Genese 37:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Bana babo bakamona ne dinanga dia tatu wabo kudiye diakatamba dia kudi buonso buabo, bobo bakadi nʼandi lukuna, kabakamanya mua kuyikila nʼandi talala.

MUKANDA WA MYIDI MUKULU

⁴ Bana babu bamone muvua tatuabu mutambe kunanga Yozefe, kujilabu muanabu, kabayi mua kuyukila nende kakuyi matandu.

Genese 37:4 Marejeleo ya Msalaba

Genese 27:41

Esau wakadi ne Yakoba lukuna bualu bua disanka diakamusankisha nʼadi tatu andi Esau wakamba mu mutshima wandi ne, Hashika matuku a madilu a tatu anyi, hashishe, nenshihe muakunyʼanyi Yakoba.

Genese 37:11

Bana babo bakadi nʼandi mukau, kadi tatu wandi wakateka mei au mu mutshima wandi.

Genese 37:5

Yosefe wakalota tshilota, wakatshiawila bana babo, bobo bakatamba kuikala nʼandi lukuna.

Genese 4:5

kadi yeye wakahidia Kana ne mulambu wandi Kana wakadi ne tshiji, wakabungama

Genese 49:23

Bilembi bia m ta biakumunyingalasha bikole, biakumuela mikete, biakumutatshisha,

Misambu 38:19

Kadi bena lukuna banyi badi batantamena, badi bakole; badi bankina hatuhu badi bavulangana.

Misambu 69:4

Badi nʼanyi lukuna kabayi mua kumbanda ne tshilumbu badi bahita nsuki ya ku mutu wanyi bungi. Badi basue kumbutula badi bakole, bikale bena lukuna banyi anu bua mashimi. Tshinakadi tshiyi munyenge ntshindi ne bua kuhingasha.

Yirmeya 12:6

Bualu bua bana benu mene ne ba mu tshiota tshia tatu webe bakukutungila tshitungu; bobo mene badi bakulonda ne mbila; kuitabushi mei abo, nansha biakuambilabo mei mimpe.

Marke 3:25

Hahanduluka nsubu, nsubu au kena mumanye mua kuikala.

Tite 3:3

Bualu bua tuetu tuakadi bahote diambedi, tuakadi ne buhidia, tuakadi badingishibua, tuakadi tulonda nkuka ne masanka bia mishindu ya bungi; tuakadi tuikala ne lukinu ne mukau; tuakadi tukinyibua, tuakadi tukinangana.

1 Yone 2:11

Kadi muntu udi ne muanʼabo lukuna, yeye utshidi mu midima, udi wenda mu midima, kena mumanye kudiye uya, bualu bua midima yakufofomesha mesu andi.

1 Yone 3:10

Mu muanda eu bana ba Nzambi ne bana ba diabolo badi bajinguluka; muntu yonso udi kai wenza malu makane kena wa Nzambi; ne yeye udi kai unanga muanʼabo kabidi.

1 Yone 3:12

kembua kuikala bu Kana, wakadi wa mubi, wakashiha muanʼabo. Ne yeye wakamushihela tshinyi? Bualu bua midimu yandi yakadi mibi ne ya muanʼabo yakadi miakane.

1 Yone 4:20

Biamba muntu ne, Ndi nanga Nzambi, ne yeye udi ne muanʼabo lukuna, yeye udi muena mashimi; bualu bua udi kai unanga muanʼabo wakutangileye, kena mumanye mua kunanga Nzambi udiye kai mutangile.

1 Samuele 17:28

Eliaba mukuluʼandi wakunyua hakambileye bantu nunku, Eliaba wakakuatshila Davidi tshiji, wakamba ne, Wewe wakuluila kunoko tshinyi? Wakashiya mikoko ai mikese mu tshihela kudi nganyi? Ndi mumanye kudisua kuebe ne kudibandisha kua mutshima webe: wewe wakuluila anu bualu bua kutangila mata.