Genese 47:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Yakoba wakamukudimuna ne Bidimu bia luendu lua bukole buanyi bidi lukama ne makumi asatu, matuku anyi adi makese, akadi mule tente ne malu mabi, kaena manze kufika ku bungi bua bidimu bia bankambua banyi mu luendu lua bukole buabo.

MUKANDA WA MYIDI MUKULU

⁹ Yakobe kuandamuna ne: — Ndi muendakane eku ne eku bu muenyi, ne ntatu ne makenga, bidimu lukama ne makumi asatu. Kadi bidimu ebi mbikese, bualu kabiena bungi bua bidimu bia bankambua banyi bavua pabu bendakanyi to.

Genese 47:9 Marejeleo ya Msalaba

Genese 11:11

Hakalela Sheme Âpakashada, yeye wakashala ne muoyo bidimu nkama itanu, wakalela bana balume ne bana bakashi.

Genese 35:28

Matuku onso a Isaka akadi bidimu lukama ne makumi muanda mukulu.

Genese 47:28

Yakoba wakashala mu buloba bua Ejipitu bidimu dikumi ne muanda mutekete, nunku bidimu bionso bia muoyo wa Yakoba biakadi lukama ne makumi anai ne muanda mutekete.

Genese 47:8

Palo wakakonka Yakoba ne, Bidimu bia muoyo webe bidi bungi munyi?

Genese 5:27

Matuku onso a muoyo a Metushela akadi bidimu nkama tshitema ne makumi asambombo ne tshitema, yeye wakafua biandi.

Genese 50:26

Nunku Yosefe wakafua, wakadi ne bidimu lukama ne dikumi bakalongolola tshitalu tshiandi, bakatshiteka mu mushete mu Ejipitu.

1 Kulondolola 29:15

Bualu bua tuetu tudi benyi ku mpala kuebe, tudi anu bu bahitshi ba mu buloba bu muakadi bankambua betu; matuku etu a ha buloba adi bu mundidimbi, katuena ne ditekemena dia kushalaku.

Yobe 14:1

Muntu udi muledibue kudi mukashi udi ne matuku makese a muoyo wandi ne udi mûle tente ne ntatu.

Misambu 119:19

Ndi muenyi ha buloba ebu; kusokoki mikenji yebe kundi.

Misambu 119:54

Mikenji yebe mifunda yakuikala misambu yanyi mu nsubu mundi mushikame bu muena luendu.

Misambu 39:12

Yehowa, unvua kulomba kuanyi, uteleje matshu ebe ku muadi wanyi. Kuhuwu talalâ nansha bua binsonshi bianyi. Bualu bua ndi muenyi udi nʼebe tshituha, ndi mushikame anu tshituha tshihi, bu muakadi batatu banyi bonso.

Misambu 39:13

Umusha mesu ebe kundi, bua meme kumanya mua kusanka kabidi; diambedi tshiyi muanze kumukaku, tshikadihu kabidi.

Misambu 39:5

Mona, wakunvuisha matuku anyi bu ntanta ya tshianza mu tshidikishilu tshiau, ne hidimu bia muoyo wanyi bu tshintu tshia hatuhu ku mesu kuebe. Bulelela, muntu yonso hadiye wimana mujalame udi anu bu muhuya.

Ekesode 6:4

Meme kabidi nakajadika nʼabo tshihungidi tshianyi bua kubaha buloba bua Kanana, buloba buakadibo bashikamamu bu benyi.

Ekesode 7:7

Mose wakadi ne bidimu makumi muanda mukulu, ne Alona wakadi ne bidimu makumi muanda mukulu ne bisatu, hakadibo bakula ne Palô.

2 Korente 5:6

Nunku bualu bua tudi ne dikima misangu yonso ne bualu bua tudi bamanye ne, Hatuikala kunu mu mubidi, katuena tuikala kua Mukelenge

Dielulula 34:7

Hakafua Mose, yeye wakadi ne bidimu lukama ne makumi abidi: mesu andi kâkadi bileshileshi ne bukole buandi kabuakahua.

Ebrewu 13:14

Bua katuena ne musoko kunoku udi wikalaku tshiendelele, kadi tudi tukeba musoko ulualua.

Yakobe 4:14

kadi kanuena bamanye malu kai neikaleku makelela. Muoyo wenu udi tshinyi? Nudi bu dibungi, didiku tshituha tshihi, hashishe didi dijimine.

Yoshua 24:29

Ku nyima kua malu â Yoshua, muana wa Nuna, muntu wa Yehowa, wakafua, wakadi ne bidimu lukama ne dikumi.

1 Petro 2:11

Bananga, udi nutendekena bu benyi ne bena luendu ba ha buloba ne, Nuehuke ku nkuka ya mibidi idi iluangana ne mioyo yenu;