Genese 47:17 - Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Bakalua ne bimuna biabo kudi Yosefe, ne Yosefe wakashintakasha nʼabo bia kudia ku tubalu tuabo ne ngombe yabo ne mikoko yabo ne nyama ya mpunda, yeye wakabadisha tshidimu tshijima ne bintu bia kudia biakashintakasheye ku bimuna biabo,

MUKANDA WA MYIDI MUKULU

¹⁷ Bena Ejipitu kutuadila Yozefe bimuna biabu: tubalu, mikoku, mbuji, ngombe ne mpunde. Yozefe kushintakaja bimuna abi ne biakudia. Kubapeshaye biakudia bikumbane bua kudia tshidimu tshijima.

Genese 47:17 Marejeleo ya Msalaba

Genese 47:16

Yosefe wakamba ne, Numpe bimuna bienu, nennuhe bia kudia ku bimuna bienu bikale argent yenu mishike.

Genese 47:18

Hakashika tshidimu atshi, bakalua kudiye tshidimu tshibidi, bakamuambila ne, Katuena tusokoka mukelenge wetu bualu tuakashiki sha argent yetu yonso, ne bimuna bietu mbia mukelenge wetu kabidi kakuena tshintu tshidi tshishala ku mesu kua mukelenge wanyi, anu mibidi yetu ne maloba etu.

1 Bakalenga 10:28

Tubalu tuakadi Solomo nʼatu tuakufuma ku Ejipitu: bendi ba mushinga ba mukelenge bakatuangata mu bisumbu, bakafila mushinga ku tshisumbu ne ku tshisumbu.

Yobe 2:4

Satana wakakudimuna Yehowa ne, Dikoba ku dikoba! Bulelela, bionso bidi muntu nʼabi yeye neabifile bua kusungila muoyo wandi.

Ekesode 9:3

Yehowa neateke tshianza tshiandi ha bimuna bidi mu budimi, ha tubalu ne nyama ya mpunda ne nyama ya tumelo ne ngombe ne mikoko, dishina dikole nedibikuate.

Yeshaya 31:1

Mulau wikale kudi bantu badi bahueka mu nshila wa ku Ejipitu bua kudiangatshila dikuatshisha diabo, badi batekemena tubalu, badi beyemena makalu a nvita bualu bua adi a bungi, ne badi babanda ha nyima ha tubalu bualu bua badi batamba bukole, kadi kabena batangila kudi Wa Tshijila wa Isalele, ne kabena bakeba lungenyi kudi Yehowa!

Matayi 6:24

Muntu kena mumanye mua kukuatshila banfumu babidi mudimu diakamue; yeye neikale ne mukuabo lukuna ne mukuabo dinanga, anyi nealamate mukuabo neahidie mukuabo. Kanuena bamanye mua kukuatshila Nzambi mudimu ne Mamona diakamue.