Genese 43:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Tatu wabo Isalele wakabambila ne, Bikala bualu butukuate, enzai bienu nunku nuangate bintu biakakuamibua mu buloba buetu, nubiteke mu bisaka bienu, nuye nʼabi bu matabisha kudi mulume au Nuangate bintu bia muhuya muimpe, baume ne buitshi ne mula ne pistaches ne amandes,

MUKANDA WA MYIDI MUKULU

¹¹ Yakobe kuambila bana bende ne: — Padibi nanku, angatayi bintu bia mushinga mukole bia mu ditunga dietu: kamonya, buitshi, ndundu, manananshi, ne bimuma bia amande. Nubiele mu bibombi bienu bua kutuadila muena Ejipitu awu.

Genese 43:11 Marejeleo ya Msalaba

Genese 33:10

Yakoba wakamba ne, Nansha, ndi nkutendekena ne, Biwikala nʼanyi luse, witabushe matabisha a ku tshianza tshinyi, bualu bua nakumona mpala webe bu muntu udi umona mpala wa Nzambi, ne wewe wakusanka bua bualu buanyi.

Genese 37:25

Bakashikama bua kudiabo bidia, bakabanduluka, bakamona Bena Yishemaele bafume ku Gilada, ne tumelo tuabo tutuala manananshi ne bintu bia muhuya muimpe ne mula, bakadi bahueka mu Ejipitu.

Genese 43:10

bu tuetu katuyi bajanguluke nunku, tuakadi mua kuhingana kunoko tshiakabidi.

Genese 43:14

Nzambi wa Bukole Buonso anufue luse ku mesu kua mulume au, bua yeye ahingashe muanʼenu mukuabo ne Benyamina kabidi mu bianza bienu Bianjimishilabo bana banyi, nembajimishe

Genese 43:15

Bobo bakangata matabisha au, ne argent misangisha misangu ibidi, ne Benyamina mu bianza biabo, bakabika, bakaya mu Ejipitu, bakimana ku mpala kua Yosefe.

Genese 43:25

Bobo bakalongolola matabisha diambedi Yosefe kayi muanze kulua diba hankatshi, bualu bua bakunvua lumu ne, Netudieku nʼandi bidia.

Genese 43:26

Hakalua Yosefe ku nsubu kuandi, bakalua ne matabisha mu bianza biabo, bakamukukuila hanshi.

1 Bakalenga 10:15

ha mutu ha or ya basombeshanganyi ne bendi ba mushinga ne ya hakelenge ba Alabâ ne ya ba-gouverneur ba buloba.

1 Bakalenga 10:25

Muntu yonso wakalua ne mulambu wandi, bintu bia or ne bia argent ne bilulu ne bintu bia nvita ne bintu bia muhuya muimpe ne tubalu ne nyama ya mpunda, ku tshidimu ku tshidimu.

1 Bakalenga 15:19

Tshihungidi tshikale hankatshi hetu nʼebe bu muakaditshi hankatshi ha tatu wanyi ne tatu webe; ndi nkutumina argent ne or; ya biebe, ushihe tshihungidi tshiwakahunga ne Bâsha, mukelenge wa Isalele, bua yeye Umuke kundi.

1 Bakalenga 4:21

Solomo wakakokesha makelenge onso ku musulu wa Pelata to ne ku buloba bua Bena Peleshete ne ku matshika a buloba bua Ejipitu; bakamulambula milambu, bakakuatshila Solomo mudimu tô matuku andi onso.

2 Bakalenga 16:8

Ahaza wakangata biamu bia argent ne bia or biakadi mu nsubu wa Yehowa ne bintu bilengele biakadi mu nsubu wa mukelenge, wakabituma bu matabisha kudi mukelenge wa Ashû.

2 Bakalenga 20:12

Ku tshikondo atshi Melodaka-baladana, muana wa Baladana, mukelenge wa Babulona, wakatumina Hezikiya mikanda ne bintu, bualu bua yeye wakunvua lumu ne, Hezikiya wakadi ne disama.

2 Bakalenga 8:8

Mukelenge wakambila Hazaele ne, Wangate tshintu mu tshianza tshiebe, uye kusangakena ne muntu wa Nzambi; yeye ebeshe Yehowa bualu buanyi ne, Meme nensangale ku disama edi, anyi?

Estere 4:16

Ya biebe, usangishe Bena Yuda bonso badi mu Shushana, bajile bia kudia bualu buanyi matuku asatu; kabadi tshintu, kabanu tshintu tô matuku â asatu butuku ne munya; meme ne bena mudimu banyi bakashi netujile bia kudia diatshimue; hashishe nenye kudi mukelenge bu mudi kamuyi mu mikenji; binafua, nenfue.

Misambu 68:29

Bualu bua ntempelo webe wa mu Yelushalema bakelenge nebalue ne maha abo kûdi.

Misambu 72:10

Bakelenge ba mu Tâshishi ne ba mu bisanga bia mai manene nebafile milambu kudiye; bukelenge ba mu Sheba ne ba mu Seba nebalue ne maha abo kudiye.

Misambu 76:11

Uditshihe kudi Yehowa Nzambi webe mitshihu yebe, umufutai; bonso badi bamunyunguluke balue ne maha abo kudi udibo ne bua kutshina;

Ekesode 3:8

Nakulua hanshi bua kubasungila mu bianza bia Bena Ejipitu, ne bua kubaluhula mu buloba abu, ne bua kulua nʼabo mu buloba buimpe ne bunene, mu buloba budi ne mabele ne buitshi bia bungi, mu muaba wa Bena Kanana ne wa Bena Hiti ne wa Bena Amole ne wa Bena Pelese ne wa Bena Hiwi ne wa Bena Yebuse.

Nsumuinu 17:18

Muntu udi kayi ne lungenyi udi uhunga tshihungidi, udi weyeka tshieya ku mesu kua muena mutumba nʼandi.

Nsumuinu 18:16

Kuha kua mundi kudi kumuhetesha muaba, kudi kumuvuisha ku mpala kua bantu banene.

Nsumuinu 19:6

Ba bungi badi bakeba diakalengele kudi muntu udi tshihahai; muntu yonso udi mulunda wa muntu udi uhangana.

Nsumuinu 21:14

Diha didi muntu ufila mu musokoko didi diholesha tshiji; mbueshilu misokoko muinshi mua tshibalu idi iholesha tshiji tshikole.

Musambu wa Solomo 4:10

Muanʼetu mukashi, mukashi wanyi mubangile, dinanga diebe didi dimpe be! Dinanga diebe didi ditamba nvinyo buakane, muhuya wa manyi ebe udi uhita wa manananshi onso bulengele!

Musambu wa Solomo 4:14

nard ne safran, cannelle ne cinnamone, ne mitshi yonso ya musenga wa manananshi, ne myrrhe ne aloès, ne bintu bionso bia muhuya muimpe—

Musambu wa Solomo 8:14

Wanyi munanga, ulue lukasa; wikale bu kabuluku anyi bu lukungulu lua ntole ha mutu ha mikuna ya bintu bia muhuya muimpe.

Yirmeya 8:22

Kakuena buanga mu Gilada, anyi? Kakuenaku ngangabuka, anyi? Nunku, muoyo wa muana mukashi wa bana betu kawena muanji kusangala bua tshinyi?

Yezekiyele 27:15

Bantu ba ku Dedana bakenduluka nʼebe mushinga; bantu ba mu maloba mangi a ku muelelu wa mai bakakukuatshila mudimu bu bangendʼa mushinga; bakalua kûdi ne milambu ya mibanga ne mitshi ya ébéne.

Yezekiyele 27:17

Ba mu Yuda ne ba mu buloba bua Isalele bakenduluka nʼebe mushinga; bakashintakasha nʼebe blé wa ku Minita, dihula, buitshi, manyi ne manyi a kulaba, ku bintu biwakenduluka nʼabi.

Yezekiyele 27:22

Bangendʼa mushinga ba ku Sheba ne Lama bakendulukangana nʼebe mushinga; bakashintakasha nʼebe bintu bia muhuya muimpe bitambe mushinga mukole, mabue a mushinga mukole matamba bulengele ne or, ku bintu biwakenduluka nʼabi.

Lewitiki 20:24

Kadi meme nakanuambila ne, Nenuhiane buloba buabo, nennuhebu, buloba budi bûle tente ne mabele ne buitshi meme ndi Yehowa, Nzambi wenu, nakanujidila munkatshi mua bantu bakuabo.

Bienzedi 21:14

Hakahidieye kuitabusha, tuakalekela, tuakamba ne, Bualu budi Mukelenge musue buenjibue.

Dielulula 33:14

ne bua bintu biakakuama mamuma bualu bua diba, ne bua bintu bidi belangana ku ngondo ku ngondo;

1 Samuele 25:27

Nunku diha edi diakula nʼadi muhika webe mukashi kudi mukelenge wanyi difidibue kudi bansongalume badi ne mukelenge wanyi.

1 Samuele 9:7

Shaula wakambila muena mudimu wandi ne, Mona, bituaya, netutuadile muntu au tshinyi? Bualu bua bidia bionso bia mu mishete yetu biakashika, katuena ne matabisha a kuha muntu wa Nzambi; tudi ne tshintu kai?