Genese 9:2 - Mukanda wa Nzambi Dihungila Dikulukulu ne Dihungila Dihia-dihia 2003

² Ditshina ne buowa nebikale kudi nyama yonso ne kudi nyunyu yonso ya mulu ne kudi tshintu tshionso tshidi tshidikoka hanshi ne kudi minyinyi ya mu mai manene bua bualu buenu, nakafila bintu bionso mu bianza bienu.

MUKANDA WA MYIDI MUKULU

² Nyama yonsu ya pa buloba ne nyunyi idi ibuka mulu, ne minyinyi ya mu mayi neyinutshine bikole ikuatshika buowa. Bionsu abi mbintu bienu bindi munupe.

Genese 9:2 Marejeleo ya Msalaba

Genese 1:21

Nzambi wakafuka bintu binene bia mu mai ne bintu bionso bidi ne muoyo bia mu mai bu mudi mishindu yabi, ne nyunyu yonso bu mudi mushindu wai Nzambi wakabimona ne, Mbimpe

Genese 1:26

Nzambi wakamba ne, Tuenze muntu ne tshifuanyikishi tshietu mufuanangane nʼetu, balue bakokeshi ba minyinyi ya mu mai manene ne ba nyunyu ya mulu, ne ba bimuna, ne ba buloba buonso, ne ba tshintu tshionso tshidi tshidikoka hanshi.

Genese 1:28

Nzambi wakabisankisha, wakabambila ne, Nulelangane, nukumbane ba bungi, nûshe buloba tente, nubukokeshe, nuikale ne bukokeshi ku mutu kua minyinyi ya mu mai, ne nyunyu ya mulu, ne tshintu tshionso tshidi ne muoyo tshidi tshiendakana ha buloba.

Genese 2:19

Yehowa Nzambi wakafuka nyama yonso ya mu madimi ne nyunyu yonso ya mulu ne buloba, wakalua nʼai kudi mulume bua kutangila bu muakadiye mua kuyidika, dina dionso diakidikeye tshifukibue tshionso diakadi dina dia tshi.

Genese 35:5

Bakaya ku luendu luabo, ditshina dia Nzambi diakadi ku misoko yakadi ha buihi nʼabo, ne bena musoko kabakalonda bana ba balume ba Yakoba.

Genese 9:1

Nzambi wakasankisha Noa ne bana bandi, wakabambila ne, Nulelangane, nukumbane ba bungi, nuikale ha buloba buonso.

Genese 9:3

Bintu bionso bidi ne muoyo mbia kudia bienu, bu munakanuha midioko, mbu mundi nnuha bintu bionso.

Yobe 39:11

Wewe udi mua kumueyemena bualu bua bukole buandi budi bua bungi, ne udi mua kumushila mudimu webe wa mu budimi bua yeye kuwenza, anyi?

Yezekiyele 34:25

Nempunge nʼai tshihungidi tshia ditalala, nengumushe nyama ya luonji mu buloba, bua mikoko ishikame talalâ mu tshihela ne bua ilale tulu muitu.

Osheya 2:18

Mu dituku adi kabidi nembahungile tshihungidi ne nyama ya mu mpata, nyunyu ya mulu ne bintu bidi bidikoka hanshi; nentshibule buta ne muele wa nvita ne bielelu bia nvita, nemmumushe mu buloba, nembaladike hanshi kabayi ne ntatu.

Lewitiki 26:22

Nentume nyama ya muitu munkatshi muenu, neyinunyenge bana benu bakese, neyishihe bimuna bienu, nuenu nenulue bantu banya-banya nshila yenu neyikale hatuhu.

Lewitiki 26:6

Nennuhe ditalala mu buloba, nenulale tulu, ne bantu kabena banutshinyisha, nengihate nyama mibi mu buloba buenu, ne kabena balue ne muele wa nvita mu buloba buenu.

Yakobe 3:7

Bualu bua mushindu wonso wa nyama ne wa nyunyu ne wa bintu bidi bidikoka hanshi ne wa bintu bia mu mai manene bidi bibidishibua hanu, biakumana kuibidishibua hanu kudi bantu;