Genese 7:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Noa wakabuela mu buatu ne mukashi wandi ne bana bandi balume ne bakashi ba bana bandi, bualu bua mai akavulangana.

MUKANDA WA MYIDI MUKULU

⁷ Nowa kubuela mu buatu ne mukajende, bana bende ba balume ne bakaji babu, bua kudipandisha ku mayi a tshipupu.

Genese 7:7 Marejeleo ya Msalaba

Genese 6:18

Kadi nenjadike tshihungidi tshianyi nʼebe, wewe neubuele mu buatu ne bana bebe balume ne mukashi webe ne bakashi ba bana bebe.

Genese 7:1

Yehowa wakambila Noa ne, Buela biebe mu buatu ne bantu bonso ba mu nsubu muebe, bualu bua meme nakakumona muimpe ku mesu kuanyi munkatshi mua tshikondo etshi.

Nsumuinu 22:3

Muntu mudimuke udi utangila dikenga diamba kumukuata, udi usokoma; kadi batshimbakanyi badi bahitaku, badi bakengeshibua.

Matayi 24:38

Ha matuku au, nvula ya bungi kayi mianze kulua, bantu bakadi badia, bakadi banua, bakadi babaka, bakadi babakibua tô ne hakalua dituku diakabuela Noa mu buatu bunene,

Luke 17:27

Bakadi badia, bakadi banua, bakadi babaka, bakadi babakibua tô ne hakalua ditutu diakabuela Noa mu buntu bunene, hakalua mai a bungi, hakafuabo buonso buabo.

Ebrewu 11:7

Bua ditabusha Noa, hakadiye mudimushibue bua malu akadi kâi manze kumuenebua, muenzeshibue ku dishina dia Nzambi, wakalongolola bualu bua kusungila nʼabu ba mu nsubu muandi; bua bualu ebu wakahisha ba ha buloba, wakalua muhianyi wa buakane budi bua ku ditabusha.

Ebrewu 6:18

bua ku malu abidi adi kâi mua kukudimuka, adi Nzambi kai mumanye mua kushimamu, tuikale ne ditantamika dikole dia mutshima, tuetu mene bakanyema bua kulamata ditekemena diakatekabo ku mpala kuetu.

1 Petro 3:20

Bantu aba bakadi ne buhidia diambedi, hakadi lutulu lua Nzambi luindila mu matuku a Noa, hakadi kuatu bunene bilongolodibua, muakasungidibua bantu banya-banya, bantu muanda mukulu mene, mu mai:

2 Petro 2:5

ne bikalaye kai muengeleke ba ha buloba ba kale, kadi wakalama Noa, muambi wa malu mimpe ne bantu bakuabo muanda mutekete hakatumeye mai manene ha buloba bua bantu babi;