Genese 23:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ bua yeye ampe lubuebue lua ku Makepela, ludiye nʼalu ku mpenge kua budimi buandi, yeye alumpe ku mesu kua buonso buenu ku mushinga udiye musue wa muaba wa kujikamu tshitalu.

MUKANDA WA MYIDI MUKULU

⁹ Ampeshe lubuebue luende ludi ku mpenga kua budimi buende. Alunsumbishe ku mushinga walu, nuenu batangile, bua lushale muaba wanyi.

Genese 23:9 Marejeleo ya Msalaba

Genese 23:10

Efelona wakadi ushikama munkatshi mua bana ba Hete, ne Efelona, Muena Hiti wakambila Abalahama ku mpala kua bana ba Hete bonso mene bakadi babuela mu musoko wandi ne,

Genese 23:4

Ndi bianyi muenyi ne muikadi munkatshi muenu, numpe muaba wa majambu bua meme kujikarnu tshitalu etshi ku mesu.

Genese 23:8

Yeye wakayikila nʼabo, wakabambila ne, Binuitabusha bua meme kujika tshitalu etshi ku mesu kuanji, nungunvuile, nungakuile kudi Efelona, muana wa Sohâ

Genese 25:10

budimi buakasumba Abalahama kudi bana ba Hete, bakajikamu Abalahama ne Sala, mukashi wandi.

Genese 49:29

Yeye wakabadimusha, wakabambila ne, Nkadi ha kudisangisha ne bankambua banyi, nunjike mu muaba wakajikabo batatuʼanyi mu lubuebue ludi mu budimi bua Efelona, Muena Hiti,

Genese 50:13

bualu bua bobo bakamutuala mu buloba bua Kanana, bakamujika mu lubuebue lua mu budimi bua Makepela, luakasumba Abalahama hamue ne budimi, kudi Efelona, Muena Hiti, bu muaba wa kujikamu bafue, ku mpala kua Mamale.

1 Kulondolola 21:22

Hashishe Davidi wakambila Ônana ne, Umpe muaba wa tshihehuidi etshi, bua meme kuashilahu Yehowa tshioshelu; utshimpe ku mushinga muakane bua tshihuhu etshi tshikandikibue kudi bantu.

1 Kulondolola 21:24

Davidi wakambila Ônana ne, Nansha. Nenkuhe mushinga udi muakane; bualu bua tshiena ngangatshila Yehowa bintu biebe, tshiena nfila mulamba undi tshiyi mufidile mushinga.

Rome 12:17

Kualukishidi muntu bubi ku bubi buandi. Nudianjile kuela meshi bua kuikala ne malu mimpe ku mesu bua bantu bonso.

Rome 13:8

Kanuikadi ne muntu dinga dibanza anu dia kunangangana; bua wananga mukuabo wakushikisha mikenshi.