Genese 7:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Haleha matuku muanda mutekete nendokeshe nvula ha buloba munya ne bufuku to matuku makumi anai, nenjimishe bintu bionso binakafuka ha buloba.

MUKANDA WA MYIDI MUKULU

⁴ Bualu papita matuku muanda mutekete, nendokeshe mvula pa buloba matuku makumi anayi a munya ne a butuku. Nembutule bintu bionsu bidi ne muoyi, bindi mufuke pa buloba.”

Genese 7:4 Marejeleo ya Msalaba

Genese 2:5

midioko ya mu madimi kayakanza kudiunda ha buloba ne mashinde kâkanza kutoloka, bualu bua Yehowa Nzambi kakanza kulokesha nvula ha buloba, ne kakuakadi muntu bua kuihileye buloba,

Genese 6:13

Nzambi wakambila Noa ne, Kunshikidilu kua bantu bonso kuakufika ku mpala kuanyi bualu bua buloba budi bûle tente ne mayoyo bualu buabo, mona, nembajimishe ne buloba hamue.

Genese 6:17

Tangila, meme nkayanyi, nendokeshe mai mangi ha buloba bua kujimisha bintu bionso bidi ne muhuya wa muoyo munda muabi muinshi mua diulu, tshintu tshionso tshidi ne muoyo ha buloba netshifue.

Genese 6:3

Yehowa wakamba ne, Nyuma wanyi kena utendekena bantu tshiendelele, bualu bua badi anu ba ha buloba, ne matuku abo neikale bidimu lukama ne makumi abidi.

Genese 6:7

Yehowa wakamba ne, Nenjimishe bantu banakafuka ha buloba, ne bantu ne nyama ne bintu bidi bidikoka hanshi ne nyunyu ya mulu, bualu bua mutshima wanyi udi munyingalale bua nakabifuka.

Genese 7:10

Hakashika matuku muanda mutekete mai akavulangana ha buloba.

Genese 7:12

Nvula yakaloka ha buloba munya ne bufuku tô matuku makumi anai.

Genese 7:17

Nvula yakaloka tô matuku makumi anai, mai akavulangana, akabandisha buatu ha mutu, buakabandishibua ku buloba.

Genese 7:3

Buela biebe ne balume ba nyunyu muanda mutekete ne bakashi ba nyunyu muanda mutekete, bua kusungila mioyo ya bintu.

Genese 8:10

Noa wakindila matuku muanda mutekete makuabo, wakatuma nyunyu wa nkutshi kabidi,

Genese 8:12

Wakindila matuku muanda mute kete makuabo, waka tuma nyunyu wa nkutshi kabidi, ne nyunyu kakahingana kudiye kabidi tshiendelele.

Genese 8:2

Mishimi ya mu mai manene ne bibi bia mu diulu kabidi biakadi bikandibua, ne nvula ya mu diulu yakalekeshibua.

Yobe 22:16

Bobo bakumushibua ha buloba diba diabo kadiyi dianze kufika, bishimikidi biabo biakashimbuka ne biakahumuka bu musulu wa mai.

Yobe 28:25

Hakidikisheye luhehele bujitu bualu, hakidikisheye bungi bua mai ne luidi luandi,

Misambu 69:28

Mena abo ajimishibue mu mukanda wa muoyo, kabafundibu hohamue ne mena a bantu bakane.

Yirmeya 28:16

Nunku Yehowa udi wamba ne Mona, nenkûmushe ha buloba; tshidimu etshi neufue biebe, bualu bua wakuamba mei a kutombokela nʼau Yehowa.

Amosa 4:7

Meme kabidi nakakanda nvula bua kanulokedi, hakadi ngondo isatu mishale tshikondo tshia kunowa katshiyi tshianji kufika; nakalokeshila musoko mukuabo mula, nakakanda nvula bua kalokedi musoko mukuabo. Nvula yakalokela budimi bukuabo, kadi bintu bia mu budimi buakadi kabuyi ne nvula biakafubidila.

Didimanyisha 3:5

Udi uhita bukole nealuatshishibue nunku ne bilulu bitoke, ne meme tshiena njimisha dina diandi mu mukanda wa muoyo nasha kakese, ne nenjukule dina diandi ku mpala kua Tatu wanyi, ne ku mpala kua banjelo bandi.