Genese 5:29 - Mukanda wa Nzambi Dihungila Dikulukulu ne Dihungila Dihia-dihia 2003

²⁹ wakamuidika dina ne, Noa, wakamba ne, Yeye neatusambe mu mudimu wa bianza bietu, bualu bua buloba buakedibua mulau kudi Yehowa.

MUKANDA WA MYIDI MUKULU

²⁹ Kumuinyikaye ne Nowa, wamba ne: — Muana ewu neatusambe ku mudimu mukole wetu wa bianza utudi tukuata, bualu Maweja-Nangila uvua mutshipe buloba.

Genese 5:29 Marejeleo ya Msalaba

Genese 5:28

Lemeke wakikala ne muoyo bidimu lukama ne makumi muanda mukulu ne bibidi, wakalela muana mulume,

Genese 5:30

Ku nyima kua kulela kua Noa, Lemeke wakikala ne muoyo bidimu nkama itanu ne makumi tshitema ne bitanu, wakalela bana balume ne bana bakashi.

Genese 7:23

Wakajimisha tshintu tshionso tshiakadi ne muoyo ha buloba, ne bantu ne bimuna ne bintu bidi bidikoka hanshi ne nyunyu ya mulu, bintu bionso biakajimina ha buloba, anu Noa ne bantu ne bintu biakadiye nʼabi mu buatu biakashala.

Genese 9:24

Noa wakatabala ku muoyo wandi, wakamanya bu muakenza muanʼandi wa mukala.

Yeshaya 54:9

Bua bualu ebu budi bu muakadi matuku a Noa kundi; bua bu munakadi tshiha bua mai a nvula mu matuku a Noa ne, Kaena alua ha buloba kabidi, nunku nakuditshiha ne, Tshiena nkuata nʼebe tshiji kabidi, tshiena nkubela.

Yezekiyele 14:14

Yehowa udi wamba ne, Nansha bu bantu aba basatu, Noa, Danyele ne Yobo, bikaminu, bakadi kuhandisha anu mioyo yabo nkayai ku buakane buabo.

Yezekiyele 14:20

Mukelenge Yehowa udi wamba ne, Bu Noa, Danyele ne Yobo bikalemu, bu mundi ne muoyo, kabakadi kuhandisha muoyo wa muana mulume anyi wa muana mukashi; bakadi kuhandisha anu mioyo yabo nkayai bua buakane buabo.

Matayi 24:37

Kulua kua Muana wa muntu nekuikale bu muakadi ha matuku a Noa.

Luke 3:36

muana wa Kenana, muana wa Afashada, muana wa Sheme, muana wa Noa, muana wa Lemeke,

Rome 8:20

Bualu bua bifukibua biakatekibua ku nyima kua malu a hatuhu, kembualu bua kudisunguila kuabi, kadi bua Nzambi, wakabiteka muiku mu ditekemena edi ne,

Ebrewu 11:7

Bua ditabusha Noa, hakadiye mudimushibue bua malu akadi kâi manze kumuenebua, muenzeshibue ku dishina dia Nzambi, wakalongolola bualu bua kusungila nʼabu ba mu nsubu muandi; bua bualu ebu wakahisha ba ha buloba, wakalua muhianyi wa buakane budi bua ku ditabusha.

1 Petro 3:20

Bantu aba bakadi ne buhidia diambedi, hakadi lutulu lua Nzambi luindila mu matuku a Noa, hakadi kuatu bunene bilongolodibua, muakasungidibua bantu banya-banya, bantu muanda mukulu mene, mu mai:

2 Petro 2:5

ne bikalaye kai muengeleke ba ha buloba ba kale, kadi wakalama Noa, muambi wa malu mimpe ne bantu bakuabo muanda mutekete hakatumeye mai manene ha buloba bua bantu babi;