Genese 20:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Abalahama wakamuambila ne, Bualu bua nakuelangana meji ne, Bushuwa, ditshina dia Nzambi kadiena mu muaba eu, ne bobo nebanshihe bualu bua mukashi wanyi.

MUKANDA WA MYIDI MUKULU

¹¹ Abrahame kuandamuna ne: — Mvua muele meji ne: bantu ba kuneku kabena batshina Mvidi Mukulu. Nanku nebanshipe bua kuangata mukajanyi.

Genese 20:11 Marejeleo ya Msalaba

Genese 12:12

ne hakumona Bena Ejipitu, bobo nebambe ne, Eu udi mukashi wandi! Bobo nebanshihe meme, nebakushiye wewe ne muoyo.

Genese 20:10

Abimeleke wakakonka Abalahama ne, Meji kai akadi munda muebe a kukuenzesha bualu ebu?

Genese 20:12

Bulelela, yeye udi muakunyi wanyi, udi muana wa tatu wanyi, kadi kena muana wa mamu wanyi, ne yeye wakalua mukashi wanyi.

Genese 22:12

Yeye wakamba ne, Kulengi nsongalume tshianza nansha, kumuenzedi bualu, bualu bua katataka ndi mumanye ne wewe udi utshina Nzambi, bualu bua wewe kuakumpidia muanʼebe, muana umuehele mene.

Genese 26:7

Bena musoko bakamukonka bua mukashi wandi, ne yeye wakabambila ne, Yeye udi muanʼetu wa bakashi Bualu bua yeye wakatshina mua kuamba ne, Yeye udi mukashi wanyi, bua bena musoko kabamushihi bua Lebeka, bualu bua yeye wakadi miumpe kumona.

Genese 42:18

Hakahita matuku asatu, Yosefe wakabambila ne, Enzai nunku nushale ne muoyo, bualu bua meme ndi ntshina Nzambi.

Nehemya 5:15

Kadi ba-gouverneur bakadi ku mpala kuanyi bakangata difutu diabo kudi bantu; bakadiangatshila bidia ne nvinyo kudibo ha mutu ha nshekele ya argent makumi anai; bena mudimu babo mene bakakokesha bantu, kadi meme tshiakenza nunku bualu bua dishina dia Nzambi.

Yobe 1:1

Muntu wakadiku mu buloba bua Usa, dina diandi Yobo. Wakadi muntu wa mutshima mutoke ne wa malu makane, wakatshina Nzambi, wakehuka ku malu mabi.

Yobe 28:28

Hashishe, wakambila bantu ne, Monai, ditshina dia Mukelenge didi meji; ne kumuka ku malu mabi kudi kujingulula kua malu.

Misambu 14:4

Benji ba malu mabi bonso kabena ne meji, anyi? Badi badia bantu banyi bu mudibo badia bidia, ne kabena babikila dina dia Yehowa.

Nsumuinu 1:7

Ditshina dia Yehowa ntshibangidilu tshia lungenyi; bahote badi bahetula meji ne diyisha.

Nsumuinu 16:6

Luse lujalame ne lulamatu lua ku bushuwa bidi bibuikila malu mabi, ne bua ditshina diabo dia Yehowa bantu badi bahanduka mu dikenga.

Nsumuinu 2:5

nunku neujingulule ditshina dia Yehowa, neusangane dimanya dia malu a Nzambi.

Nsumuinu 8:13

Kutshina Yehowa nkuikala ne malu mabi lukuna. Kudisua, kudibandisha ne nshila wa malu mabi, mukana mudi muamba mei a tshitshu, ndi mbikina.

Rome 3:18

Ditshina dia Nzambi kadiena ku mesu kuabo.