Genese 33:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Yakoba wakamba ne, Nansha, ndi nkutendekena ne, Biwikala nʼanyi luse, witabushe matabisha a ku tshianza tshinyi, bualu bua nakumona mpala webe bu muntu udi umona mpala wa Nzambi, ne wewe wakusanka bua bualu buanyi.

MUKANDA WA MYIDI MUKULU

¹⁰ Yakobe kutendakena Esawu ne: — Bu wewe musue, umfuile luse. Angata mulambu undi mukutuadile ewu, bua kujadika muudi mumane kumfuila luse. Kabidi pandi nkutangila, ndi bu mumone Mvidi Mukulu wanyi bua luse lunene luudi mumfuile.

Genese 33:10 Marejeleo ya Msalaba

Genese 19:19

tangila, muntu webe wakamana kusangana luse ku mesu kuebe, ne wewe wakavudisha luse luebe kundi hawakasungila muoyo wanyi, tshiena mua kunyemena ku mikuna, bua bualu bubi nebunkuate, nenfue bianyi.

Genese 32:30

Yakoba wakidika muaba au ne, Peniele bualu bua yeye wakamba ne, Nakumonangana ne Nzambi mpala ha mpala ne muoyo wanyi wakuhanduka.

Genese 33:11

Ndi nkutendekena ne, Witabushe matabisha anakulua nʼau kudi, bualu bua Nzambi wakungenzela bimpe ne meme ndi ne bintu bikumbane kabidi. Wakananukila kumusengelela ne yeye wakângata.

Genese 33:9

Esau wakamuambila ne, Ndi ne bintu bikumbane, muakunyiʼanyi ushale ne bintu biudi nʼabi.

Genese 43:3

Yuda wakamuambila ne, Mulume au wakabambila bikole ne, Kanuena nu ntangila ku mesu, binuikala kanuyi nulua ne muakunyʼenu kundi.

Genese 47:29

Dituku dia lufu lua Isalele diakalua ha buihi, Wakabikila muanʼandi Yosefe, wakamuambila ne, Bingikala ne luse ku mesu kuebe, ulenge tshianza tshiebe muinshi mua tshibelu tshinyi, uditshihe bua kungenzela malu mimpe ne a bushuwa, ndi nkutendekena ne, Kabanjiki mu Ejipitu.

Genese 50:4

Hakashika matuku a madilu, Yosefe wakambila ba mu nsubu wa Palo ne, Bingikala ne luse ku mesu kuenu, ndi nnusengelela ne, Nuambile Palô ku matshu andi ne,

2 Samuele 14:24

Mukelenge wakamba ne, Aye biandi ku nsubu kuandi, katangidi mpala wanyi. Nunku Abashaloma wakaya ku nsubu wandi, kakatangila mpala wa mukelenge.

2 Samuele 14:28

Abashaloma wakashikama mu Yelushalema bidimu bibidi bijima, yeye kakatangila mpala wa mukelenge.

2 Samuele 14:32

Abashaloma wakakudimuna Yoaba dî ne, Mona, nakakubikila ne, Lua kunoko, bua kukutuma kudi mukelenge bua kumuebesha ne, Wakumbikidila ku Geshû bua tshinyi? Biakadi bimpe bua meme kushalaku. Nunku witabushe bua meme kutangila mpala wa mukelenge; ne bingikala ne bualu bubi, anshihe.

2 Samuele 3:13

Davidi wakamba ne, Mbimpe, netuhunge nʼebe tshihungidi, kadi bualu bumue bûdi ne bua kuenza budi nunku: kuena mua kutangila mpala wanyi diambedi kuyi muanze kulua ne Mikala, muana mukashi wa Shaula; hashishe neumanye mua kuntangila.

Yobe 33:26

Udi utendelela Nzambi, yeye udi uluangana nʼandi bimpe, nunku udi umona mpala wa Nzambi ne disanka; yeye udi uhingishila muntu buakane buakadiye nʼabu.

Misambu 41:11

Ku muanda eu ndi mumanye ne, Wewe udi usanka bua bualu buanyi, bualu bua muena lukuna wanyi kakumpita bukole.

Yirmeya 31:2

Yehowa udi wamba ne, Bantu bakahanduka ku muele wa nvita bakaheta diakalengele mu tshihela; Bena Isalele mene, hanakaya kubaha dikisha.

Matayi 18:10

Nudimuke, kanulenguludi muana umue wa mu bana aba bakese; ndi nuambila ne, Mu diulu matuku onso banjelo babo batu batangila Tatu wanyi udi mu diulu ku mesu.

Didimanyisha 22:4

ne nebamone mpala wandi; ne dina diandi nedikale ha mpala habo.

Rute 2:10

Hashishe yeye wakakuma mpala wandi hanshi, wakamukukuila, wakamukonka ne, Meme nakasangana luse ku mesu kuebe bualu kai bua wewe wakunjingulula wakuntangila, meme muenyi?

1 Samuele 20:3

Davidi wakaditshiha ne, Tatu webe udi mumanye ne, Meme nakasangana luse ku mesu kuebe ne yeye udi wamba ne, Yonatana kimanyi bualu ebu, anyi yeye neanyingalashe mutshima wandi; kadi bu mudi Yehowa ne muoyo ne bu mudi mutshima webe ne muoyo anu katuha kihi kadi kashala hankatshi hanyi ne lufu.