Lewitiki 23:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Nukuate mudimu matuku asambombo kadi dituku dia muanda mutekete ndituku dia lumingu dia kuikisha, dituku dia disangisha dia tshijila, kanuenji mudimu, edi ndituku dia lumingu dia Yehowa mu nsubu yenu yonso.

MUKANDA WA MYIDI MUKULU

³ “Nuenze mudimu matuku asambombu, kadi dituku dia muanda mutekete dikale dituku dia Dikisha, dia tshijila. Nuikishe, nudisangishe bua kuntumbisha meme Maweja-Nangila, miaba yonsu inudi basombe. Kanuena ne bua kukuata mudimu dituku adi to.

Lewitiki 23:3 Marejeleo ya Msalaba

Ekesode 16:23

Yeye wakabambila ne, Edi ndî diakuamba Yehowa ne, Makelela udi dituku dia kuikisha dia tshijila, dituku diakadijidila Yehowa nulambe bidia ne munyinyi binudi basue, ne bintu bionso bidi bishala, nubitekele bua kudia makelela.

Ekesode 16:29

Monai, Yehowa wakunuha dituku dijidila, nunku yeye wakunuha bidia bia matuku abidi ku dituku disambombo, muntu ne muntu ashale mu muaba wandi, kaluhuki mu muaba wandi dituku dia muanda mutekete.

Ekesode 16:30

Nunku bantu bakikisha dituku dia muanda mutekete.

Ekesode 23:12

Nuenze mudimu wenu matuku asambombo kadi nuikishe mu dituku dia muanda mutekete, bua ngombe webe ne mpunda webe bikishe ne muana wa balume wa muhika webe mukashi, ne muenyi basangale.

Ekesode 34:21

Nuenze mudimu wenu matuku asambombo, kadi nuikishe dituku dia muanda mutekete: nuikishe mu tshidimu tshia kukuna bintu ne mu tshidimu tshia kuhuola bintu.

Yeshaya 56:2

Udi muvudishibue disanka mmuntu udi wenza muanda eu, muana wa muntu udi ûlamata bikole, udi ulamata dituku dia Lumingu bua kadinyangi, udi ukanda tshianza tshiandi bua katshienji bualu bubi.

Yeshaya 56:6

Bantu ba bende kabidi badi balamata kudi Yehowa bua kumukuatshila mudimu, bua kunanga dina dia Yehowa, ne bua kuikalabo bantu bandi, muntu yonso udi ujidila dituku dia Lumingu bua kadinyangi, udi ulamata tshihungidi tshianyi bikole—

Yeshaya 58:13

Biwalukisha dikasa diebe bua kadinyangi dituku dia Lumingu, bua wewe kuenji malu adi mutshima webe musue kuenza mu dituku dianyi dia tshijila; biwabikila dituku dia Lumingu ne, Dituku dia disanka, ne dituku dia tshijila dia Yehowa ne, Dituku dia butumbi; biwatumbisha dituku edi, kuyi ulonda nshila yebe, kuyi ukeba malu adi mutshima webe musue, kuyi wamba mei a hatuhu;

Lewitiki 19:3

Muntu yonso atshine tatuʼandi ne mamuʼandi, nuvuluke matuku a lumingu ndi Yehowa, Nzambi wenu.

Luke 13:14

Mukelenge wa nsunagoga wakadi ne tshishi bualu bua Yesu wakondaha muntu dituku dia Lumingu, wakambila bantu ne, Matuku asambombo adiku adibo ne bua kukuata mudimu wabo; mu matuku au nulue bua kuondahibua, kanulu dituku dia Lumingu.

Luke 23:56

Bakahingana, bakalongolola bintu bia muhuya muimpe ne manyi a mananashi. Dituku dia Lumingu lua Bayuda bakikisha bu mudi mukenshi wa Nzambi.

Bienzedi 15:21

Bualu bua Mose kale tô ne katataka udi ne bambi ba malu andi mu nsunagoga ya misoko yonso, badi babala mei andi nunku ku Lumingu ku Lumingu.

Didimanyisha 1:10

Nakadi mu Nyuma dituku dia Mukelenge, ne nakunvua dî dikole ku nyima kuanyi, bu dia mpungi,