Lewitiki 15:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Muntu yonso udi ulenga bulalu buandi tshianza neuvuwe bilulu biandi, neadioweshe ne mai, neikale mukoya tô ne dilolo.

MUKANDA WA MYIDI MUKULU

⁵ Kabidi muntu yonsu udi ulenga bulalu abu, asukule bilamba biende, wowe mayi. Kadi neikale mupie mikiya too ne ku dilolu.

Lewitiki 15:5 Marejeleo ya Msalaba

Misambu 26:6

Ndi ngowa bianza bianyi tshiyi ne tshilumbu; nunku, Yehowa, ndi nyunguluka tshioshelu tshiebe;

Misambu 51:2

Unguvuwe tshishiki ku mahambuka anyi, untokeshe ku bubi buanyi.

Misambu 51:7

Untokeshe ne hysope, nengikale mutoke; unguvuwe, nempite neige butoke tô.

Ekesode 19:10

Yehowa wakambila Mose ne, Ya biebe kudi bantu, ubajidike lelu ne makelela, bobo bauvu-we bilulu biabo,

Yeshaya 1:16

Nudioweshe bienu, nudilengeshe, numushe bubi bua bienzedi bienu ku mesu kuanyi; nulekele kuenza malu mabi,

Yeshaya 22:14

Yehowa wa misumba wakadimuenesha mu dî dinakunvua mu matshu anyi ne, Bulelela, bubi buenu kabuena bujimishibua tô ne ku lufu luenu; Mukelenge Yehowa wa misumba udi wamba nunku.

Yezekiyele 36:25

Nennumiamine mai matoke tô, nenuikale bakane; nennulengeshe ku bukoya buenu buonso ne ku mpingu yenu yonso.

Yezekiyele 36:29

Neanuhandishe ku malu enu onso a bukoya. Nembikile maminu enu bua kuluau, nengakumbashe, ne tshiena ntuma tshiole tshikuabo munkatshi muenu.

Lewitiki 11:24

Muntu yonso udi ulenga tshianza hamʼbidi ha bintu ebi neikale ne bukoya tô ne dilolo;

Lewitiki 11:25

muntu yonso udi utuala tshituha tshia mubidi mufue wa bintu ebi, neuvuwe bilulu biandi, neikale ne bukoya tô ne dilolo.

Lewitiki 11:28

Muntu yonso udi utuala mubidi mufue wa nyama ei, neuvuwe bilulu biandi, neikale ne bu koya tô ne dilolo, nyama ei idi mibi kunudi.

Lewitiki 11:32

Bikala bintu ebi bifue ne biahonabi ha tshintu, tshintu atshi netshikale ne bukoya, nansha dilonga nansha bilulu nansha biseba nansha tshibombi nansha tshintu tshikuabo tshidibo benza nʼatshi mudimu, nebatshiteke mu mai, netshikale ne bukoya tô ne dilolo, nunku netshikale tshitoke tô.

Lewitiki 13:34

Halua dituku dia muanda mute kete, muakuidi neatangile mu mputa, ne bikala mputa kayi mutampakane mu dikoba, ne kayi ubuela mu munyinyi wa mubidi, muakuidi neambile bantu ne, Muntu eu udi muakane, yeye neuvuwe bilulu biandi, neikale muakane.

Lewitiki 13:6

Halua dituku dia muanda mutekete, muakuidi neamutangile kabidi, ne biamba disama kushika, bikaladi kadiyi ditampakana mu dikoba diandi, nunku muakuidi neambile bantu ne, Muntu eu udi muakane, disama edi didi bu tshilamulamu, muntu eu neuvuwe bilulu biandi, neikale mua kane.

Lewitiki 14:27

muakuidi neamiamine ne munu wandi wa ku tshianza tshia balume manyi adi mu tshianza tshiandi tshia bakashi misangu muanda mutekete ku mpala kua Yehowa,

Lewitiki 15:18

Bialala mulume ne mukashi, biamueleye bilumi, bubidi buabo nebadioweshe ne mai, nebikale ne bukoya tô ne dilolo.

Lewitiki 15:4

Bulalu buonso budiye ulalahu hahatuka tufina budi ne bukoya, ne bintu bionso bidiye ushikamahu bidi ne bukoya.

Lewitiki 15:6

Muntu yonso udi ushikama ha tshintu tshiashikameye neuvuwe bilulu biandi, neadioweshe ne mai, neikale ne bukoya tô ne dilolo.

Lewitiki 16:26

Muntu wakihata mbushi wa Azazele neuvuwe bilulu biandi, neowe mai, ne ku nyima yeye neuhingane mu tshitudilu.

Lewitiki 16:28

Muntu wakuosha bintu ebi neuvuwe bilulu biandi ne mubidi wandi ne ku nyima neuhingane mu tshitudilu.

Lewitiki 17:15

Muntu yonso udi udia tshintu tshidifuile anyi tshidi tshihandulule kudi nyama, bikaleye muledibue mu nsubu yenu anyi muenyi, yeye neuvuwe bilulu biandi ne mubidi wandi ne mai, neikale bu muntu udi kayi muakane tô ne dilolo, hashishe yeye neikale muakane.

Dibadika 19:10

Muntu udi usangisha butue bua muana wa ngombe neuvuwe bilulu biandi, neikale bu muntu udi kayi muakane to ne ku dilolo eu udi mukenji wa Bena Isalele ne wa muenyi udi munkatshi muabo tô ne tshiendelele.

Dibadika 19:22

Bintu bionso bidi muntu udi kayi muakane ulenga bianza nebikale bu bintu bidi kabiyi biakane, ne muntu udi ubilenga tshianza neikale bu muntu udi kayi muakane tô ne ku dilolo.

Ebrewu 10:22

tusemene bietu ha buihi nʼandi ne mutshima mulelela mu dimanya dijalame dia ditabusha, ne mitshima yetu mimiamina bua kulengesha kua muoyo-mukese mubi, ne mibidi yetu miuvue ne mai mimpe.

Ebrewu 9:14

mashi a Kilisto, wakadifila kudi Nzambi kai ne ditoba, bua Nyuma wa Tshiendelele, neatambe misangu bungi munyi kulengesha muoyomukese webe ku midimu mifue bua kukuatshila Nzambi udi ne muoyo mudimu?

Ebrewu 9:26

anyi buakadiye nʼabu mbua kukenga ku musangu ne ku musangu katshia buloba buajadikibua; kadi katataka musangu umue kunshikidilu kua bikondo, wakumueneshibua bua kujimisheye bubi ku kudifila kuandi bu mulambu.

Yakobe 4:8

Semenai ha buihi ne Nzambi ne yeye neasemene ha buihi ntemu. Nulengeshe bianza bienu, nuenu bantu babi, nutokeshe mitshima yenu, nuenu bena mitshima ibidi.

Didimanyisha 7:14

Nakamuambila ne, Mukelenge wanyi, wewe udi mumanye. Wakangambila kabidi ne, Aba mbantu badi bumuka mu dikenga dinene, ne bakuvua mayeka abo, ne bakâtokesha mu mashi a Muana wa Mukoko.

1 Samuele 20:26

Shaula kakamba bualu dituku edi, wakelangana meji munda ne, Bualu buakukuata Davidi, yeye kena muakane bua kudieye; bulelela, kena muakane.