Genese 49:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Yuda, bana benu nebakutumbishe, tshianza tshiebe netshifiekele mu nshingu ya bantu badi nʼebe lukuna, bana ba tatu ebe nebakukukuile.

MUKANDA WA MYIDI MUKULU

⁸ Yuda, bana benu nebakutumbishe, Neufyekele bena lukuna bebe mu nshingu. Bana benu, nansha ba tatu mene, nebakukukuile.

Genese 49:8 Marejeleo ya Msalaba

Genese 27:29

bantu bakukuatshile mudimu, ne bisamba bia bantu bitue mpala hanshi ku mesu kuebe wikale mukelenge wa bana benu, bana ba mamu webe batue mpala hanshi ku mesu kuebe, muntu yonso udi ukuela mulau neadiele mulau muntu yonso udi ukuvudishila disanka, adivudishile disa nka.

Genese 29:35

Wakimita difu dikuabo, wakalela muana wa balume, wakamba ne, Katataka nentumbishe Yehowa, nunku wakidika dina diandi ne, Yuda, ne yeye wakalekela kulela.

Genese 42:6

Yosefe wakadi mukokeshi wa mu buloba, nyeye mene wakadi uhanyisha bantu bonso bintu, bana babo ne Yosefe bakalua, bakamukukuila hanshi.

Genese 46:12

Bana ba balume ba Yuda Ele ne Onana ne Shela, ne Pelese ne Zela kadi Ele ne Onana bakafuila mu buloba bua Kanana Bana ba balume ba Pelese, Helelona ne Hamula.

2 Samuele 22:41

Wewe wakangelesha nyima ya bakadi nʼanyi lukuna, bua meme kushiha bakadi bankina.

2 Samuele 24:9

Yoaba wakamanyisha mukelenge bungi bua bantu: bena bukitu bakadi batuale miele ya nvita ba mu Bena Isalele bakadi bantu binunu nkama muanda mukulu, ne ba mu Bena Yuda bakadi bantu binunu nkama itanu.

2 Samuele 5:3

Nunku bakulu bonso ba mu Isalele bakalua kudi mukelenge mu Hebelone; mukelenge Davidi wakahunga nʼabo tshihungidi ku mesu kua Yehowa mu Hebelone; bakela Davidi manyi ha mutu bua kuikaleye mukelenge wa Bena Isalele.

1 Kulondolola 28:4

Kadi Yehowa, Nzambi wa Isalele, wakansungula munkatshi mua bonso ba mu nsubu wa tatu wanyi, wakampingisha mu bukelenge bua Isalele tshiendelele; bualu bua yeye wakasungula Yuda bua kuikaleye ku mutu; wakasungula tshiota tshia tatu wanyi mu tshisamba tshia Yuda; munkatshi mua bana ba tatu wanyi yeye wakalesha diakalengele kundi bua kumpingisha mu bukelenge bua Isalele;

1 Kulondolola 5:2

Bualu bua Yuda wakatamba bana babo bukole ne mukelenge wakafuma kudiye; kadi bintu bia buanʼa bute biakadi bia Yosefe).

2 Kulondolola 14:8

Asa wakadi ne bena nvita mu Yuda binunu nkama isatu bakatuala mafuma ne ngabu, ne mu Benyamina binunu nkama ibidi ne makumi muanda mukulu bakatuala ngabu ne mata; aba bonso bakadi bena nvita ba bukitu.

2 Kulondolola 15:9

Yeye wakasangisha Bena Yuda ne Bena Benyamina ne bonso bakadi bashikama mu Efelayima ne Manashe ne Shimeona; bualu bua ba bungi ba mu Bena Isalele bakalamata kudiye hakamonabo ne Yehowa Nzambi wandi wakadi nʼandi.

2 Kulondolola 17:2

Yeye wakateka masalayi mu misoko yonso ya ngumbu ya mu Yuda; wakateka milongo ya masalayi mu buloba bua Yuda ne mu misoko ya Efelayima yakanyenga Asa tatuʼandi.

2 Kulondolola 30:11

Kadi bantu bakuabo ba mu Ashe ne Manashe ne Zebuluna bakadihuekesha, bakalua ku Yelushalema.

Misambu 76:1

Badi bamanye Nzambi mu Yuda, dina diandi didi dinene mu Isalele.

Yeshaya 9:7

Kukudisha kua bukokeshi buandi ne kua ditalala kakuena kuikala ne nshikidilu, bua kujadika nkuasa wa bukokeshi wa Davidi, ne bukelenge buandi, ne bua kubukolesha ku kulumbulula kuakane ne ku buakane, mpindiu tô ne tshiendelele. Lukunukunu lua Yehowa wa misumba neluenze bualu ebu.

Yezekiyele 21:29

bualu bua bakukulesha bikena kumona bidi bikudinga, bakukutempela mbuku ya mashimi, bakukuelela mukenji bua wewe kuteka muele eu ha nshingu ya bantu babi badi batahibue mputa ya lufu, bena dituku diakumana kufika mu tshikondo tshia dikenga dia kunshikidilu.

Dibadika 1:27

bakabala ba mu tshisamba tshia Yuda binunu makumi muanda mutekete ne binai ne nkama isambombo.

Dibadika 10:14

Bena Yuda bakaya ku mpala ne dibendele dia tshitudilu tshiabo, Nashona, muana mulume wa Aminadaba, wakadi ku mutu kuabo.

Dibadika 26:20

Bana balume ba Yuda ku meku abo. Shela ne meku a Bena Shela, Pelese ne meku a Bena Pelese, Zela ne meku a Bena Zela.

Dibadika 26:22

Au mmeku a Yuda, bungi buabo buakabalabo buakadi binunu makumi muanda mutekete ne bisambombo ne nkama itanu.

Dielulula 33:7

Edi ndisanka dia Yuda; wakamba ne, Yehowa, unvua dî dia Yuda, ulue nʼandi kudi bantu bandi: bianza biebe bimukoleshe, wikale mukuatshishi wandi kudi bena lukuna.

Ebrewu 10:13

ku musangu eu windila tô ne haluabo kuvuisha badi nʼandi lukuna ditanda dia munshi mua makasa andi.

Ebrewu 7:14

Bualu budi bumanyishibua ne, Mukelenge wetu wakuledibua mu tshisamba tshia Yuda, tshisamba tshivua Mose kai muambile bua bakuidi.

Yoshua 10:24

Hakaluabo ne bakelenge aba batanu kudi Yoshua, Yoshua wakabikila balume bonso ba mu Isalele, wakambila tuhita tua bena nvita tuakadi nʼandi ne, Luai bienu ha buihi, diatai makasa enu ha nshingu ya bakelenge aba batanu. Bobo bakalua ha buihi, bakadiata makasa abo ha nshingu yabo.

Yoshua 15:20

Ebu mbuhianyi bua tshisamba tshia Bena Yuda ku meku abo.

Didimanyisha 11:15

Muanjelo wa muanda mutekete wakela mpungi; ne mei makole a mu diulu akalua, amba ne, Bukelenge bua ha buloba buakulua bukelenge bua Mukelenge wetu, ne bua Kilisto wandi, ne yeye neakokeshe tô ne tshiendelele.

Didimanyisha 5:5

Ne umue wa bakulu udi ungambila ne, Kudidi nasha; tangila, Nyama wa Ntambue udi wa mu tshisamba tshia Yuda, Muji wa Davidi, wakatamba bukole bua kubululeye mukanda ne bimanyishilu biau muanda mutekete.

Balombodi 20:18

Bena Isalele bakabika, bakaya ku Betele, bakebesha Nzambi bualu bua kuenzabo; bakamba ne, Ba kutudi badianjile kuluisha Bena Benyamina mbanganyi? Yehowa wakamba ne, Bena Yuda nebadianjile kuya.