Lewitiki 13:2 - Mukanda wa Nzambi Dihungila Dikulukulu ne Dihungila Dihia-dihia 2003

² Bikala muntu ne tshiuja tshikese mu dikoba diandi anyi tshilamulamu anyi ditoba ditoke tô, bikala bintu ebi bu disama dia nsudi, nebalue nʼandi kudi Alona muakuidi anyi kudi umue wa bana bandi balume bakuidi.

MUKANDA WA MYIDI MUKULU

² “Padi muntu ne tshiuja pambidi, nansha muaba muwule, nansha muikale ne dikeji ditoke, dimueneka bu disama dia nsudi, baye ne muntu awu kudi mutuangaji Arone, nansha kudi umue wa ku ndelanganyi yende.

Lewitiki 13:2 Marejeleo ya Msalaba

2 Samuele 3:29

mashi andi ikale ha mutu ha Yoaba ne bonso ba mu nsubu wa tatu wandi; ne ba mu nsubu wa Yoaba bikale ne munda mashi, bikale bena nsudi anyi bendedi ba ku mitshi batebuke, bafue ku miele ya nvita, kabikadi ne bia kudia!

2 Bakalenga 5:1

Nâmana, kapitene ka masalayi a mukelenge wa Bena Sulia, wakadi muntu munene wa butumbi ku mesu kua mukelenge wandi, bualu bua Yehowa wakalesha Bena Sulia luhandu ku tshianza tshiandi; yeye kabidi wakadi muena bukitu, kadi wakadi muena nsudi.

2 Bakalenga 5:27

Nsudi yakadi nʼai Nâmana neyikukuate wewe ne bana bebe tshiendelele. Wakumuka ku mesu kuandi ne nsudi hamʼbidi handi mitoke tô bu neige.

Yeshaya 1:6

Munda mua makasa tô ne ku lubombo lua mutu kakuena muaba udi kauyi ne disama, anu mputa, biuja, ne mibundabunda mihia-mihia, bidi kabiyi bianze kukama, kabiyi bianze kujingila ne tshilulu, kabiyi bianze kutekeshibua ne manyi.

Yeshaya 3:17

nunku Mukelenge neameneshe nsudi ha mbombo ya mitu ya bana bakashi ba mu Siona, Yehowa neabavule bilulu biabo bua kusokolola butaka buabo.

Lewitiki 13:1

Yehowa wakambila Mose ne Alona ne,

Lewitiki 13:3

Muakuidi neatangile ha disama didi mu dikoba diandi, bikala miosa ya mu muaba wa disama miandamuke mitoke tô, ne bikala disama dimane kubuela mu munyinyi wandi mene mene, edi ndisama dia nsudi, muakuidi neamutangile, neambile bantu ne, Muntu eu kena muakane.

Lewitiki 13:8

muakuidi neatangile ne bikala tshilamulamu tshitampakane mu dikoba, nunku muakuidi neambile bantu ne, Muntu eu kena muakane disama edi didi dia nsudi.

Lewitiki 14:3

ne muakuidi neaye biandi ku butshika bua tshitudilu, ne muakuidi neatangile, ne bikala disama dia muena nsudi dishike,

Lewitiki 14:35

nunku muena nsubu nealue biandi, neambile muakuidi ne, Ndi ngelangana meji ne ditoba dia disama didi mu nsubu muanyi.

Lewitiki 14:56

ne wa tshiuja kabidi anyi wa tshilamulamu anyi wa ditoba ditoke,

Malaki 2:7

Bualu bua mishiku ya muakuidi idi ne bua kulama lungenyi, ne bantu badi ne bua kukeba diyisha diakane mukana muandi; bualu bua yeye udi messager wa Yehowa.

Dibadika 12:10

Difutu diakumuka ku mutu kua Ntenta, ne tangila, Miyama wakadi mûle tente ne disama dia nsudi mitoke to Alona wakatangila ne Mîyama wakadi mûle tente ne nsudi.

Dibadika 12:12

Kuitabusha bua yeye kuikala bu muntu mufue udi ne tshituha tshia mubidi mubole hamulelabo.

Matayi 8:4

Yesu wakamuambila ne, Kuambidi muntu bualu ebu, uye biebe, udileshe kudi muakuidi wa Nzambi, ufile tshiakamba Mose bu tshimanyishilu ku mesu kua bantu.

Marke 1:44

wakamuambila ne, Kuambidi muntu bualu ebu; uye biebe, udileshe kudi muakuidi, ufile biakamba Mose bu tshimanyishilu ku mesu kua bantu bualu bua kulengeshibua kuebe.

Luke 17:14

Hakabamoneye, wakabambila ne, Yai, nudimueneshe kudi bakuidi ba Nzambi, Hakadibo baya, bakalengeshibua.

Luke 5:14

Yesu wakamuambila bikole ne, Kuambidi muntu bualu ebu; uye biebe, udimueneshe kudi muakuidi wa Nzambi, udie biakamba Mose bu tshimanyishilu ku mesu kua bantu bualu bua kulengeshibua kuebe.

Dielulula 24:8

Nudimuke bualu bua disama dia nsudi, bua nuenu kuenza malu onso bimpe adi bakuidi ba mu Bena Lewi banuyisha: bu munakabambila bobo, nuenu nuenze nunku.

Dielulula 28:27

Yehowa neanutumine biusha bia mu Ejipitu, ne disama dia muiaka, ne mpusu ne lubila: masama adibo kabayi mua kuondaha.