Lewitiki 1:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Yeye neatenteke tshianza tshiandi ha mutu ha ngombe wa mulambu ne Yehowa neawitabushe bua kubuikidila nʼau bubi buandi.

MUKANDA WA MYIDI MUKULU

⁴ Ateke tshianza pa mutu pa ngombe awu, bua Maweja-Nangila anyishe mulambu, afuile muntu awu luse.

Lewitiki 1:4 Marejeleo ya Msalaba

Ekesode 28:38

Netshikale ha mpala ha Alona, ne Alona neatuale mahambuka a Bena Isalele mu muaba wa tshijila hayeye bua kubajidila ne bintu bidibo bafila kudi Nzambi, netshikale ha mpala handi matuku onso bua Yehowa abitabushe.

Ekesode 29:10

Wewe neulue ne muana wa ngombe ku tshibi tshia ntenta wa kusambakena, Alona ne bana bandi balume nebatentekashe bianza biabo ha mutu ha muana wa ngombe.

Ekesode 29:15

Angata tshimpanga tshimue, ne Alona ne bana bandi balume nebatentekashe bianza biabo ha mutu hatshi.

Ekesode 29:19

Wewe newangate tshimpanga tshikuabo, Alona ne bana bandi balume nebatentekashe bianza biabo ha mutu ha tshimpanga.

Ekesode 29:33

Bobo nebadie bintu abi bidibo babuikidila nʼabi bantu mibi yabo, bua kubajidila ne kubalengesha kudi Yehowa, kadi muenyi kena mua kudia bintu ebi, bualu bua bidi bia tshijila.

Yeshaya 56:7

nendue ne bantu aba ku mukuna wanyi wa tshijila, nembavudishile disanka mu nsubu wanyi wa kutendelela. Milambu yabo ya kuosha ne milambu yabo ya bia kudia neyitabushibue ha tshioshelu tshianyi; bualu bua nebabikile nsubu wanyi ne, Nsuhu wa tshitendelelu tshia bantu bonso.

Yezekiyele 45:15

mukoko umue munkatshi mua tshisumbu tshia mikoko nkama ibidi. Bena meku ba Bena Isalele bafile milambu ei bu mulambu wa bia kudia, mulambu wa kuosha, ne bu mulambu wa kuvuisha nʼau ditalala, bua kubuikila nʼai mibi yabo.

Danyele 9:24

Bakukosela bantu bebe ne musoko webe wa tshijila mbingu makumi muanda mutekete, bua kumana ditomboka, bua kuvuisha nshikidilu wa malu mabi, bua kulengeshisha bahambuki kudi Nzambi, bua kubavuishila buakane budi bushala tshiendelele, bua kujadika tshikena kumona ne buprofete, ne bua kujidila muaba muhite tshijila.

Lewitiki 16:21

Alona neatentekashe bianza biandi bibidi ha mutu ha mbushi udi ne muoyo, neatondele Bena Isalele mabi yabo ne disambuka diabo dionso dia mikenji ne malu mabi abo onso, neatentekashe malu mabi onso ha mutu ha mbushi, nebamuihate mu tshihela ku tshianza tshia muntu wakasunguleye diambedi,

Lewitiki 16:24

yeye neowe mai mu muaba wa tshijila, nealuate bilulu biandi, neahatuke neafile mulambu wandi wa kuosha ha kahia ne mulambu wa bantu wa kuosha ha ka hia, neabuikile bubi buandi ne bubi bua bantu.

Lewitiki 22:21

Hafila muntu mulambu wa kuvuisha nʼau ditalala kudi Yehowa bua kushikisha kuditshiha kuandi anyi mulambu udi mutshima wandi musue kufila wa munkatshi mua ngombe anyi mikoko, nengitabushe anu tshintu tshidi tshiakane, katshiena mua kuikala ne tshitema.

Lewitiki 22:27

Halelabo muana kudi ngombe anyi kudi mukoko anyi kudi mbushi, yeye neikale ne mamuʼandi matuku muanda mutekete, ku dituku dia muanda mukulu ne matuku adi ku mpala badi mua kumufila bu mulambu wa kuoshila Yehowa ha kahia.

Lewitiki 3:13

neatenteke tshianza tshiandi ha mutu handi, neamushihe ku mbelu kua ntenta wa kusangakena, ne bana balume ba Alona nebamiamine mashi ku tshioshelu.

Lewitiki 3:2

Yeye neatenteke tshianza tshiandi ha mutu ha muana wa ngombe wa mulambu wandi, neamushihe ku mbelu kua ntenta wa kusangakena, ne bana balume ba Alona bakuidi nebamiamme mashi ku tshioshelu.

Lewitiki 3:8

neatenteke tshianza tshiandi ha mutu ha muana wa mukoko wa mulambu wandi, neamushihe ku mbelu kua ntenta wa kusangakena, bana balume ba Alona nebamiamine mashi ku tshioshelu.

Lewitiki 4:15

Bakulu ba mu tshisumbu tshia Bena Isalele nebatentekashe bianza biabo ha mutu ha muana mulume wa ngombe ku mesu kua Yehowa, nebashihe muana mulume wa ngombe ku mesu kua Yehowa.

Lewitiki 4:20

Yeye nênze nunku ne muana mulume wa ngombe, bu muakenzeye ne muana mulume wa ngombe wa mulambu wa kubuikila nʼau bubi bua bantu, muakuidi neafile mulambu wa kubuikila nʼau bubi buabo nunku, ne bubi buabo nebuikale bubuikidibue.

Lewitiki 4:24

neatenteke tshianza tshiandi ha mutu ha mbushi, neamushihe kudibo bashihela mulambu wa kuosha ha kahia ku mesu kua Yehowa, eu udi mulambu wa kubuikila nʼau bubi.

Lewitiki 4:26

Neoshe dianyi dionso ha tshioshelu, bu muakenzeye ne dianyi dia mulambu wa kuikisha nʼau ditalala, muakuidi neafue mulambu wa ku buikila nʼau bubi buandi ne bubi buandi nebuikale bubuikidibue.

Lewitiki 4:29

Yeye neatenteke tshianza tshiandi ha mutu ha mbushi wa mulambu wandi, neamushihe kudibo bashihela mulambu wa kuosha ha kahia.

Lewitiki 4:31

Neumushe dianyi dionso bu muakenzeye ne mulambu wa kuvuisha nʼau ditalala, muakuidi neadioshe ha tshioshelu bu tshintu tshidi tshitue dihembu kudi Yehowa, muakuidi neafile mulambu wa kubuikila nʼau bubi buandi, ne bubi buandi nebuikale bubuikidibue.

Lewitiki 4:33

Yeye neatenteke tshianza tshiandi ha mutu ha mukoko wa mulambu wandi, neanshihe kudibo bashihela mulambu wa kuosha ha kahia.

Lewitiki 4:35

Neumushe dianyi dionso bu muakenzeye ne mulambu wa kuvuisha nʼau ditalala, muakuidi neadioshe ha tshioshelu bu muakenzeye ne milambu ya kuosha ha kahia, muakuidi neafile mulambu wa kubuikila nʼau bubi buandi, ne bubi buandi nebuikale bubuikidibue.

Lewitiki 4:4

Nealue ne muana wa ngombe ku mbelu kua ntenta wa kusangakena ku mesu kua Yehowa, neatenteke tshianza tshiandi ha mutu ha muana wa ngombe, neashihe muana wa ngombe ku mesu kua Yehowa.

Lewitiki 5:6

yeye neafile mulambu kudi Yehowa wa disambuka dia mikenji, nansha muana mukashi wa mukoko nansha muana mukashi wa mbushi, bu mulambu wa disambuka dia mikenji, ne muakuidi neafile mulambu bua kumubuikidila nʼau bubi buandi.

Lewitiki 6:7

muakuidi neafile mulambu wa kumubuikidila nʼau bubi kudi Yehowa ne bubi buakenzeye nebuikale bubuikidibue.

Lewitiki 8:14

Wakalua ne mulume wa ngombe wa mulambu wa kubuikila nʼau bubi; ne Alona ne bana bandi balume bakatentekasha bianza biabo ha mutu ha ngombe wa mulambu wa kubuikila nʼau bubi.

Lewitiki 8:18

Wakalua ne tshimpanga tshia kuosha ha kahia, Alona ne bana bandi bakatentekasha bianza biabo ha mutu ha tshimpanga.

Lewitiki 8:22

Wakalua ne tshimpanga tshikuabo, tshimpanga tshia kujidila kua bakuidi; Alona ne bana bandi balume bakatentekasha bianza biabo ha mutu ha tshimpanga.

Lewitiki 9:7

Mose wakambila Alona ne, Semena ha buihi ne tshioshelu, ufile mulambu webe wa kubuikila nʼau bubi ne mulambu webe wa kuosha ha kahia, udibuikidile bubi buebe ne bubi bua bantu, ufile mulambu wa bantu kabidi bua kubabuikidila nʼau bubi buabo bu muakamba Yehowa.

Dibadika 15:25

Muakuidi neafile mulambu wa kubuikidila Bena Isalele bonso bubi, ne bubi buabo nebuikale bubuikidibue, bualu bua bobo bakahanga ne bakalua ne milambu yabo, mulambu wa kuosha ha kahia kudi Yehowa, ne mulambu wa kubuikila hau bubi ku mpala kua Yehowa, bualu bua dihanga diabo;

Dibadika 15:28

Muakuidi neafile mulambu wa kubuikila nʼau bubi bua mundi wakenza bualu ku mpukahuka ku mpala kua Yehowa, ne bubi buandi nebuikale bubuikidibue.

Dibadika 25:13

nedikale kudiye ne kudi bana badi bamulonda ku nyima, bu dihungila dia mudimu wa buakuidi tshiendelele bualu bua yeye wakadi ne mukau bualu bua Nzambi wandi, wakabuikidila Bena Isalele bubi.

Dibadika 8:10

wewe neumueneshe Bena Lewi ku mpala kua Yehowa Bena Isalele nebatentekashe bianza biabo ha mutu ha Bena Lewi:

Dibadika 8:12

Bena Lewi nebatentekashe bianza biabo ha mutu ha balume ba ngombe wewe neufile umue bu mulambu wa kubuikila nʼau bubi ne mukuabo bu mulambu wa kuosha ha kahia kudi Yehowa, bua kubuikidila Bena Lewi bubi buabo.

Rome 12:1

Nunku, bana betu, ndi nusengelela, bua luse lua Nzambi, bua nufile mibidi yenu bu mulambu udi ne muoyo, wa tshijila, udi usankisha Nzambi bimpe; bualu ebu budi kutendelela kuenu kudi ne meshi.

Rome 3:25

Nzambi wakamuladika ku mesu kua bantu bua kuikaleye mulambu wa kubuikila nʼau malu mabi a bantu, ku ditabusha dia mu mashi andi, bualu bua kulesha buakane buandi mu dihita diandi dia malu mabi akenzabo diambedi, bua lutulu lua Nzambi.

Rome 5:11

Kemuanda eu nkayau, kadi tudi tutumbila kabidi mu Nzambi bua Mukelenge wetu Yesu Kilisto, kutudi bahete dilengesha kudiye mpindiu.

Filipe 4:18

Kadi ndi ne bintu bionso ne bitamba; nakukuta bualu bua nakangata bintu kudi Epafodito biakafuma kunudi, muhuya wa dihembu dimpe, mulambu muitabushibue, udi usankisha Nzambi.

Ebrewu 10:4

Bua mashi a ngombe ne a mbushi kêna mua kumusha mibi.

1 Yone 2:2

ne yeye udi bu mulambu wa kubuikila nʼau mibi yetu; kengua mibi yetu nkayai, kadi wa mibi, ya bonso ba ha buloba kabidi.