Lewitiki 19:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Kanusangishi tumuma tuonso ludi mu madimi enu, kanuambudi tumuma tuakahona hanshi mu madimi enu, nushiye bintu ebi bia kukuatshisha nʼabi bahele ne benyi meme ndi Yehowa, Nzambi wenu.

MUKANDA WA MYIDI MUKULU

¹⁰ Kanuena mua kupingana mu madimi enu bua kupumbulula tumuma tua mvinyo tunuvua bapue muoyi, nansha tuvua tumata panshi. Nubilekele bapela ne benyi. Bualu Meme ndi Maweja-Nangila Mvidi Mukulu wenu.

Lewitiki 19:10 Marejeleo ya Msalaba

Yeshaya 17:6

Nebashiyemu bintu bia kuhumbulula bu mudibo benza hanyukulabo mutshi wa tumuma tua olive: tumuma tua olive, nansha tubidi nansha tusatu, tudi tushala ku mutu kua katongabela ka mutshi, tunai anyi tutanu tudi tushala ku matamba makuabo a mutshi wawa wakadi ukuama tumuma tua bungi. Edi ndi didi Yehowa Nzambi wa Isalele wamba.

Yeshaya 24:13

Bualu nebuikale nunku munkatshi mua buloba, munkatshi mua bantu badimu, bu mudi kunyukula kua mutshi wa olive, bu mudi kuhumbulula kua tumuma tua nvinyo ku nyima kua kuhuola kuatu kua diambedi.

Yirmeya 49:9

Bialua bahuodi ba tumuma tua nyinyo kûdi, kabena bakushila tumuma bua wewe kutuhumbulula, anyi? Bialua bibi kuebe butuku, kabena bahaula bintu to ne habatondabi, anyi?

Lewitiki 11:44

Bualu bua meme ndi Yehowa, Nzambi wenu; nunku nudilengeshe, nuikale bantu ba tshijila bualu bua meme ndi wa tshijila, kanudinyangi ne bintu bidi bidikoka hanshi ha buloba

Lewitiki 19:11

Kanuibi, kanudingidianganyi, kanushimianganyi.

Lewitiki 19:25

Halua tshidimu tshitanu, nudi mua kudia mamuma ne kuendulula nʼau mushinga meme ndi Yehowa, Nzambi wenu.

Lewitiki 19:9

Hanuahuola bintu binuakakuna mu buloba, kanuhuodi ku matengu a madimi, kanusangishi bintu bionso binudi nuhuola.

Lewitiki 23:22

Hanuahuola bintu binuakakuna mu buloba, kanuhuodi ku matengu a madimi, kanusangishi bintu bionso, nenushiye bintu ebi bua kukuatshisha nʼabi bahele ne benyi meme ndi Yehowa, Nzambi wenu.

Lewitiki 25:6

Bintu bidi bidimenena mu tshidimu tshia kubanda kua buloba nebikale bintu bienu bia kudia, bintu biebe ne bia muhika webe mulume ne bia muhika webe mukashi ne bia muena mudimu webe ne bia muenyi udi ushikama nʼebe

Obadya 1:5

Bialua bibi, nansha banyengi, kûdi bufuku, tangila bu mudibo bakubutula! Kabena biba bintu tô ne hakumbanabi, anyi? Bialua bahuodi ba tumuma tua nvinyo kûdi, kabena bashiya tumuma tua kuhumbulula, anyi?

Mika 7:1

Bualu bukole buakunkuata! Bualu bua ndi bu mudi tshikondo tshidibo bahuola tumuma tubobe, bu mudi kuhumbulula kua tumuma tua nvinyo; kakuena disanji dimue dia muntu kudia; kakuena kamuma kamue ka nfigi kakukuama diambedi kadi mutshima wanyi usamina.

Dielulula 24:19

Hanuahuola bintu bia mu madimi enu, ne kafulaminyi kadi kanukuata bua kushiya bisumbu bikuabo mu madimi enu, kanuhinganyi bua kubiangata; nebikale bia benyi ne bia bana ba nshiya ne bia bakashi ba mu lufuila; nunku Yehowa, Nzambi wenu, neanuvudishile disanka mu malu onso anudi nuenza ne bianza bienu.

Dielulula 24:20

Hanuakuna matamba a mitshi yenu ya olive bua mamuma ahone, kanuakumi tshiakabidi; neashale a benyi ne a bana ba nshiya ne a bakashi ba mu lufuila.

Dielulula 24:21

Hanuahuola tumuma tukese tua mu madimi enu a tumuma, kanutuhuodi tshiakabidi: tumuma netushale tua benyi ne tua bana ba nshiya ne tua bakashi ba mu lufuila.

Balombodi 8:2

Yeye wakabakonka ne, Bualu kai bunakuenza budi butamba bunuakuenza? Kuhuola kua tumuma tua nvinyo tua Efelayima kakuena kuhita kuhuola kua tumuma tua Abiezê buimpe, anyi?

Rute 2:2

Luta, Muena Moaba, wakambila Naomi ne, Anji kuitabusha bua meme kuya mu budimi bua undi mua kusangana luse ku mesu kuandi bua meme kuhumbululaku mpumbuluila Yeye wakamuambila ne, Yaku, muanʼanyi.