Genese 34:30 - Mukanda wa Nzambi Dihungila Dikulukulu ne Dihungila Dihia-dihia 2003

³⁰ Yakoba wakambila Shimeona ne Lewi ne, Nuenu nuakuntatshisha, nuakunvuisha bu tshintu tshibi munkatshi mua bena buloba munkatshi mua Bena Kanana ne Bena Pelese, tuetu tudi bakehe ne bobo nebunguile kundi, nebanshihe, nebahaule nsubu wanyi ne meme nenjimishibue.

MUKANDA WA MYIDI MUKULU

³⁰ Ke Yakobe kuambila bana bende Shimeyone ne Levi ne: — Nuangenzedi bibi, nuamfuishi bundu kudi bena Kenaane ne kudi bena Perizi. Tuetu tudi bakese, bobu badi ba bungi. Badi mua kudisanga, kumbutala ne bianyi bionsu bindi nabi.

Genese 34:30 Marejeleo ya Msalaba

Misambu 105:12

Hakadibo bantu banya-banya bua bungi buabo, e, hakadibo bantu banya-banya be, ne hakashikamabo mu buloba bu benyi;

1 Samuele 13:4

Bena Isalele bonso bakunvua lumu ne, Shaula wakashiha masalayi a Bena Peleshete ne Bena Isalele bakahetudibua kudi Bena Peleshete. Bantu bonso bakadisangisha kudi Shaula mu Gilegala.

Yoshua 7:25

Yoshua wakamba ne, Wewe wakatukengesha bualu kai? Yehowa neakukengeshe lelu. Bena Isalele bonso bakamukuma ne mabue yeye ne bintu biandi bionso kabidi, bakabiosha ne kahia.

Ekesode 5:21

bobo bakabambila ne, Yehowa anutangile, anulumbuluishe, bualu bua nuakutuvuisha bu tshintu tshidi tshi tua tshibi ku mesu kua Palô ne ku mesu kua bantu bandi, nuakuteka muele wa nvita mu bianza biabo wa kutushiha nʼau.

1 Kulondolola 19:6

Hakamona Bena Amona ne, Tuakadivuisha bu tshintu tshibi kudi Davidi, Hanuna ne Bena Amona bakatuma tshinunu tshia ntalanta ya argent bua kusumbabo makalu ne bena nvita badi benda ha nyima ha tubalu ku Mesopotamia ne ku Alama-mâka ne ku Zoba.

1 Kulondolola 16:19

Hakadibo anu bantu banya-banya bua bungi buabo, e, hakadibo bantu banya-banya be, ne hakashikamabo mu buloba bu benyi;

1 Samuele 27:12

Akisha wakitabusha mei onso akamuambila Davidi; yeye wakamba ne, Davidi wakavuisha Bena Isalele, bantu bandi, bua bobo bamulengulule, nunku yeye neikale muhika wanyi tshiendelele.

Genese 13:7

Balami ba bimuna bia Abalama ne balami ba bimuna bia Lota bakatandangana. Bena Kanâna ne Bena Pelese bakadi mu buloba tshikondo atshi.

Nsumuinu 15:27

Muntu udi ne lukuka lua luhetu udi ukengesha ba mu nsubu muandi, kadi udi ukina mbueshilu neikale ne muoyo.

Nsumuinu 11:29

Udi utatshisha ba mu nsubu muandi neahiane luhehele, muntu muhote neikale muhika wa muena mutshima wa meji.

Nsumuinu 11:17

Muena luse udi wenzela muoyo wandi bimpe, kadi muena lukisu udi ukengesha mubidi wandi.

1 Kulondolola 16:12

Nuvuluke bienu bienzedi bia kukema biakuenzeye, malu andi a kukema, ne dilumbulula dia mukana muandi,

1 Kulondolola 2:7

Bana ba balume ba Kâmi; Akâ, mutatshi wa Isalele, wakenza bualu bubi ne tshintu tshia tshijila.

1 Bakalenga 18:18

Yeye wakamukudimuna ne, Tshiakatatshisha Bena Isalele, kadi anu wewe ne ba mu nsubu wa tatu webe, bualu bua nuenu nuakahetula mikenji ya Yehowa, nuakalonda Bâla.

2 Samuele 10:6

Hakatangila Bena Amona ne, Davidi wakalengulula, Bena Amona bakabikila Bena Sulia ba mu Bete-lehoba ne ba mu Soha, binunu makumi abidi bakadi benda hanshi; mukelenge wa Mâka wakafila tshinunu tshia bantu; bantu ba Tobo bakadi binunu dikumi ne bibidi.

1 Samuele 27:1

Davidi wakamba mu mutshima wandi ne, Meme nenfue dituku dikuabo ku tshianza tshia Shaula; kakuena bualu budi butamba buimpe kundi bu mudi kunyemena mu buloba bua Bena Peleshete; Shaula neahange kunkeba mu matshika a buloba bua Isalele, nunku nempanduke mu tshianza tshiandi.

1 Samuele 16:2

Samuele wakamba ne, Nenye munyi? Biunvua Shaula lumu elu, yeye neanshihe. Yehowa wakamba ne, Uye ne lukungulu lua ngombe, Wamba ne, Nyaya bua kushihela Yehowa.

Dielulula 7:7

Yehowa kakateka luse luandi kunudi, kakanusungula bualu bua nuenu nuakahita bantu bakuabo bungi; nuenu nuakatamba bantu bonso bukese;

Dielulula 4:17

nansha tshia nyama yonso ya ha buloba, anyi tshia nyunyu yonso idi yenda mu diulu,

Genese 46:27

ne bana ba balume ba Yosefe bakamulelelabo mu Ejipitu bakadi babidi, bantu bonso ba mu nsubu bakalueye nʼabo mu Ejipitu bakadi makumi muanda mutekete.

Genese 12:12

ne hakumona Bena Ejipitu, bobo nebambe ne, Eu udi mukashi wandi! Bobo nebanshihe meme, nebakushiye wewe ne muoyo.

Genese 12:2

Nenkuvuishe tshisamba tshinene, nenkusankishe, nenvuishe dina diebe dinene, ne wewe neuvudishile bakuabo disanka.

Genese 34:2

Shekeme muana mulume wa Hamo, Muena Hiwi, mukelenge muana wa buloba, wakamutangila wakamukuata, wakalala nʼandi, wakamufuisha bundu.

Genese 34:29

ne biuma biabo bionso ne bana babo ne bakashi babo, bakabangata bu bahika babo ba mu nvita bionso mene biakadi mu nsubu.

Genese 34:31

Bobo bakamukudimuna ne Yeye wakadi ne bualu bua kuenzela muan etu wa bakashi bu mukashi wa masandi, anyi?

Genese 46:26

Bantu aba bonso bakalua ne Yakoba mu Ejipitu bonso bakahatuka munda mua Yakoba, kababadi bakashi ba bana bandi bakadi makumi asambombo ne basambombo,

Dielulula 4:27

Yehowa neanumuangalashe munkatshi mua bantu bakuabo, nenuikale bantu bakehe munkatshi mua bisamba mudi Yehowa unutuma.

Genese 12:6

Abalama wakalala mu buloba, wakalua ku Shekeme, kuakadi mutshi wa telebinta wa mu Mole Bena Kanana bakadi mu buloba tshikondo atshi.

2 Samuele 16:21

Ahitofele wakambila Abashaloma ne, Ubuele mu nsubu kudi bakashi bahika babakibue kudi tatu webe bakashiyeye bua kulamabo nsubu; Bena Isalele bonso nebunvue lumu ne, Wewe udi mulenguludibue kudi tatu webe, nunku maboko a bantu bonso badi nʼebe neakoleshibue.

1 Bakalenga 11:25

Yeye wakadi muena lukuna wa Bena Isalele matuku onso a Solomo; wakabenzela malu mabi ba mutu ha malu akabenzela Hadada; yeye wakalengulula Bena Isalele, wakakokesha mu Sulia.