Genese 42:18 - Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Hakahita matuku asatu, Yosefe wakabambila ne, Enzai nunku nushale ne muoyo, bualu bua meme ndi ntshina Nzambi.

MUKANDA WA MYIDI MUKULU

¹⁸ Dituku disatu, Yozefe kubambila ne: — Meme ndi nnemeka Mvidi Mukulu. Nanku bua nuenu kuikala ne muoyi, nuitabe tshindi nnuambila.

Genese 42:18 Marejeleo ya Msalaba

Genese 20:11

Abalahama wakamuambila ne, Bualu bua nakuelangana meji ne, Bushuwa, ditshina dia Nzambi kadiena mu muaba eu, ne bobo nebanshihe bualu bua mukashi wanyi.

Genese 39:9

Yeye kena muntambe meme bunene mu nsubu eu, yeye kakumpidisha tshintu tshimue tshidiye nʼatshi anu wewe nkayebe, bualu bua wewe udi mukashi wandi: ndi mua kuenza bualu ebu bubi bunene ne mua kuenzela Nzambi bibi munyi?

Genese 42:19

Binuamba mei malelela, nuitabushe bua: umue wenu ashale musuikibue mu nsubi wa lukanu, kadi bakuabo benu baye kuenu ne bia kudia bualu bua tshiole tshidi mu nsubu yenu.

Nehemya 5:15

Kadi ba-gouverneur bakadi ku mpala kuanyi bakangata difutu diabo kudi bantu; bakadiangatshila bidia ne nvinyo kudibo ha mutu ha nshekele ya argent makumi anai; bena mudimu babo mene bakakokesha bantu, kadi meme tshiakenza nunku bualu bua dishina dia Nzambi.

Nehemya 5:9

Nakamba kabidi ne Bualu ebu bunudi nuenza kabuena buimpe; kanuena ne buabi bua kuenda mu ditshina dia Nzambi wetu bualu bua bihendu bia bisamba bia bantu, bena lukuna betu, anyi?

Yobe 1:1

Muntu wakadiku mu buloba bua Usa, dina diandi Yobo. Wakadi muntu wa mutshima mutoke ne wa malu makane, wakatshina Nzambi, wakehuka ku malu mabi.

Ekesode 1:17

Kadi baleleshi bakatshina Nzambi, kabakenza muakabambila mukelenge wa Ejipitu, kadi bakasungila bana balume.

Ekesode 18:21

Bualu bukuabo, usungule munkatshi mua bantu bonso balume badi ne lungenyi lule, badi batshina Nzambi, bena bulelela, badi bakina mbueshilu, ubateke ku mutu kua bantu bu bakokeshi ba bantu tshinunu ne ba bantu lukama ne ba bantu makumi atanu ne ba bantu dikumi.

Lewitiki 25:17

Kanuenzedianganyi bibi, nuenu nenutshine Nzambi webe bualu bua meme ndi Yehowa, Nzambi wenu.

Lewitiki 25:43

Kumukokeshi ne tshianza tshikole, kadi utshine Nzambi webe.

Luke 18:2

wakamba ne, Mu musoko mukuabo muakadi njuji, yeye kakadi utshina Nzambi, kakadi unemeka bantu;

Luke 18:4

Yeye kakasua kubuenza musangu mule, kadi ku nyima wakamba munda munda ne, Bulelela, tshiena ntshina Nzambi, tshiena nemeka bantu,