Genese 41:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Hakahita bidimu bibidi bijima, Palô wakalota tshiota, yeye wakadi muimane hehi ne musulu.

MUKANDA WA MYIDI MUKULU

¹ Kupita bidimu bibidi, mukalenga wa bena Ejipitu kulota tshilota: uvua ku muelelu wa musulu wa Nile.

Genese 41:1 Marejeleo ya Msalaba

Genese 20:3

Kadi Nzambi wakamueneka kudi Abimeleke mu tshilota butuku, wakamuambila ne, Wewe udi anu muntu mufue, bualu bua mukashi uwakuangata udi mukashi wa munga muntu.

Genese 28:12

Yeye wakalota tshiota, wakamona tshibandilu tshi shimika hanshi ne mutu watshi wakateka to ne mu diulu ne mona banjelo ba Nzambi bakadi babandahu, bahuekahu:

Genese 29:14

Labana wakamuambila ne Bulelela, wewe udi mufuba wanyi ne musunyi wanyi Yeye wakashala nʼandi to ngondo mujima.

Genese 31:21

Yeye wakanyema ne bintu bionso biaka diye nʼabi, wakabika, wakasabuka musulu wa Pelata, wakabisha luendu bua kuya ku mukuna wa Gilada.

Genese 40:23

Kadi kahita ka bena maluvu wakahua Yosefe muoyo, yeye kakamuvuluka.

Genese 40:5

Tuakalota bilota bubidi bualu, muntu tshiandi tshiota muntu tshiandi tshilota butuku bumue, mutuadi wa maluvu ne mulambi wa bidia bia mukelenge wa Ejipitu, bakadi basuikila mu nsubu wa lukanu.

Genese 41:2

Wakamona ngombe muanda mutekete yakadi ne manyi a bungi, yakabanda mu mai, yakadi idia mashinde malehe.

Estere 6:1

Butuku abu mukelenge kakamanya mua kulala tulu; wakamba dî diandi, bakalua ne mukanda wa kulondolola kua malu, bakaubala ku mesu kua mukelenge.

Ekesode 1:22

Palo wakelela bantu bandi bonso mukenji ne, Bialelabo muana mulume, nenumuele mu musulu, kadi nensungile bana bakashi.

Ekesode 4:9

Bikalabo kabayi bitabusha bimanyinu ebi bibidi, kabayi bunvue dî diebe, wewe newangate mai a mu musulu, wele ha buloba bûme, ne mai awakangata mu musulu neakudimuke mashi ha buloba bûme.

Yeshaya 19:5

Mai a mu mai manene neûme onso, ne Musulu wa Nile neunyanguke, neûme.

Yezekiyele 29:3

Ela dî diebe, amba ne, Mukelenge Yehowa udi wamba ne, Ndi nʼebe tshilumbu, wewe Palô, mukelenge wa Ejipitu, wewe ngandu munene udi ulala munkatshi mua misulu yebe, wamba ne, Musulu eu nguanyi mene, nakudienzelau nkayanyi.

Yezekiyele 29:9

Buloba bua Ejipitu nebuikale tshihela tshia hatuhu ne tshikulu; nunku nebamanye ne, Ndi Yehowa. Bualu bua wewe wakuamba ne, Musulu wa Nile nguanyi, meme nakudienzelau nkayanyi;

Matayi 27:19

Hakadiye ushikama mu nkuasa wa bulumbuludi, mukashi wandi wakamutumina dî ne, Kubuedi mu bualu bua muntu muakane eu; lelu nakutamba kukenga mu tshilota bua bualu buandi.

Dielulula 11:10

Bualu bua buloba bunuyaya kuhiana kabuena bu buloba bua Ejipitu munuakumuka, bunuakakuna ntete yenu, nuakayimiamina mai nuendakana ku makasa, bu tshibanda tshia midioko;