Lewitiki 10:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Wewe ne bana bebe balume, kanunu nvinyo ne bintu bikole bia kunua hanuahuola mu ntenta wa kusambakena bua kanufu bienu. Mukenji eu newikale kunudi bikondo bienu bionso tshiendelele.

MUKANDA WA MYIDI MUKULU

⁹ — Wewe ne bana bebe, kanuena mua kunua maluvu a mvinyo, nansha a kapia, panudi nubuela mu ntenta wa kusambakena, bualu nudi mua kufua. Mukenji ewu ushale kashidi kunudi ne kudi ndelanganyi yenu.

Lewitiki 10:9 Marejeleo ya Msalaba

Ekesode 27:21

Mu tshitendelelu ku mpala kua tshilulu tshidi ku mpala kua mushete wa Nzambi Alona ne bana bandi balume nebalame muinda dilolo tô ne dinda ku mesu kua Yehowa, bualu ebu nebuikale bu mukenji ku bikondo bienu tshiendelele kudi bana ba Isalele.

Nsumuinu 20:1

Nyinyo udi museki wa bantu, maluvu makole adi bu muena diyoyo; muntu yonso udi ubikuatshika kena ne meji.

Yeshaya 28:7

Kadi bantu aba mene badi batshinkakana ne nvinyo, badi batenkakana bualu bua maluvu makole; muakuidi ne muprofete badi batshinkakana bualu bua maluvu makole, badi baboteshibua bualu bua nvinyo, badi batenkakana bualu bua maluvu makole; badi batuhakana mu dijingulula dia bikena kumona, badi balenduka hakosabo bilumbu.

Yezekiyele 44:21

Kabanu nvinyo kudi umue wa bakuidi, habueleye mu tshiendelu tshia munda mua ntempelo.

Osheya 4:11

Masandi ne maluvu ne nvinyo mihia-mihia bidi biumusha meji a mu mutshima.

Lewitiki 10:8

Yehowa wakambila Alona ne,

Lewitiki 3:17

Bualu ebu nebuikale bu mukenji wa tshiendelele mu nsubu yenu yonso mu bikondo bienu bionso kanudi nansha dianyi nansha mashi.

Dibadika 6:20

muakuidi neabinyukule bu mulambu udibo banyukula ku mpala kua Yehowa, ebi mbintu bia tshijila kudi muakuidi bidi bisangisha ne tshiadi ne tshibelu bidibo banyukula ku mpala kua Yehowa, hashika bualu ebu, Munazi udi mumanye mua kunua nvinyo.

Dibadika 6:3

neajile muoyo ne maluvu makole kanu vinaigre wa nvinyo anyi vinaigre wa maluvu makole, kanu mai a tumuma tukese, kadi tumuma tubishe anyi tumuma tûme.

Luke 1:15

Yeye neikale muntu munene ku mesu kua Mukelenge; kanu biandi nvinyo ne bintu bidi bikuatangana; yeye neûshibue tente ne Nyuma Muimpe diambedi mamu wandi kai muanze kumulela.

Efeze 5:18

Kanukuatshiki maluvu, mudi dinyanguka dia muoyo munda muau, kadi nûshibue tente ne Nyuma Muimpe.

1 Timote 3:3

Kikadi ne diyoyo bua malulu; kikadi mukumianganyi ne bakuabo; kadi ikale muena buhele; kasu biandi mayoyo; kateki mutshima wandi ku biuma.

1 Timote 3:8

Muomumue balami ba bintu bikale ne kanemu; kabikadi ne mei abidi; kabadidi ku maluvu a bungi; kabakumi mitshima yabo ku biuma bidi bifume ku nshila mibi;

1 Timote 5:23

Lekela kuikala munu wa anu mai nkayau; kadi unue tuluvu tukese bua kuondaha munda muebe ne bua matekete audi nʼau misangu ya bungi.

Tite 1:7

Bualu bua budi mukulu-mutangidi nʼabu mbua kuikala kai mua kubandibua, bu mudi mulami muteka kudi Nzambi; kikadi biandi muena tshitshu; kukuatshi tshishi lubilu; kikadi muena diyoyo bua malulu; kikadi mukumianganyi ne bakuabo; kikadi ne lukuka lua biuma.