Genese 44:18 - Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Hashishe Yuda wakalua ha buihi nʼandi, wakamba ne, Mukelenge wanyi, witabushe, ndi nkutendekena, bua muntu webe ambile di ku matshu a mukelenge wanyi kunakadi ne tshiji kudi muntu webe, bualu bua wewe udi bu Palo mene.

MUKANDA WA MYIDI MUKULU

¹⁸ Yuda kusemena pabuipi ne Yozefe, kumuambila ne: — Mukalenga, ndi musue kukuambila bualu. Kumfikidi munda to. Wewe udi mulongu umue ne mukalenga wa bena Ejipitu.

Genese 44:18 Marejeleo ya Msalaba

Genese 18:30

Yeye wakamba ne, Mukelenge, kukuatshi tshiji, nengakule bianyi, bikalamu bantu bakane makumi asatu Yeye wakamba ne, Tshiena nshiha musoko bualu bua bantu makumi asatu.

Genese 18:32

Yeye wakamba ne, Mukelenge, kukuatshi tshiji, nengakule musangu eu, bikalamu bantu bakane dikumi Yeye wakamba ne, Tshiena nshiha musoko bualu bua bantu dikumi.

Genese 37:6

Yeye wakabambila ne, Unvuai, ndi nnusengelela, tshiota tshinakulota,

Genese 37:7

bualu bua monai, biakadi basuika bisumbu bia blé mu budimi, ne monai, tshisumbu tshianyi tshiakabika, tshiakimana, ne bisumbu bienu biakela tshianza munkatshi, biakatshikukuila.

Genese 37:8

Bana babo bakamuambila ne, Wewe newikale mukelenge wetu, anyi? Neutukokeshe, anyi? Bakatamba kuikala nʼandi lukuna bualu bua bilota biandi ne bua mei andi.

Genese 41:40

wewe newikale mulami wa nsubu wanyi, ne bantu banyi bonso nebakokeshibue anu ku dî diebe, anu bua nkuasa wa bukelenge nenkutambe.

Genese 41:44

Palo wakambila Yosefe ne, Meme ndi Palo, ne biwikala kuyi muambe di diebe, muntu kena mua kubisha tshianza tshiandi anyi dikasa diandi mu buloba bua Ejipitu buonso.

Genese 44:17

Yosefe wakabambila ne Tshiena mua kuenza nunku anu muntu wakasanganabo ne luhanza mu tshianza tshiandi neikale muhika wanyi kadi bakuabo benu nuhingane kudi tatu wenu talala.

2 Samuele 14:12

Hashishe mukashi wakamba ne, Ndi nkusengelela ne, Witabushe bua muntu webe ambile mukelenge wandi dî. Yeye wakamuambila ne, Ambaku.

Estere 1:12

Kadi Washeti, mukelenge mukashi, wakabenga kulua ku mukenji wa mukelenge wakatumeye kudi bantu batungula; nunku mukelenge wakadi ne tshiji tshikole, ne tshiji tshiandi tshiakatema munda muandi.

Yobe 33:31

Teleja bimpe, Yobo, ungunvuile; huwa talalâ, nengakule bianyi.

Misambu 79:5

Yehowa, bualu ebu nebulehe musangu bule bishi? Newikale ne tshiji tshiendelele, anyi? Mukau webe newoshe bu kahia, anyi?

Ekesode 32:22

Alona wakamba ne, Mukelenge wanyi, kuikadi ne tshiji tshikole, wewe udi mumanye bantu aba, badi ne mitshima yabo ku malu mabi.

Nsumuinu 19:12

Tshiji tshia mukelenge tshidi bu muadi wa nyama wa ntambue, kadi diakalengele diandi didi bu mume ha mashinde.

Danyele 3:15

Katataka binuitabusha kutua mpala yenu hanshi ne kutendelela luhingu lunakuenza, hanunvua tshiona tshia mpungi, tshia nshiba, tshia nzenze, tshia nkombe, tshia guitare, tshia bimama ne tshia biombelu bionso, mbimpe. Kadi binuikala kanuyi nutendelela, ha diba adi mene nebanuele munda mua tshikutu tshia kahia kakole; ne nzambi kai udi mua kunuhandisha mu bianza bianyi?

Danyele 5:19

Bua bunene buakamuhesheye, bantu ba bisamba bionso ne ba mu miaku yonso bakazakala ku mpala kuandi ne bakamutshina. Bakasueye kushiha, wakabashiha; bakasueye kushiya ne muoyo, wakabashiya ne muoyo; bakasueye kubandisha, wakababandisha; bakasueye kuhuekesha, wakabahuekesha.

Yowanane 5:22

Tatu kena ulumbuluisha muntu, kadi yeye wakuha Muana bulumbuluishi buonso,

Bienzedi 2:29

Bana betu, ndi mua kunujukuila bualu bua nkambua wetu Davidi ne, Yeye wakafua, bakamujika, lukita luandi ludi munkatshi muetu tô ne katataka.