Genese 41:42 - Mukanda wa Nzambi Dihungila Dikulukulu ne Dihungila Dihia-dihia 2003

⁴² Palô wakakohola kakanu ka tshimanyinu tshiandi tshifundahu ku munu wandi, wakakela ku munu wa Yosefe, wakamuluatshisha bilulu bia lin, wakamuela lukanu lua or mu nshingu muandi,

MUKANDA WA MYIDI MUKULU

⁴² Ke mukalenga kukopola kakanu kende ka bukalenga, kukela Yozefe ku munu. Ku-muvuadikaye ne tshilamba tshinefuke tshia ndanda. Kumuelaye bilengejilu bia mpawungi mu nshingu.

Genese 41:42 Marejeleo ya Msalaba

Genese 38:18

Yeye wakamuebesha ne, Nenkueyeke tshieya kai? Mukashi wakamukudimuna ne, Umpe kakanu ka ku munu webe ne mionshi misuika ku maboko ebe ne tshibangu tshiebe tshiudi nʼatshi mu tshianza tshiebe. Yeye wakamuhabi, wakaya kudiye, ne mukashi wakimita difu kudiye.

Genese 41:43

wakamuendesha mu dikalu dibidi dia bukelenge, wakela mbila ku mpala kuandi ne, Tuai binu hanshi, wakamuteka mu bukelenge bua buloba bua Ejipitu buonso

Estere 10:3

Bualu bua Môdekai, Muena Yuda, wakadi muntu muibidi ku nyima kua mukelenge Ahashawelosha, ne wakadi munene munkatshi mua Bena Yuda, wakadi muitabushibue kudi tshisumbu tshia bana babo, mukebe diakalengele dia bana babo, muambile bana babo mei a ditalala.

Estere 3:10

Mukelenge wakakohola kakanu ka ku munu wandi, wakakafila kudi Hamana, muana wa Hamedata, Muena Agaga, muena lukuna wa Bena Yuda.

Estere 3:12

Hashishe bakabikila bafundi ba mukelenge mu ngondo wa kumudilu mu dituku dia dikumi ne asatu dia ngondo; bakafundila miloho ya mukelenge ne ba-gouverneur ba ku nseke yonso ne bantu banene bakadi ku mutu kua bantu bonso, bantu mu muaku wabo bantu mu muaku wabo, bu muakamba Hamana; bakafunda malu â mu dina dia mukelenge Ahashawelosha, bakatekahu tshimanyinu tshia ku kakanu ka mukelenge.

Estere 8:10

Wakafunda malu au mu dina dia mukelenge Ahashawelosha, wakatekahu tshimanyinu tshia ku kakanu ka mukelenge, wakatuma mikanda ei mu bianza bia bantu badi benda ha nyima ha tubalu tudi tuenda lukasa tuakadi mu nsubu wa mukelenge tuakalelabo kudi kabalu kandi kanene; ne ha nyima ha nyama ya mpunda ne ha tumelo;

Estere 8:15

Môdekai wakumuka ku mesu kua mukelenge muluate bilulu bia bleu ne bitoke bia bukelenge, ne tshifulu tshia butumbi tshia or, ne tshikowelu tshikunzubile tshia bilulu bia lin; bena musoko bakadi mu Shushana bakela mbila, bakasanka.

Estere 8:2

Mukelenge wakakohola kakanu kakanyengeye kudi Hamana, wakakaha Môdekai. Esetê wakateka Môdekai ha mutu ha nsubu wa Hamana.

Estere 8:8

Nunku nufunde bualu bua Bena Yuda bunudi basue mu dina dia mukelenge, nutekehu tshimanyinu tshia ku kakanu ka mukelenge; bualu bua kakuena muntu udi mumanye mua kukudimuna dî didi difundibua mu dina dia mukelenge, didi ne tshimanyinu tshia ku kakanu ka mukelenge tshitekahu.

Misambu 73:6

Nunku kudisua kudi bu lukanu ludi lujingila mu nshingu yabo, tshimbambila tshidi tshibabuikila bu tshitalu.

Nsumuinu 1:9

Bualu bua biobi nebikale tshitotolo tshilengele tshia ku mutu webe, ne nkanu ya mu nshingu muebe.

Nsumuinu 31:22

Udi udikumina bilulu bia ha bulalu; bivualu biandi bidi bia lin bia mushinga mukole ne bikunzubile.

Nsumuinu 31:24

Udi utela bivualu bia lin, udi ubihana; udi ufila mikaba kudi ngendʼa mushinga.

Musambu wa Solomo 1:10

Matama ebe adi malengele bua mabue adi malembelelahu, ne nshingu webe udi mulengesha ne mabue a mushinga mukole.

Musambu wa Solomo 4:9

Wewe, muanʼetu mukashi, mukashi wanyi muhungile, wakakoka mutshima wanyi, wakakoka mutshima wanyi ne disu diebe dimue, ne dibue dimue dia ku mabue a mu nshingu muebe.

Yeshaya 3:23

ndimuenu ya kukuata ku bianza, bilulu bia mushinga mukole bia lin, bifulu ne bilulu bia kubuikila ha mpala.

Yirmeya 52:33

wakamûmusha bilulu biandi bia lukanu. Yehoyakina wakadia bia kudia biandi ku mpala kua mukelenge matuku onso a muoyo wandi.

Yezekiyele 27:7

Tshilulu tshiebe tshia kuendesha nʼatshi buatu tshiakadi tshilulu tshia lin tshilengele tshia ku Ejipitu tshiela ne malenda, tshikale bu dibendela diebe; tshilulu tshia ntenta tshia ha mutu ha buatu tshiakadi tshifike ne tshikunze tshia ku bisanga bia Elisha.

Danyele 5:16

Kadi nakunvua lumu luebe ne, wewe udi mua kujingulula bantu malu a nunku ne kuitaba makonka makole. Nunku, biwamanya mua kubala tshifundu etshi ne kummanyisha dijingulula diatshi, nebakuluatshishe bivualu bikunzubile, nebakuele lukanu lua or mu nshingu muebe ne nebakuteke bu muisatu wa mu bukelenge buanyi.

Danyele 5:29

Mu diba adi Beleshasâ wakela dî diandi, bakaluatshisha Danyele bilulu bikunzubile, bakamuela lukanu lua or mu nshingu muandi, bakela mukenji bualu buandi ne ikale mukokeshi muisatu wa mu bukelenge.

Danyele 5:7

Mukelenge wakela dî dikole ne, Balue ne bamanyi ba malu a mitoto, Bena Kasada, ne batempi ba mbuku. Mukelenge wakambila bena meji ba mu Babulona ne, Muntu yonso wabala tshifundu etshi, wandesha dijingulula diatshi nebamuluatshishe bilulu bikunzubile, nebamuele lukanu lua or mu nshingu muandi, nebamuteke bu muisatu munkatshi mua bakokeshi na bukelenge ebu.

Luke 15:22

Kadi tatu wandi wakambila bantu bandi ne, Nulue lubilu ne tshilulu tshidi tshitambe buimpe, munuluatshishetshi; numuele kakanu ku munu ne bisabata ku makasa.

1 Samuele 18:4

Yonatana wakavula tshilulu tshiandi tshiakadiye muluate, wakatshiha Davidi; wakamuha muele wandi wa nvita ne buta buandi ne mukaba wandi kabidi.