Genese 24:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ witabushe ne nsongakashi undi ngambila ne, Ndi nkutendekena ne, Utule mulondo webe wa mai, umpe mai a kunua, yeye angandamune di ne, Nua biebe, nennuishe tumelo biebe kabidi, nunku yeye mene ikale mukashi uwakasunguila muntu webe Isaka, nunku nemmanye ne wewe wakufuila mukelenge wanyi luse.

MUKANDA WA MYIDI MUKULU

¹⁴ Nsongakaji ungambila ne: “Bu wewe musue tula mulondu panshi, umpeshe mayi a kunua,” pikalaye mua kuitaba bua kumpesha mayi a kunua, ne kunuisha tumelu tuanyi, nemmanye ne nsongakaji awu ke uudi musunguile muntu webe Izake. Kabidi nenjadike ne: malu onsu auvua mulaye mfumuanyi Abrahame akumbanyi.

Genese 24:14 Marejeleo ya Msalaba

Genese 15:8

Yeye wakamba ne, Mukelenge Yehowa, ndi mumanye ne, Nembuhiane munyi?

Genese 24:13

Tangila, hantshidi muimane hehi ne mushimi wa mai, ne bana bakashi ba bena musoko bakadi balua bua kusunabo mai,

Genese 24:15

Hashishe, hakadiye wakula, tangilai, Lebeka wakadi mulela kudi Betuele, muana mulume wa Mileka, mukashi wa Naho, muanʼabo ne Abalahama, wakaluhuka ne mulondo wa mai ha diaha diandi.

Genese 24:18

Yeye wakamba ne, Nue biebe, mukelenge wanyi, yeye wakatula mulondo wandi lubilu mu tshianza tshiandi, wakamunuisha.

Genese 24:19

Hakashikisheye kumunuisha mai, yeye wakamba ne, Nensunyine tumelo biebe mai kabidi to ne hukutatu.

Genese 24:43

tangila, hantshidi muimane hehi ne mushimi wa mai, witabushe ne nsongakashi ulualua bua kusuneye mai undi ngambila ne, Ndi nkusengelela ne Umpeku tuima tua kunua mu mulondo webe,

Genese 24:44

yeye neangandamune dî ne, Nua biebe, nennuishe tumelo biebe kabidi, ka yeye mene ikale mukashi wakasunguila Yehowa muana mulume wa mukelenge wanyi.

2 Samuele 20:9

Yoaba wakebesha Amasa ne, Muanʼetu, udi mukole, anyi? Yoaba wakakuata Amasa ku muedi ne tshianza tshiandi tshia balume bua kumutua mishiku.

2 Samuele 5:24

Haunvua tshiona tshihita ku mitu ya mitshi ya mûr, bûdi nʼabu mbua kudikankamika bualu bua Yehowa wakadianjila ku mpala kuebe bua kushiheye masalayi a Bena Peleshete.

Nsumuinu 19:14

Nsubu ne biuma bidi buhianyi budi bufuma kudi batatu, kadi mukashi mubake wa meji udi diha didi difuma kudi Yehowa.

Yeshaya 7:11

Lombela biebe Yehowa Nzambi webe tshimanyinu. Utshilombe nansha mu muaba wa mu ndondo wa mu buloba, nansha mu muaba udi mulu mene.

Rome 1:10

ndomba bianyi ne, Bikala bualu mua kuikala nunku, mpindiu, musangu mumane kuleha, nempete dikasa dimpe ku disua dia Nzambi bua kulua kunudi.

Balombodi 18:5

Bobo bakamuambila ne, Tudi tukusengelela ne, Utuebeshile Nzambi bua tuetu tumanye ne tudi ne diakalengele mu nshila wetu utuaya.

Balombodi 6:17

Yeye wakamuambila ne, Bingikala musangane diakalengele ku mesu kuebe, undeshe tshimanymu ne, Nguewe mene udi wakula nʼanyi.

Balombodi 6:37

tangila, nenteke miosa ya mikoko hanshi mu tshishihuidi; bikala mume anu ha miosa ne buloba buonso budi bûme, hashishe nemmanye ne, Wewe neusungile Bena Isalele ku tshianza tshianyi bu muwakamba.

1 Samuele 20:7

Biambeye ne, Mbimpe, hashishe muntu webe neikale talalâ, kadi biakuateye tshiji, Umanye biebe ne yeye wakahangidisha bua kungenzela bibi.