Genese 42:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Bobo bakamuku dimuna ne, Tuetu, bantu bebe, tudi bana dikumi ne babidi ba muntu umue wa mu buloba bua Kanana, ne mona, muana wa mukala udi mushale ne tatu wetu katataka, ne mukuabo kenaku.

MUKANDA WA MYIDI MUKULU

¹³ Bobu bavua bamuambila amu kumuambila ne: — Kabiena nanku nansha kakese. Tuetu tudi tufuma mu ditunga dia Kenaane. Tuvua bana dikumi ne babidi ba tatu umue. Muakunyetu wa mukala mmushale kudi tatu. Kadi muakunyetu mukuabu ukadi mumane kufua.

Genese 42:13 Marejeleo ya Msalaba

Genese 37:30

Wakahingana kudi bana babo, wakamba ne, Nsongalume kenaku, ne meme nenye kudi kunyi?

Genese 42:11

Buonso buetu tudi bana ba muntu umue, tudi bambe mei a bushuwa, katuena batentekedi.

Genese 42:12

Kadi yeye wakabambila ne, Nansha, nuakuluila anu bua kutangila ne buloba budi hatuhu.

Genese 42:14

Yosefe wakabambila ne, Adi ndi dinakunuambila ne, Nudi batentekedi,

Genese 42:32

tudi bana dikumi ne babidi ba tatu umue, umue wetu kenaku, ne mua nʼetu, muanʼa mukala udi mushale ne tatu wetu mu buloba bua Kanâna.

Genese 42:36

Yakoba, tatu wabo, wakabambila ne, Nuenu nuakunjimishila bana banyi Yosefe kenaku, ne Shimeona kenaku, ne nudi nuamba kuya ne Benyamina, malu au onso adi mantonde.

Genese 42:38

Yakoba wakamba ne Muan anyi kena uya nʼenu, mukuluʼandi udi mufue ne anu yeye umuehele udi mushale, biamukuata bualu bubi mu nshila unuaya, hashishe, nenuvuishe nsuki yanyi mitoke to ne kanyinganyinga mu Muaba wa Bafue.

Genese 43:29

Yeye wakakenzakana, wakamona Benyamina, muakunyʼandi, muana wa mamu wandi, wakabakonka ne, Eu udi muakunyʼenu unuakungambila, anyi? Yeye wakamuambila ne, Nzambi akufute luse, muanʼanyi.

Genese 43:7

Bakamba ne, Mulume au wakatukonka bua malu etu mene, ne bua bana betu ne, Tatu wenu utshidi ne muoyo, anyi? Nudi ne muanʼenu mukuabo wa balume, anyi? Tuetu bakamukudimuna anu bu muakatukonkeye, tuakadianjila kumanya ne, Yeye wakadi mua kutuambila ne, Luai ne muanʼenu wa balume kunoko, anyi?

Genese 44:20

Tuetu tuakakudimuna mukelenge wetu di ne, Tudi ne tatu muntu mununu, ne muan etu mukuabo wakamulelabo ku bununu buandi utshidi mukese, muan abo mukuabo wa difu dimue wakafua, ne anu yeye muana umuehele kua mamu wandi udi mushale ne tatu wandi udi umunanga.

Genese 44:28

umue wabo wakumuka kundi, nakamba ne, Nyama mubi wakamuhandulula, ne ku dituku adi tshiakamutangila kabidi,

Genese 45:26

Bakamuambila ne, Yosefe utshidi ne muoyo, ne yeye udi mukelenge wa buloba bua Ejipitu Mutshima wandi wakahandika yeye kakitabusha di diabo.

Yirmeya 31:15

Yehowa udi wamba dî edi ne, Badi bunvua dî mu Lama, madilu ne muadi mukole. Lakele udi udila bana bandi; yeye udi uhidia bua bamusambe bua bana bandi, bualu bua kabenaku.

Muadi 5:7

Batatuʼetu bakenza malu mabi, kabenaku kabidi; ne tuetu tuakuhiana mibi yabo.

Matayi 2:16

Hakamanya Helode ne, Bena Meshi badi banseka, wakadi ne tshishi tshikole, wakatuma bua kushihabo bana balume bonso ba mu Beteleheme ne ba ku matshika a musoko ba katataka tô ne ba bidimu bibidi, bu ba tshikondo tshiakumanyineye kudi Bena Meshi.

Matayi 2:18

Bakunvua dî mu Lama, Madilu ne muadi mukole, Lakele udi udila bana bandi, Yeye udi uhidia bamusambe, bualu bua bana bandi kabenaku.