Kolose 3:23 - Mukanda wa Nzambi Dihungila Dikulukulu ne Dihungila Dihia-dihia 2003

²³ Malu onso anudi nuenza, nuenze ne mitshima yenu bu munudi nuenzela Mukelenge; kembu munudi nuenzela bantu;

MUKANDA WA MYIDI MUKULU

²³ Nansha mudimu kaayi unudi nawu, nuwenze ne muoyi mujima, bualu nudi nuwenzela Mfumu, kanuena nuwenzela bantu to.

Kolose 3:23 Marejeleo ya Msalaba

2 Kulondolola 31:21

Malu onso akabangeye mu mudimu wa mu nsubu wa Nzambi ne a mu mikenji ne mei bua kukeba Nzambi wandi, yeye wakaenza ne mutshima wandi wonso, wakadi ne diakalengele.

Misambu 103:1

Mutshima wanyi, uvudishile Yehowa disanka; bionso bidi munda muanyi bivudishile dina diandi dia tshijila disanka!

Misambu 119:10

Nenkukebe ne mutshima wanyi mujima; kuitabushi bua meme kusesuka ku mikenji yebe.

Misambu 119:145

Ndi nkubikila ne mutshima wanyi mujima; witabe kundi, Yehowa. Nendame mikenji yebe mifunda.

Misambu 119:34

Umpe lungenyi, bua ndame mikenji yebe; ne bua meme kuyitumikila ne mutshima wanyi mujima.

Muambi 9:10

Malu onso audi wenza wenze ne bukole buebe buonso; bualu bua kakuena mudimu, kakuena kulongolola kua malu, kakuena lungenyi anyi meji ku Muaba wa Bafue kûdi uya.

Yirmeya 3:10

Yehowa udi wamba ne, Malu â onso akamueneka, kadi muanʼabo mukashi Yuda, muena dikamakama, kakahingana kundi ne mutshima wandi mujima, kadi wakashala ne lubombo.

Matayi 6:16

Bualu bukuabo kabidi, hanuajila bia kudia, kanuikadi babungame bu mudi bena lubombo benza, bobo badi balaba mishila ku mesu bua bantu babamone ne, Badi bajile bia kudia. Bulelela, ndi nuambila ne, Bakumana kuangata difutu diabo.

Rome 14:6

Udi uteka meshi andi ku dituku udi wateka nunku bua Mukelenge; ne udiadia, udiadia bua Mukelenge, bualu bua udi usakidila Nzambi. Ne udi kai udia, kena udia bua Mukelenge, ne udi Nzambi.

Rome 14:8

Bua bituikala ne muoyo, tudi ne muoyo bua Mukelenge; bituafua, tufuafua bua Mukelenge; nunku, bituikala ne muoyo, anyi bituafua, tudi ba Mukelenge.

Efeze 5:22

Bakashi, nukokele babayenu bu munudi nukokela Mukelenge.

Kolose 3:17

Ne malu onso anudi nuenza, ne mu mei ne mu bienzedi, enzai onso mu dina dia Mukelenge Yesu; nusakidile Nzambi Tatu bua bualu buandi.

1 Petro 1:22

Bualu bua nuenu nuakulengesha mitshima yenu mu kutumikila kuenu kua malu a bushua bua kuikala ne dinanga dia bana benu ba mu Kilisto didi kadî ne lubombo, nunku nunangangane mu mitshima yenu bikole;

1 Petro 2:13

Nudikokesha ku bukokeshi buonso bua bantu bualu bua Mukelenge; nasha kudi nfumu munene udi ku mutu;

1 Petro 2:15

Bualu bua disua dia Nzambi didi nunku, bua nuenu nuhuishe buhote bua bantu batshimbakane ku kuenza kuenu kua malu mimpe;