Lewitiki 20:2 - Mukanda wa Nzambi Dihungila Dikulukulu ne Dihungila Dihia-dihia 2003

² Wambile Bena Isalele kabidi ne, Muntu yonso wa Bena Isalele anyi wa benyi ba munkatshi mua Bena Isalele udi ufila muana wandi kudi Moleke neashihibue bulelela, bena buloba nebamukume ne mabue.

MUKANDA WA MYIDI MUKULU

² umanyishe bena Izrayele mikenji idi ilonda eyi ne: “Padi muena Izrayele, nansha muenyi udi munkatshi mua bena Izrayele, ulambula mvidie wa Moleke muanende, bena ditunga bamuase mabue, bamushipe.

Lewitiki 20:2 Marejeleo ya Msalaba

1 Bakalenga 11:7

Hashishe, Solomo wakashila Kemosha, bundu bua Bena Moaba, tshitendelelu ha mutu ha mukuna udi ku mpala kua Yelushalema, ne tshia Moleke, bundu bua Bena Amona.

2 Bakalenga 17:17

Bakahitshisha bana bakalelabo, balume ne bakashi, mu kahia, bakatempa mbuku, bakabandangana buloshi, bakadihanyisha bua kuenzabo malu mabi ku mesu kua Yehowa, bua kumufuisha nʼau tshiji.

2 Bakalenga 23:10

Wakanyanga Tofete wakadi mu tshibanda tshia bana ba Hinoma, bua muntu kahitshishi muanʼandi wa balume anyi muanʼandi wa bakashi mu kahia ka Moleke.

2 Kulondolola 28:3

Yeye wakosha musenga wa manananshi mu tshibanda tshia muana wa Hinoma kabidi; wakosha bana bandi mu kahia, bu muakadi tshilele tshibi tshia bisamba biakadi Yehowa muihate ku mpala kua Bena Isalele.

2 Kulondolola 33:6

Yeye wakahitshisha bana bandi mu kahia mu tshibanda tshia muana wa Hinoma; wakatempa matempu, wakatendelela bakishi, wakahaka manga, wakasangisha dî ne batempeshanganyi ba mbuku ne bena buloshi; yeye wakenza malu mabi a bungi ku mesu kua Yehowa bua kumufuisha nʼau tshiji.

Misambu 106:38

Bakatatshisha mashi a bantu bakadi kabayi ne tshilumbu hanshi, akadi mashi a bana babo baledibue, balume ne bakashi, bakashihelabo mpingu ya mu Kanâna bu milambu. Buloba buakanyanguka ne mashi.

Yirmeya 32:35

Bakasa bibumba bia Bâla bidi mu tshibanda tshia muana wa Hinoma, bua kufilahu bana babo ba balume ne bana babo ba bakashi bu milambu ya kuoshila Moleke; muanda undi tshiyi mubambile bua kuenzabo, udi kauyi mubuele mu mutshima wanyi, bua bobo benze tshinyangu etshi, bua kuenzesha ba mu Yuda malu mabi.

Yirmeya 7:31

Bakuasa bibumba bia Tofete bidi mu luhongo lua muana mulume wa Hinoma, bua kuoshahu bana babo ba balume ne bana babo ba bakashi mu kahia; badi benza bualu bundi tshiyi muele mukenji, bundi tshiyi muele meji bua bobo kubuenza.

Yezekiyele 20:26

Nakabihishisha kuha kuabo, bualu bua bakela banʼa bute babo mu kahia bu milambu ya kuosha, bua meme mmanye mua kubabutula, ne bua bobo bamanye ne, Ndi Yehowa.

Yezekiyele 20:31

Hanuafila kuha kuenu, hanuela bana benu mu kahia, kanuena nudinyanga ku mpingu yenu yonso tô ne ku lelu eu, anyi? Nenumanye mua kulomba lungenyi kundi munyi, nuenu ba mu tshisamba tshia Bena Isalele? Mukelenge Yehowa udi wamba ne, Bu mundi ne muoyo, tshiena ngitabusha bua nuenu nulombe lungenyi kundi.

Yezekiyele 23:37

Bualu bua bakuenda masandi, ne mashi adi ha bianza biabo; bakulonda malu a masandi ne mpingu yabo; bakuela bana babo ba balume bakandelelabo mu kahia bu milambu ya kuoshela mpingu.

Yezekiyele 23:39

Bualu bua bakashihabo bana bakalelabo bu mulambu wa kufila kudi mpingu, mu dituku adi diodimue bakabuela mu tshitendelelu tshianyi bua kutshinyanga; ne mona, bakenza nunku mu nsubu muanyi.

Lewitiki 17:13

Muntu yonso wa munkatshi mua Bena Isalele anyi wa benyi badi munkatshi muabo udi ulemba nyama anyi nyunyu bua kudia neahongolole mashi andi hanshi, neajibikile ne dinfuenkenya dia buloba.

Lewitiki 17:15

Muntu yonso udi udia tshintu tshidifuile anyi tshidi tshihandulule kudi nyama, bikaleye muledibue mu nsubu yenu anyi muenyi, yeye neuvuwe bilulu biandi ne mubidi wandi ne mai, neikale bu muntu udi kayi muakane tô ne dilolo, hashishe yeye neikale muakane.

Lewitiki 17:8

Wewe ubambile ne, Muntu yonso wa mu bisamba bia Bena Isalele anyi wa benyi badi munkatshi muabo udi ufila mulambu wa kuosha ha kahia anyi mulambu mukuabo

Lewitiki 18:21

Kanuadi bana bebe bua kubahitshisha mu kahia ka Moleke, kutedi dina dia Nzambi wenu tshitelatela meme ndi Yehowa.

Lewitiki 20:1

Yehowa wakambila Mose ne,

Lewitiki 20:27

Mulume anyi mukashi udi ne muhongo anyi udi mutempi wa mbuku neashihibue, nebakumibue ne mabue, mashi abo neikale hamʼbidi habo.

Lewitiki 24:14

Uhatule muntu eu muena bihendu ku butshika bua tshitudilu, bantu bonso bakunvua mei andi batentekashe bianza biabo ha mutu handi ne bantu bonso bamukume ne mabue.

Lewitiki 24:16

Muntu udi utela dina dia Yehowa tshitelatela nebamushihe bulelela, bantu bonso nebamukume ne mabue, bikaleye muenyi anyi muntu muledibue mu nsubu yenuhateleye dina dia Yehowa tshitelatela, nebamushihe.

Lewitiki 24:23

Mose wakambila Bena Isalele nunku, ne bobo bakaluhuka ne muena bihendu ku butshika bua tshitudilu, bakamukuma ne mabue Bena Isalele bakenza bu muakambila Yehowa Mose.

Bienzedi 7:43

Nuakambula nsubu wa tshilulu wa Moleke, Ne mutoto wa nzambi wenu Lefana, Bifuanyikishi binuakenza bua kubikukuila; Ne meme nenuteke ku nyima kua Babulona.

Dielulula 12:31

Kanuenzedi Yehowa, Nzambi wenu, nunku bualu bua bobo badi benzela nzambi yabo malu onso mabi adi atonda Yehowa; bualu bua bobo badi boshila nzambi yabo bana babo balume ne bana babo bakashi mene mene ha kahia.

Dielulula 17:2

Binuasangana muntu mu misoko idi Yehowa, Nzambi wenu, unuha, nansha mulume nansha mukashi udi wenza bualu bubi ku mesu kua Yehowa, Nzambi wenu, udi ushiha tshihungidi tshia Yehowa,

Dielulula 18:10

Muntu kikadi munkatshi muenu udi utambisha muanʼandi mulume anyi muanʼandi mukashi mu kahia, nansha mutempi wa mbuku, nansha muena dijimbu nansha muena bilengulengu, nansha muena buloshi,

Dielulula 21:21

Balume bonso ba mu musoko wabo nebamukume ne mabue tô ne hafueye: nunku nenumushe malu mabi munkatshi muenu; ne Bena Isalele nebunvue, nebatshine.

Dielulula 22:21

hashishe nebalue ne mushikankunde eu ku tshibi tshia nsubu wa tatu wandi, ne balume ba mu musoko nebamukume ne mabue tô ne hafileye, bualu bua yeye wakuenza bualu bua tshikama mu Isalele, wakuenza bu mukashi wa masandi mu nsubu wa tatu wandi: nunku nenûmushe malu mabi munkatshi muenu.