Genese 4:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Kana wakumuka ku mesu kua Yehowa, wakashikama mu buloba bua Nodo, ku esete kua Edene.

MUKANDA WA MYIDI MUKULU

¹⁶ Kayine kumuka muaba uvua Maweja-Nangila, kuya kusomba mu ditunga dia Node luseke ludi diba dipatukila lua Edene.

Genese 4:16 Marejeleo ya Msalaba

Genese 3:8

Bakunvua di dia Yehowa Nzambi wendakana mu budimi dilolo, mulume ne mukashi bakasokoma munkatshi mua mitshi ya mu budimi ku mesu kua Yehowa Nzambi.

Genese 4:14

Mona, wewe wakungihata lelu ha buloba, nengikale musokome ku mesu kuebe, nengikale munyemi ne muena tshiendenda ha buloba, ne hashishe yonso wansangana neanshihe.

Genese 4:17

Kana wakamanyangana ne mukashi wandi, yeye wakimita difu, wakalela Hanoka, yeye wakasa musoko, wakidika musoko dina dia muanʼandi Hanoka.

2 Bakalenga 13:23

Kadi Yehowa wakabalesha dinanga, wakabafila luse, wakabalesha kalolo, bualu bua tshihungidi tshiakahungeye ne Abalahama ne Isaka ne Yakoba, yeye wakabenga bua kubabutula, kakabihata ku mesu kuandi.

2 Bakalenga 24:20

Tshiji tshia Yehowa tshiakakumbana kudi Bena Yelushalema ne kudi Bena Yuda tô ne hakumusheye bonso ku mesu kuandi. Sedekiya wakatombokela mukelenge wa Babulona.

Yobe 1:12

Nunku Yehowa wakambila Satana ne, Mona, bintu bionso bidiye nʼabi bidi mu bianza biebe; kadi kumulengi tshianza tshiebe. Nunku Satana wakaluhuka ku mesu kua Yehowa.

Yobe 2:7

Nunku Satana wakaluhuka ku mpala kua Yehowa, wakasamisha Yobo ne biusha binene hamʼbidi bonso, munda mua makasa tô ne ku lubombo lua mutu wandi.

Yobe 20:17

Kena umona misulu, misulu idi miule tente ne buitshi ne manteke.

Misambu 5:11

Nunku bonso badi banyemena kudi basanke, bele mbila ya disanka tshiendelele; ne wewe neubalame; bonso badi bananga dina diebe bikale ne disanka kûdi.

Misambu 68:2

Bu mudi luhehele lumuangalasha muishi, wewe ubihata; bu mudi dihula dienguluka ku luya lua kahia, bantu babi bajimine ku mpala kua Nzambi muomumue.

Ekesode 20:18

Bantu bonso bakatangila makubakuba ne miele ya nvula ne di dia mpungi ne muishi ha mukuna, hakamonabo malu â, bakatshina, bakimana ha bule.

Yirmeya 23:39

nunku monai, nennuhue muoyo tshiendelele, nennûmushe ku mesu kuanyi, nuenu ne musoko unakanuha ne batatu henu.

Yirmeya 52:3

Tshiji tshia Yehowa tshiakatema bikole kudi Bena Yelushalema ne Bena Yuda tô ne hakahiteye ku mesu kuandi. Sedekiya wakatombokela mukelenge wa Babulona.

Yona 1:3

Kadi Yona wakabika bua kunyemeneye ku Tâshishi bua kumuka ku mesu kua Yehowa. Wakahueka ku Yopa, wakasangana buatu buamba kuya ku Tâshishi; wakafuta mushinga wa luendu, wakabuela mu buatu bua kuyeye ne bena buatu ku Tâshishi, unyema Yehowa.

Matayi 18:20

Ndi bianyi munkatshi mua bantu babidi anyi basatu badi badisangisha mu dina dianyi.

Luke 13:26

hashishe nenubange kuamba ne, Tuakadi tudia nʼebe, tunua nʼebe, wewe kabidi wakadi uyisha bantu mu misesu yetu;

Yowanane 1:10

Yeye wakadi ha buloba, buloba buakafukibua kudiye, kadi ba ha buloba kabakamumanya.

Yowanane 1:3

Bintu bionso biakafukibua kudiye; kakuena tshintu tshiakafukibua kudi mukuabo, anu kudiye.

1 Tesalonike 1:9

Bua bobo nkayabo batu bamba bua bualu buetu, bu muakadi tshibueledi tshietu kunudi, ne bu munuakakudimuka kudi Nzambi hanuakalekela mpingu bua kukuatshila Nzambi wa muoyo ne wa bushua mudimu,