Genese 18:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Abalahama wakaya lubilu ku tshisumbu tshia ngombe, wakangata lukungulu lua ngombe luakadi lutekete ne luimpe, wakalufila kudi muntu wandi, ne yeye wakaluhandulula lubilu.

MUKANDA WA MYIDI MUKULU

⁷ Kunyemenaye kabidi ku tshikumbi tshia ngombe, kusungulaye muana wa ngombe muimpe wa manyi. Kumufila kudi muena mudimu bua amulambe lukasa.

Genese 18:7 Marejeleo ya Msalaba

Genese 18:6

Abalahama wakabuela mu ntenta lubilu kudi Sala wakamuambila ne Wangate bihiminu bisatu bia bukula lubilu, usangakashe, ulambe mikata.

Genese 18:8

Yeye wakangata manteke ne mabele ne lukungulu lua ngombe luakalambabo, wakabiteka ku mpala kuabo. Yeye wakimana ha buihi nʼabo muinshi mua mutshi hakadibo badia.

Genese 19:3

Yeye wakabatendekena bikole, bobo bakaya nʼandi bakabuela mu nsubu wandi, yeye wakabalambishila bintu bia bungi ne bidia bidi kabiyi ne luevene ne bobo bakabidia.

Amosa 6:4

Badi balala ha malalu a mibanga, ne badi badiolola ha matanda; badi badia bana ba mikoko ba mu tshisumbu tshia mikoko, ne bana ba ngombe ba mu tshikumbi.

Malaki 1:14

Kadi mulau wikale kudi udi udinga, udi ne mulume wa mikoko mu bimuna biandi, udi ulaya bua kumufila, hashishe, udi ufila mukuabo udi mulema kudi Yehowa. Yehowa wa misumba udi wamba ne, Meme ndi Mukelenge mimene, dina dianyi didi ditshinyisha ha mu bisamba bia bantu.

Matayi 22:4

Yeye wakatuma bantu bandi bakuabo kabidi ne, Nuambile bantu banakalayila diambedi ne, Nakulongolola bidia, ngombe yanyi idi mishiha ne bana ba ngombe ba manyi, bintu, bionso biakuhua, luai ku disanka dia dibanji.

Luke 15:23

Nulue ne muana wa ngombe udi ne manyi, numushihe, tudie bietu, tusanke bietu,

Luke 15:27

Wakamuambila ne, Muanʼenu wakulua; tatu webe wakushiha muana wa ngombe wa manyi, hua yeye wakumuangata mukole.

Luke 15:30

kadi bakulua muana webe eu, wakutangadisha bintu biebe kudi bakashi ba masandi, wewe wakumushihela muana wa ngombe wa manyi.

1 Samuele 28:24

Mukashi eu wakadi ne kana ka ngombe ka manyi mu nsubu; yeye wakaya lubilu, wakakashiha; wakangata bukula, Wakenza nʼabu mampa adi kâyi ne luevene;