpe, buloba buetu nebukuame bintu biabu bikumbane.

Misambu 85:13

Buakane nebuende ku mpala kuandi, nebuvuishe biendedi biandi nshila wa kuendelamu.

Yeshaya 30:23

Yeye neakutumine nvula bua maminu ebe audi ukuna mu buloba, ne bidia bia ku matete adi buloba budiundisha nebikale ne manyi, nebikale bia bungi. Mu dituku adi bimuna biebe nebidie mashinde mu madimi manene.

Yeshaya 5:6

Nenkubutule, ne kabena balengesha matamba a mionshi yabu kabidi, kabena babulula; kadi meba ne mingonge nehimenemu; nengele matutu mukenji bua kalokeshi nvula hamʼbidi habu.

Yirmeya 14:22

Mukuabo udiku wa munkatshi mua nzambi ya hatuhu ya bantu ba bende udi mua kulokesha nvula, anyi? Diulu dine didi mua kulokesha nvula nkayadi, anyi? Kenguewe, Yehowa Nzambi wetu, udi mua kuenza nunku, anyi? Nunku netukuindile, bualu bua wewe wakuenza malu â onso.

Yezekiyele 36:30

Nenkumbashe mamuma ku mitshi ne bia kudia mu madimi, bua kabanuhendi kabidi kudi ba munkatshi mua bisamba bia bantu bualu bua tshiole.

Yowele 2:22

Nyama ya mu mpata, kanu tshinyi; bualu bua mashinde a mu mpata adi asasa kabidi, mutshi udi ukuama mamuma au, mutshi wa nfigi ne muonshi wa tumuma tua nvinyo bidi bikuama mamuma abi.

Lewitiki 25:19

Buloba nebukuame bintu bia bungi, nuenu nenukute mafu tente, nenushikame bienu talala.

Lewitiki 25:21

nennuvudishile disanka dianyi tshidimu tshisambombo, ne buloba nebukuame bintu bia bidimu bisatu.

Zekâya 8:12

Nebakune maminu ne ditalala, nebahete diakalengele; muonshi wa tumuma neukuame tumuma tuau, buloba nebulue ne bintu bia kudia biabu, diulu nedilokeshe dibungi, nengenzeshe difuka edi dia bantu aba bua kuhianabo bintu ebi bionso.

Matayi 5:45

nunku nenuikale bana ba Tatu wenu udi mu diulu; bualu bua yeye utu wabandishila bantu babi ne bantu bimpe diba, yeye kabidi utu watumina bantu bakane ne bantu babi nvula.

Bienzedi 14:17

Kadi yeye kakashala kai ne ntemu; wakanuenzela bimpe, wakanuha nvula ne bidimu bia kuvudisha bia kudia bifume mu diulu, wakûsha mitshima yenu tente ne bidia ne disanka.

Dielulula 11:13

Binuateleja matshu bimpe ku mikenji inakunuambila lelu, bua kusua Yehowa, Nzambi wenu, ne kungenzela mudimu ne mitshima yenu yonso ne muoyo wenu wonso,

Dielulula 11:14

hashishe nentume nvula ha buloba buenu mu tshidimu tshia nvula, ne nvula ya mbedi ne nvula ya ku nyima; nenumanye mua kuhuola manvua enu ne kukama nvinyo mihia-mihia ne manyi enu.

Dielulula 28:12

Yehowa neanunzuluile masanka adiye nʼau mu diulu bua kunulokeshila nvula ha buloba mu tshikondo tshia nvula, ne bua kunuvudishila disanka mu malu anudi nuenza ne bianza bienu; nuenu nenusombeshe bisamba bia bungi bintu, kadi nuenu kanuena nusomba bintu kudibo.

Yakobe 5:7

Nunku, bana betu, nuikale ne lutulu tô ne halua Mukelenge. Monai tshidime udi windila mamuma a mushinga mukole a ha buloba, muikale ne lutulu bua bualu buau tô ne halokelau nvula ya diambedi ne yalua ku nyima.

Didimanyisha 11:6

Bobo badi ne bukole bua kuinshila diulu, bua nvula kailoki mu matuku a mayisha abo a baprofete, ne badi ne bukole ha mutu ha mai bua kuândamuna mashi ne bua kukuma buloba ne bihuhu misangu yonso yasuabo.